agriculture news in marathi, farmer and Agricultural Issues has Center of Winter session | Agrowon

शेतकरी अन् शेतीप्रश्‍न ठरले केंद्रबिंदू
टीम अॅग्रोवन
रविवार, 24 डिसेंबर 2017

नागपूर : गेल्या दोन आठवड्यांपासून येथे सुरू असलेल्या राज्य विधिमंडळाच्या हिवाळी अधिवेशनाची शुक्रवारी (ता.२२) सांगता झाली. अधिवेशनात शेतकऱ्यांची कर्जमाफी, कापूस पट्ट्यातील पिकाचे बोंडअळीने आणि धान पिकाचे तुडतुडा आणि मावा रोगाने केलेले नुकसान हे मुद्दे विशेष चर्चेत राहिले. याशिवाय राज्यातील शेतकरी आणि शेतीशी संबंधित इतर प्रश्नही अधिवेशनाच्या केंद्रबिंदू ठरले.

राज्य सरकारने राज्यातील शेतकऱ्यांसाठी कर्जमाफी जाहीर केली आहे. मात्र, अजूनही बहुतांश शेतकरी कर्जमाफीच्या प्रतीक्षेत आहेत. त्यामुळे या मुद्यावरून विरोधकांनी अधिवेशनात सरकारविरोधात रान पेटविले.

नागपूर : गेल्या दोन आठवड्यांपासून येथे सुरू असलेल्या राज्य विधिमंडळाच्या हिवाळी अधिवेशनाची शुक्रवारी (ता.२२) सांगता झाली. अधिवेशनात शेतकऱ्यांची कर्जमाफी, कापूस पट्ट्यातील पिकाचे बोंडअळीने आणि धान पिकाचे तुडतुडा आणि मावा रोगाने केलेले नुकसान हे मुद्दे विशेष चर्चेत राहिले. याशिवाय राज्यातील शेतकरी आणि शेतीशी संबंधित इतर प्रश्नही अधिवेशनाच्या केंद्रबिंदू ठरले.

राज्य सरकारने राज्यातील शेतकऱ्यांसाठी कर्जमाफी जाहीर केली आहे. मात्र, अजूनही बहुतांश शेतकरी कर्जमाफीच्या प्रतीक्षेत आहेत. त्यामुळे या मुद्यावरून विरोधकांनी अधिवेशनात सरकारविरोधात रान पेटविले.

विरोधकांनी कर्जमाफीच्या प्रक्रियेतील ऑनलाईन गोंधळ, शेतकऱ्यांना प्रमाणपत्रे देऊनही कर्जमाफी न मिळणे, पात्र शेतकऱ्यांची यादीत नावेच नसणे, मंत्र्यांच्या आकडेवारीतील विसंगती आदी मुद्यांवरून सरकारला धारेवर धरले. मुख्यमंत्री देवेंद्र फडणवीस यांनी प्रक्रियेतील घोळाची कबुली देत कर्जमाफीतून एकही प्रामाणिक शेतकरी वंचित राहणार नाही, असे सांगत सरकारची बाजू सावरून घेतली.

कर्जमाफीवरून विरोधक आणि सरकारने एकमेकांना आव्हान, प्रतिआव्हान देण्याचाही प्रयत्न केला. त्यासोबत कापसावरील गुलाबी बोंडअळीचा प्रश्न अधिवेशनात चांगलाच गाजला.

विदर्भ, मराठवाडा आणि उत्तर महाराष्ट्रातील कापूस उत्पादक शेतकरी गुलाबी बोंडअळीमुळे त्रासले आहेत. यावर्षी ४२ लाख हेक्टरवर कापसाची लागवड झाली. त्यापैकी सुमारे अर्ध्याहून अधिक क्षेत्र बोंडअळीने नष्ट केले आहे. साहजिकच विदर्भातील अधिवेशनात हा मुद्दा पेटणार हे स्पष्टच होते. विरोधकांनी कापूस उत्पादकांना तातडीने एकरी २५ हजार रुपयांची मागणी करीत राज्य सरकारला कोंडीत पकडण्याचा प्रयत्न केला.

