agriculture news in marathi, Failure to continue market committees | Agrowon

बाजार समित्या सुरू ठेवण्यात अपयश
टीम अॅग्रोवन
शनिवार, 1 सप्टेंबर 2018

जळगाव :जिल्ह्यातील बाजार समित्यांमध्ये शेतमालाची खरेदी जवळपास ठप्पच आहे. बाजार समित्यांच्या संचालकांनी व्यापाऱ्यांची बाजू सांभाळून लिलाव सुरू ठेवण्याचे प्रयत्न मागील दोन दिवस केले, परंतु अनेक व्यापारी खरेदीच करीत नसल्याची स्थिती आहे.

जळगाव :जिल्ह्यातील बाजार समित्यांमध्ये शेतमालाची खरेदी जवळपास ठप्पच आहे. बाजार समित्यांच्या संचालकांनी व्यापाऱ्यांची बाजू सांभाळून लिलाव सुरू ठेवण्याचे प्रयत्न मागील दोन दिवस केले, परंतु अनेक व्यापारी खरेदीच करीत नसल्याची स्थिती आहे.

काही बाजार समित्यांमध्ये शेतकऱ्यांकडून हमीपत्र लिहून घेऊन शेतमाल हमीभावापेक्षा कमी दरात खरेदीची सूट संचालकांनी व्यापाऱ्यांना दिली आहे. परंतु तरीही व्यापारी खरेदीस तयार नाहीत. जळगाव बाजार समितीमध्ये मागील दोन दिवस मुगाची प्रतिदिन ३० क्विंटल आवक झाली. परंतु मूग पडून आहे. पाचोरा, चाळीसगाव, भुसावळ, चोपडा, यावल येथील बाजार समित्यांमध्येही अपवाद वगळता लिलाव सुरू नसल्याची माहिती सूत्रांनी दिली.

भाजीपाला यार्ड सुरळीत :
जिल्हाभरातील भाजीपाला मार्केट यार्डात लिलाव सुरळीत सुरू आहे. धान्य मार्केट यार्डात व्यवहार सुरळीत करण्यासंबंधी संचालकांनी व्यापारी, अडतदारांसोबत बैठक घेतली. परंतु या बैठका निष्फळ ठरल्या आहेत. व्यापाऱ्यांनी शासनाचे लेखी पत्र हवे. तरच हमीभावापेक्षा कमी दरात शेतमाल खरेदी होईल, असे स्पष्ट केले आहे.
जळगाव बाजार समितीमध्ये संचालकांनी राज्याच्या पणन मंडळाशी संपर्क साधून लिलाव ठप्प असल्याची माहिती दिली. तसेच हमीभावापेक्षा कमी दरात खरेदीसंबंधी कुठले पत्र, आदेश मिळेल का, जिल्हा उपनिबंधक यांना तशा सूचना देता येतील का? यासंबंधी प्रयत्न केले, परंतु त्यांना यश आलेले नाही.

मुगाची आवक वाढली :
बाजार समित्यांमध्ये मुगाची आवक वाढत आहे. उडदाची आवक चोपडा, भुसावळ भागात किरकोळ स्वरूपात सुरू आहे. जामनेर, पाचोरा येथेही लिलाव ठप्प असल्याने आवक जळगाव बाजार समितीत काही प्रमाणात झाली. परंतु लिलाव न झाल्याने शेतकऱ्यांचा शेतमाल व्यापाऱ्यांकडे ठेवण्याची वेळ आली, अशी माहिती मिळाली.

सरकारच्या निर्णयाची भीती धुळे जिल्ह्यातील बाजार समित्यांमध्ये अडतदारांना आहे. तेथेही व्यवहार सुरळीत नाहीत. धुळे, शिंदखेडा व शिरपूर येथे मुगाच्या लिलावांवर परिणाम झाल्याची माहिती मिळाली आहे. तेथेही संचालक शासनाच्या प्रतिनिधींशी सतत संपर्कात असून, यासंबंधी तोडगा कसा निघेल, याचा प्रयत्न सुरू असल्याचे सांगण्यात आले.

इतर ताज्या घडामोडी
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...
नगरमध्ये डाळिंबाच्या दरात पंचवीस...नगर ः नगर जिल्ह्यामध्ये गेल्या दीड महिन्याच्या...
उरुग्वेतील गायीमधील लेप्टोस्पायरा...जगभरामध्ये प्राणी आणि मनुष्यामध्ये...
सागरी माशांच्या बिजोत्पादनाचे तंत्र...कोची येथील केंद्रीय सामुद्री मत्स्य संशोधन...
कोल्हापुरातील ११० गावांत कृत्रिम...कोल्हापूर : अनुवंशिक सुधारणा होऊन सशक्त जनावरांची...
पुणे विभागात ७३,७४० हजार हेक्टरवर...पुणे   ः  गेल्या साडेतीन महिन्यांत...
मराठवाड्यासाठी निधी कमी पडू दिला जाणार...औरंगाबाद  : मराठवाड्याच्या दुष्काळमुक्तीसाठी...
पावसाअभावी वऱ्हाडात सोयाबीनचे उत्पादन...अकोला   ः या हंगामात वऱ्हाडात सर्वाधिक लागवड...
पुणे जिल्ह्यात महिनाभरात नऊ जणांचा...उरुळी कांचन, जि. पुणे : संपूर्ण राज्यात चिंतेचा...
मी 35-40 रूपयांनी पेट्रोल-डिझेलची...नवी दिल्ली : सध्या पेट्रोल-डिझेल दरवाढीमुळे मोदी...
लाल मातीचा सन्मान वाढविणारे आंदळकरकोल्हापुरातील २२ जून १९७० चा म्हणजे ४८...
डी.आर. कुलकर्णी यांचे निधनपुणे : 'सकाळ'च्या पुणे आवृत्तीतील मुख्य उपसंपादक...
पंतप्रधान नरेंद्र मोदी यांचा आज जन्मदिन...भारताचे पंतप्रधान नरेंद्र मोदी आज 68 वा वाढदिवस...
देशात सर्वाधिक महाग पेट्रोल मराठवाड्यात...लातूर : गेली सलग अठरा दिवस देशात पेट्रोल आणि...