agriculture news in marathi, farmer in 2 lakhs rupees loss due to faulty onion seeds | Agrowon

सदोष बियाण्यामुळे दोन लाख रुपयांच्या कांद्याचे नुकसान
सकाळ वृत्तसेवा
शनिवार, 7 एप्रिल 2018

सटाणा : पारनेर (ता.बागलाण) येथील शेतकरी जालिंदर देवरे यांच्या दीड एकर क्षेत्रावरील कांदा पिकाला सदोष बियाण्यामुळे टोंगळ आले आहेत. त्यामुळे उत्पादनात मोठी घट होऊन दोन लाख रुपयांचे नुकसान झाले असून संबधित बियाणे कंपनीने तात्काळ नुकसान भरपाई द्यावी, अशी मागणी पिडीत शेतकरी देवरे यांनी मालेगाव येथील उपविभागीय कृषी अधिकारी कैलास खैरनार यांच्याकडे निवेदनाद्वारे केली आहे.

सटाणा : पारनेर (ता.बागलाण) येथील शेतकरी जालिंदर देवरे यांच्या दीड एकर क्षेत्रावरील कांदा पिकाला सदोष बियाण्यामुळे टोंगळ आले आहेत. त्यामुळे उत्पादनात मोठी घट होऊन दोन लाख रुपयांचे नुकसान झाले असून संबधित बियाणे कंपनीने तात्काळ नुकसान भरपाई द्यावी, अशी मागणी पिडीत शेतकरी देवरे यांनी मालेगाव येथील उपविभागीय कृषी अधिकारी कैलास खैरनार यांच्याकडे निवेदनाद्वारे केली आहे.

यासंदर्भात कांदा उत्पादक शेतकरी जालिंदर देवरे यांनी मालेगाव येथे उपविभागीय कृषी अधिकारी कैलास खैरनार यांची भेट घेऊन आपली कैफियत मांडली आणि लेखी तक्रार दिली आहे. या तक्रारीत, १५ सप्टेंबर २०१७ रोजी सटाणा येथील मे. यशवंत जी मोरे यांच्याकडून खासगी कंपनीचे कांदा बियाणे वाण खरेदी केले होते. त्यावेळी पाचशे ग्राम वजनाचे सात पाकिटे विकत घेतली होती. त्याची रोपं तयार करून ८ डिसेंबर २०१७ रोजी आपल्या दीड एकर क्षेत्रावरील शेतात कांद्याची लागवड केली होती. सुमारे साठ हजार रुपयांचे कांदा पिक उभे केले, मात्र त्याला सदोष बियाण्यामुळे अक्षरशः टोंगळ फुटले. त्यामुळे कांदा पिकाची वाढ खुंटून दोन लाख रुपयांचे नुकसान झाले आहे.

देवरे यांच्या तक्रारीची दखल घेत तक्रार निवारण समितीचे अध्यक्ष तथा उपविभागीय कृषी अधिकारी कैलास खैरनार, तालुका कृषी अधिकारी दिलीप कापडणीस, बियाणे महामंडळाचे डॉ.जे.के.ढेभरे, कृषी अधिकारी प्रणय हिरे यांनी प्रत्यक्ष पिकाची पाहणी केली.

दरम्यान, कंपनीच्या प्रतिनिधींनी पिकाची पाहणी करून ८० टक्के कांदा पिकाचे नुकसान झाल्याची कबुली दिल्याचा दावा पिडीत शेतकरी श्री.देवरे यांनी केला आहे. मात्र कंपनीने फक्त बियाण्याचा खर्च देऊ असे सांगून एकप्रकारे हात वर केल्याचे तक्रारीत देवरे यांनी नमूद केले आहे.

सदोष बियाणे विक्री करून कंपनीने एकप्रकारे माझी फसवणूक केली असून यामुळे माझे दोन लाख रुपयांचे नुकसान झाले आहे. आज कांद्याला असलेला भाव बघता बियाण्यांमुळे नुकसान झाल्याने मानसिक त्रास वाढला आहे. कृषी विभागाने त्या कंपनीवर कारवाई करून नुकसान भरपाई मिळवून द्यावी, अशी मागणी जालिंदर देवरे यांनी केली. 

इतर ताज्या घडामोडी
खोटी आकडेवारी दाखवून गाळप परवाने घेतले...पुणे   : शेतकऱ्यांना `एफआरपी` दिल्याचे...
वाशीम जिल्ह्यात रब्बीची २४ टक्के पेरणीवाशीम   ः जिल्हा प्रशासनाला रब्बी हंगामातील...
नगरमध्ये गहू, हरभरा पिकांचे १५ हजार...नगर   ः जिल्ह्यात कृषी विभागाच्या विविध...
पुणे जिल्ह्यात पंधरा दिवसांत पाणीसाठा...पुणे : दुष्काळाच्या झळा वाढत असतानाच पुणे...
केळीच्या खेडा खरेदीबाबत भरारी पथकांची...जळगाव  ः खानदेशात केळीच्या खेडा खरेदीसंबंधी...
बोंड अळीच्या नुकसानीचे अनुदान...अकोला : अाधीच अनेक दिवसांपासून रखडलेले बोंड अळी...
नगर जिल्ह्यातील दहा लाख जनावरे...नगर  ः दुष्काळाच्या पाश्वर्भूमीवर लोकांना...
जत तालुक्यातील दुष्काळग्रस्तांना...सांगली  : जत तालुक्यातील शेतकरी दुष्काळाच्या...
आंब्यावरील मिजमाशी, शेंडा पोखरणाऱ्या...मिजमाशी प्रादुर्भाव कोवळ्या पालवीवर,...
फळपिके सल्लाकोणत्याही वनस्पतींच्या वाढीवर हवामानाचा कमी जास्त...
योग्य वेळी करा लसीकरणजनावरांना रोगाचा प्रादुर्भाव होण्याची वाट न बघता...
धनगर समाजाचा उद्या औरंगाबादमध्ये धडक...औरंगाबाद : धनगर समाजाला एस.टी.(अनुसूचित जमाती)...
जेष्ठ स्वातंत्र्य सेनानी माधवराव...मनमाड, जि. नाशिक : जेष्ठ स्वातंत्र्य सैनिक,...
केंद्रीय स्ंसदीय कामकाज मंत्री अनंत...बंगळूर : केंद्रीय स्ंसदीय कामकाज मंत्री व दक्षिण...
ऊस दरप्रश्नी सोलापुरात ‘स्वाभिमानी’...सोलापूर  ः गेल्या गळीत हंगामातील उसाची...
दिवाळी संपूनही शासकीय कापूस खरेदीला...अकोला : या हंगामात लागवड केलेल्या बागायती तसेच...
ऊस दरासाठी सातारा जिल्ह्यात रास्ता रोकोसातारा  ः जिल्ह्यातील एकाही साखर कारखान्याने...
थकीत एफआरपीच्या मागणीसाठी शिरोळ येथे...कोल्हापूर  : साखर कारखान्यांनी गेल्या...
ऊस दरप्रश्नी ‘स्वाभिमानी’चे त्रिधारा...परभणी : मराठवाड्यातील साखर कारखान्यांनी यंदाचे ऊस...
सांगलीत एकरकमी ‘एफआरपी’कडेगाव, जि सांगली  ः कोल्हापूर जिल्ह्याने...