agriculture news in marathi, exibition on millet processing,kolhapur, maharashtra | Agrowon

महिलांनी नाचणीपासून बनवले सत्तरहून अधिक पदार्थ
टीम अॅग्रोवन
शनिवार, 17 नोव्हेंबर 2018

नाचणीचे मूल्यवर्धन करून इतके पदार्थ तयार करण्यात येत असल्याचे ग्रामीण भागातील महिलांनी दाखवून दिले आहे. हा प्रतिसाद नक्कीच सुखावणारा आहे.
- पराग परीट, संयोजक.

कोल्हापूर   : नाचणीची आंबील, नाचणीच्या पुऱ्या, नाचणीची वडी, नाचणीचे शेंगूळ, मोदक, आंबोळी अशा एक नव्हे तर सत्तरहून अधिक पदार्थांची रेलचेल किसरुळ (ता. पन्हाळा) या छोट्या गावात पाहावयास मिळाली. दुर्गम भागातील शेकडो महिलांनी आपल्या पाककलेला मुक्त वाव देताना फक्त नाचणीपासून तयार केलेले पदार्थ थक्क करणारेच होते.
 

कृषी तंत्रज्ञान व्यवस्थापन यंत्रणा (आत्मा), कृषी महाविद्यालय, आखिल भारतीय समन्वित नाचणी व तृणधान्य सुधार प्रकल्पाच्या संयुक्त विद्यमाने नाचणी दिन साजरा करण्यात आला. या निमित्ताने आयोजित नाचणीपासून तयार होणाऱ्या पदार्थांच्या प्रदर्शनाचे आयोजन करण्यात आले. या वेळी विविध स्पर्धाही घेण्यात आल्या. जिल्ह्यात खरीप पिकांमध्ये नाचणी हे दुर्गम भागातील हक्काचे पीक आहे. परंतु या पिकाचे मार्केटिंग झाले नसल्याने ते दुर्लक्षित राहिले आहे. केवळ नाचणी विकण्यापेक्षा त्याचे मूल्यवर्धन करून विकल्यास ती फायदेशीर ठरू शकतात हे दर्शविण्यासाठी या उपक्रमाचे आयोजन करण्यात आले.

या वेळी  किसरुळ गावातील महिलांकडूनच विविध पदार्थ बनवून घेण्यात आले. महाविद्यालयीन युवतीबरोबरच महिलांनींही आपल्या पाककौशल्याचे प्रात्यक्षिक दाखवत तज्ज्ञांना थक्क केले. यामध्ये विशेष करून नाचणीचे लाडू, चकली, आंबिल, उसळ, भाकरी, भजी, बाकरवडी, करंजी मोदक, धपाटे, शंकरपाळी, गुलाबजामून, शेव, चटणी. नाचण्याची पोळी, नाचणीची सुखडी, उकडलेले कानवले, वडी, पापडी मुटकी, कुरवड्या, हलवा, शिरा, आदि सत्तरहून पदार्थ महिलांनी तयार केले.

कृषी विभागाने या पदार्थांच्या मार्केटिंगसाठी प्रयत्न केल्यास नाचणी उत्पादक शेतकऱ्यांना याचा फायदा होऊ शकेल,  असे महिला शेतकरी विमल पाटील यांनी सांगितले.

या वेळी जिल्हा अधीक्षक कृषी अधिकारी ज्ञानदेव वाकुरे, कृषी उपसंचालक भाग्यश्री फरांदे, कृषी महाविद्यालयाचे प्राचार्य डॉ. जी. जी. खोत, तालुका कृषी अधिकारी बंडा कुंभार, नाचणी प्रकल्पाचे श्री. निगडे, श्री कराड, सर्जेराव पाटील आदी उपस्थित होते.
 

 

इतर ताज्या घडामोडी
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...
साडेचौदा टन केशर, बदामी आंबा...मुंबई : वातावरण नियंत्रित करून फळाचे...