तूर खरेदीला मुदतवाढ न दिल्यास तीव्र आंदोलन करू

तूर खरेदीला मुदतवाढ न दिल्यास तीव्र आंदोलन करू
तूर खरेदीला मुदतवाढ न दिल्यास तीव्र आंदोलन करू

वाशीम  : शासनाने दिलेली तूर खरेदीची मुदत मंगळवारी (ता. १५) संपली. मात्र, अद्यापही अनेक शेतकऱ्यांची तूर विक्री व्हायची अाहे. तुरीची विक्री न झाल्यास शेतऱ्यांचे मोठे आर्थिक नुकसान होणार आहे. त्यामुळे तूर खरेदीला मुदतवाढ देण्यात यावी, अशी मागणी स्वाभिमानी शेतकरी संघटनेने केली अाहे.  यासंदर्भात जिल्हाधिकाऱ्यांना दिलेल्या निवेदनात म्हटले की, नाफेडच्या वाशीम जिल्ह्यातील केंद्रांवर अद्यापही हजारो शेतकऱ्यांची तूर प्रतीक्षेत आहे. तसेच हजारो शेतकऱ्यांच्या घरात तूर अद्यापही पडून आहे. तूर खरेदीला मुदतवाढ न दिल्यास शेतकऱ्यांचे मोठे आर्थिक नुकसान होणार आहे. आधीच अस्मानी आणि सुलतानी संकटांनी शेतकरी त्रस्त झाले आहेत. सोयाबीनला योग्य भाव मिळाला नाही. त्यामुळे शेतकऱ्यांचे आधीच आर्थिक नुकसान झाले आहे. नाफेडद्वारे होत असलेल्या तूर खरेदीत अनेक अडचणी येत असल्याने खरेदी संथगतीने होत होती. त्यामुळे अद्यापही निम्म्या शेतकऱ्यांची तूर खरेदीच्या प्रतीक्षेत आहे. त्यामुळे तूर खरेदीला तत्काळ मुदतवाढ देऊन शेतकऱ्यांना न्याय द्यावा; अन्यथा स्वाभिमानी शेतकरी संघटनेच्या वतीने तीव्र आंदोलन करण्यात येईल, असा इशारा स्वाभिमानी शेतकरी संघटनेच्या वतीने भागवत मापारी, सतीश इढोळे, देवा बरडे, सुनील जोगदंड, प्रदीप मोरे आदींनी दिला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com