agriculture news in Marathi, exploitation of milk producers due to confusion of SNF, Maharashtra | Agrowon

‘एसएनएफ’च्या संभ्रमामुळे दूध उत्पादकांची लूट
टीम अॅग्रोवन
शनिवार, 4 ऑगस्ट 2018

पुणे : राज्यातील दूध उत्पादक शेतकऱ्यांना प्रतिलिटर २५ रुपये दर देण्याबाबत दर्जाचे निकष ठरविताना ‘एसएनएफ’बाबत संभ्रमाची स्थिती ठेवण्यात आल्यामुळे शेतकऱ्यांच्या बिलातून मनमानी पद्धतीने कपात केली जात आहे. त्यामुळे ‘एसएनएफ’च्या संभ्रमाचा मुद्दा थेट मुख्यमंत्र्यांसमोर मांडण्याची तयारी दुग्धविकास खात्याने केली आहे. 

पुणे : राज्यातील दूध उत्पादक शेतकऱ्यांना प्रतिलिटर २५ रुपये दर देण्याबाबत दर्जाचे निकष ठरविताना ‘एसएनएफ’बाबत संभ्रमाची स्थिती ठेवण्यात आल्यामुळे शेतकऱ्यांच्या बिलातून मनमानी पद्धतीने कपात केली जात आहे. त्यामुळे ‘एसएनएफ’च्या संभ्रमाचा मुद्दा थेट मुख्यमंत्र्यांसमोर मांडण्याची तयारी दुग्धविकास खात्याने केली आहे. 

दुधाची गुणप्रत ठरवितांना राज्य शासनाने फक्त फॅटचे निकष जाहीर केले. मात्र, ‘एनएनएफ’बाबत कोणतीही माहिती न दिल्यामुळे राज्यात संभ्रमाची स्थिती तयार झाली आहे. त्यामुळे ८.५ एसएनएफच्या खाली खासगी डेअरीचालक आणि काही सहकारी दूध संघदेखील मनमानी पद्धतीने शेतकऱ्यांच्या बिलात कपात करीत आहेत. 

महाराष्ट्र राज्य दूध उत्पादक व प्रक्रिया व्यावसायिक कल्याणकारी संघाचे सचिव प्रकाश कुतवळ यांच्याशी संपर्क साधला असता ते म्हणाले, की हा मुद्दा राज्याच्या दुग्धविकास आयुक्तांच्या बैठकीत उपस्थित झाला होता. ८.५ ‘एसएनएफ’च्या खाली प्रतिपॉईंटला एक रुपया कपात करण्याची एकमुखी सूचना आम्ही दुग्धविकास खात्याकडे केली आहे. त्यामुळे ‘एनएनएफ’चा संभ्रम लवकरच दूर होईल. 

दरम्यान, दुग्धविकास आयुक्त राजीव जाधव यांनी ‘एनएनएफ’बाबत दुध संघ व डेअरीचालकांकडून आलेल्या सूचना थेट दुग्धविकासमंत्री महादेव जानकर यांच्याकडे मांडण्याचा निर्णय घेतला आहे. श्री. जानकर यांच्याकडून ‘एनएनएफ’चा कपात दर निश्चित झाल्यानंतर हा विषय पुन्हा मुख्यमंत्री देवेंद्र फडणवीस यांच्यासमोर ठेवला जाणार आहे. 

‘‘मुख्यमंत्र्यांची मान्यता मिळाल्यानंतरच एनएनएफच्या कपात दराची घोषणा केली जाणार आहे. तोपर्यंत बाजारपेठेतील घडामोडींवर आमचे कोणतेही नियंत्रण नसेल. बाजारात कमी एसएनएफसाठी दोन रुपयांपर्यंत कपात सुरू आहे. मात्र, त्यावर शासनाचे कोणतेही नियंत्रण सध्या तरी नाही. जीआर निघाल्यानंतरच हा संभ्रम दूर होईल,’’ अशी माहिती दुग्धविकास विभागाच्या सूत्रांनी दिली. 

 कपातीला न घाबरता निर्भेळ  मुद्दा महत्त्वाचा
कमी ‘एसएनएफ’साठी एक रुपया कपात होत असल्यास बाऊ करण्याचे अजिबात कारण नाही. त्यामुळेच निर्भेळ दूध घालण्याची सवय लागणार आहे. दुधाची प्रत चांगली असल्यास शेतकऱ्यांना योग्य भाव दिला जातो. शासनाच्या सुधारित धोरणामुळे शेतकऱ्यांना दुधासाठी एकप्रकारे हमीभाव मिळाला आहे. त्यामुळे आता दर्जेदार दुधाचा पुरवठादेखील झाला पाहिजे, असे महाराष्ट्र राज्य दूध उत्पादक व प्रक्रिया व्यावसायिक कल्याणकारी संघाचे सचिव प्रकाश कुतवळ म्हणाले. 

१५ वर्षे शेतकऱ्यांना लुटले; आता बस करा 
केंद्र सरकारने दुधाची गुणप्रत ३.२ फॅट व ८.३ ‘एसएनएफ’ अशी कायदेशीररीत्या घोषित केली आहे. तरीही शेतकऱ्यांना लुटण्यासाठी कमी ‘एसएनएफ’चा मुद्दा पुढे करून आमची लूट होते आहे. गेली १५ वर्षे आमची लूट झाली असून, आता लुटीचा धंदा बंद करावा. दर्जेदार दूध शेतकरी देत असून ८.३ ‘एसएनएफ’पर्यंत एक पैसासुद्धा आता कपात करू नये. अन्यथा, शेतकरी पुन्हा सरकारच्या विरोधात जातील, असे अहमदनगर कल्याणकारी दूध संघांचे अध्यक्ष गुलाबराव डेरे यांनी म्हटले आहे. 

 

इतर अॅग्रो विशेष
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...
सिंचन योजनांचे अर्थसाह्य महामंडळाच्या...मुंबई : पंतप्रधान कृषी सिंचन योजनेतील...
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...