तारांकीत प्रश्न, लक्षवेधी, स्थगन प्रस्ताव अशा संसदीय आयुधांच्या माध्यमातून विरोधकांनी या मुद्याला चांगलीच धार दिली. त्यामुळे पीक विमा, बियाणे कंपन्यांकडून नुकसान भरपाई आणि एनडीआरएफच्या माध्यमातून मदत दिली जाईल अशी घोषणा राज्य सरकारला करावी लागली.

पूर्व विदर्भातील धानावर यंदा तुडतुडा आणि मावा रोगाचा प्रादुर्भाव झाला आहे. तेव्हा कापूस उत्पादकांच्या जोडीने धान उत्पादक शेतकऱ्यांनाही एकरी दहा हजारांची मदत द्यावी, अशी मागणी विरोधकांनी लावून धरली. विरोधकांच्या आक्रमक मागणीमुळे अधिवेशन संपेपर्यंत यासंदर्भातील ठोस घोषणा केली जाईल, असे सरकारच्या वतीने सांगण्यात आले.

दरम्यान ओखी वादळामुळे कोकणातील नुकसान झालेल्या शेतकऱ्यांना नियमानुसार देय असलेली मदत दिली जाईल अशी घोषणा राज्य सरकारने केली. तसेच अधिवेशनात कृषिपंपांच्या वीज थकबाकी आणि कनेक्शन खंडीत करण्याची कारवाई या मुद्यावर वादळी चर्चा झाली. मात्र, ३ आणि ५ हजार रुपये भरून शेतकऱ्यांनी त्यांचे कनेक्शन्स नियमित करून घ्यावीत, असे राज्य सरकारने स्पष्ट केले. तसेच चुकीची आणि वाढीव बिलांची दुरुस्ती केली जाईल, असे आश्वासनही सरकारने विधिमंडळात दिले आहे.

याशिवाय राज्यातील वाढत्या शेतकरी आत्महत्या, दूध आणि ऊसदराचा प्रश्न, साखर उद्योगापुढील अडचणीसंदर्भातही विधिमंडळात सांगोपांग चर्चा झाली. अधिवेशनाच्या सांगता होण्यापूर्वी विधिमंडळात सुधारित दुष्काळी मॅन्यूअलचा विषयही चर्चेत आला. हे निकष जाचक असल्याची खुद्द राज्य सरकारने कबुली दिली.

तसेच शेतकऱ्यांसाठी नुकसानकारक असलेले हे निकष बदलण्यासाठी राज्याकडून केंद्र सरकारला विनंती केली जाईल, असे आश्वासन राज्य सरकारला विधिमंडळात द्यावे लागले. एकंदर दोन आठवडे चाललेल्या राज्य विधिमंडळाच्या कामकाजात शेती आणि शेतकरी प्रश्नांवरच चर्चा झाल्याचे दिसून आले.

 

इतर बातम्या
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
पुणे विभागात हरभरा, गव्हाची काढणी...पुणे ः उन्हाचा चटका वाढल्याने रब्बी हंगामातील गहू...
पूर्व भागात कृष्णा, वारणा नद्या पडल्या...कोल्हापूर : जिल्ह्याच्या पूर्व भागात कृष्णा व...
ताकारीच्या तिजोरीत १३ कोटी शिल्लकवांगी, जि. सांगली ः मागील १५ वर्षांपासून दरवर्षी...
गिरणा नदीतून पाण्याची ग्रामस्थांना...जळगाव ः पिण्याच्या पाण्यासंबंधी सोडलेले गिरणा...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
दुबळवेल ग्रामस्थांचा निवडणुकीवर बहिष्कारवाशीम : नागरिकांना अावश्यक असलेल्या पायाभूत...
नांदेड, परभणी, हिंगोलीत अन्नत्याग आंदोलननांदेड : नांदेड, परभणी, हिंगोली जिल्ह्यांतील...
दुष्काळी भागाला मिळतोय चिंचेचा आधारशिरूर कासार, जि. बीड ः दुष्काळाच्या गंभीर झळा...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
छोट्या शेतकऱ्यांच्या समस्या कायम ः...राहुरी विद्यापीठ, जि. नगर : विविध पिकांच्या...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...