जळगाव जिल्ह्यात भरिताच्या वांग्यांचा हंगाम लांबला

जळगाव जिल्ह्यात भरिताच्या वांग्यांचा हंगाम लांबला
जळगाव जिल्ह्यात भरिताच्या वांग्यांचा हंगाम लांबला

जळगाव : राज्यात प्रसिद्ध असलेल्या भरिताच्या वांग्यांचा हंगाम यंदा कमी पावसासह विषम वातावरणामुळे लांबणीवर पडला. सध्या बाजारात हव्या त्या प्रमाणात वांगी उपलब्ध होत नसून, दिवाळीलाही वांगी उपलब्ध होणार नाहीत, असे शेतकऱ्यांचे म्हणणे आहे.

विषम वातावरण व इतर कारणांचा फटका सर्वाधिक प्रमाणात जळगाव तालुक्‍यातील आसोदे, भादली, तरसोद, नशिराबाद भागाला बसला आहे. वाढ खुंटल्याने शेतकऱ्यांनी शेंडे खुडले. यामुळे झाडांची उंची कमी झाली आहे. काही शेतकऱ्यांनी दीड महिन्यापूर्वी पाऊस नसल्याने दुबार लागवड केली होती. यामुळे काही ठिकाणी पीक अजून फुलोऱ्याच्या अवस्थेत आहे. दरवर्षी दिवाळी सणाला भरीताची वांगी बाजारात अधिक प्रमाणात येतात. कारण भरीताच्या वांग्यांचे पारंपरिक पद्धतीने उत्पादन घेणाऱ्या यावल तालुक्‍यातील बामणोद, पाडळसे, भालोद, न्हावी, सांगवी बुद्रुकसह जळगाव तालुक्‍यातील आसोदे, तरसोद, विदगाव, भादली, नशिराबाद व इतर भागातूनही आवक सुरू होते.

 भरीताच्या वांग्याची लागवड पावसाअभावी जुलैमध्ये होऊ शकली नाही. ऑगस्टमध्येही पावसाचा खंड राहिला. सप्टेंबर महिनाही अर्धाअधिक कोरडा गेल्याने पावसाचे पाणी हव्या त्या प्रमाणात पिकाला मिळाले नाही. ढगाळ व थंड वातावरण पिकाला अनुकूल असते; परंतु सप्टेंबरपासून आतापर्यंत उष्णताच अधिक राहिली. भिज पाऊसही फार दिवस नव्हता. यामुळे रोपांना फटका बसला. नांग्या भरण्याची वेळ अनेक शेतकऱ्यांवर आली. उत्पादन खर्च वाढला; परंतु हंगाम अजूनही अपेक्षित नसल्याने वांगी उत्पादक अडचणीत आले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com