agriculture news in marathi, farmer loan waive | Agrowon

शेतकरी कर्जमाफीचे ग्रहण सुटता सुटेना
टीम अॅग्रोवन
बुधवार, 15 नोव्हेंबर 2017

मुंबई : राज्य सरकारच्या महत्त्वाकांक्षी शेतकरी कर्जमाफीचे ग्रहण काही केल्या सुटेना असेच चित्र आहे. कर्जमाफीची प्रक्रिया अद्यापही बँकांकडून ६६ रकान्यातील माहिती भरून घेण्याच्या पातळीवर अडकली आहे. त्यामुळे नोव्हेंबरमध्ये ही प्रक्रिया पुढे सरकेल, ही शक्यता धूसर असल्याचे मंत्रालयातील उच्चपदस्थांचे म्हणणे आहे.

मुंबई : राज्य सरकारच्या महत्त्वाकांक्षी शेतकरी कर्जमाफीचे ग्रहण काही केल्या सुटेना असेच चित्र आहे. कर्जमाफीची प्रक्रिया अद्यापही बँकांकडून ६६ रकान्यातील माहिती भरून घेण्याच्या पातळीवर अडकली आहे. त्यामुळे नोव्हेंबरमध्ये ही प्रक्रिया पुढे सरकेल, ही शक्यता धूसर असल्याचे मंत्रालयातील उच्चपदस्थांचे म्हणणे आहे.

सरकारने शेतकरी कर्जमाफी जाहीर केल्याला आता सुमारे साडेपाच महिने होत आहेत. योजनेत माहिती व तंत्र विभागाने घातलेला घोळ निस्तरता सहकार विभागाच्या नाकीनऊ आले आहेत. माहिती व तंत्र विभागाने शेतकऱ्यांकडून आॅनलाइन अर्ज भरून घेतले. सोबतच बँकांकडून सर्व शेतकऱ्यांच्या कर्जाची माहिती मागवण्यात आली. सुमारे ७६ लाख अर्जदार खातेधारक शेतकऱ्यांची ही माहिती आहे. बँकांकडे त्याहीपेक्षा अधिक शेतकरी कर्जदारांची माहिती आहे. ही सगळी माहिती बँकांकडून मागवण्यात आली आहे.

शेतकरी अर्ज आणि बँकांची माहिती पडताळून पाहिली जाणार आहे; मात्र बँकांच्या या माहितीत खूप त्रुटी असल्याचा साक्षात्कार माहिती व तंत्र विभागाला झाला आहे. त्यामुळे यातल्या त्रुटी दूर करून पुन्हा ही माहिती अपलोड करण्यास सांगण्यात आले आहे. पारदर्शकतेच्या नावाखालील या फतव्याने सहकार विभाग आणि बँका अक्षरशः वेठीस धरल्या आहेत. माहिती व तंत्र विभागाचे हे स्वतःचे अपयश दुसऱ्याच्या माथी मारण्याचा प्रकार आहे, अशी दबक्या आवाजात चर्चा आहे.

३० जिल्हा बँका आणि ३३ व्यापारी बँकांकडून सुधारित माहिती घेण्याचे काम सुरू आहे; मात्र या प्रक्रियेला नेमका किती कालावधी लागेल, हे आजच्या घडीला सहकार विभागाला सांगणे शक्य नाही असे चित्र आहे. माहिती व तंत्र विभागाने दिलेली यादी कर्जमाफीच्या पुढील प्रक्रियेसाठी बँकांना सोपवणे इतकीच भूमिका सहकार विभागाची राहिली आहे. कर्जमाफीसंदर्भातील कोणतीही माहिती देण्यास सहकार विभागाच्या अधिकाऱ्यांना पूर्णपणे मनाई आहे.

साहजिकच कर्जमाफीची प्रक्रिया अनिश्चितत काळासाठी लांबणार हे स्पष्ट झाले आहे. पुढील महिन्यात राज्य विधिमंडळाचे हिवाळी अधिवेशन नागपूर येथे होत आहे. त्याआधी काही तरी केल्याचा देखावा केला जाऊ शकतो; पण शेतकरी कर्जमाफी योजनेत निर्णायक काही होईल ही शक्यता कमीच असल्याचे मत बँकिंग आणि सहकारी क्षेत्रातील तज्ज्ञांचे आहे.

व्हाॅट्सॲपवरून नव नवे आदेश
कर्जमाफीतील गोंधळामुळे मधल्या काळात प्रसारमाध्यमांनी राज्य सरकारवर टीकेची झोड उठवली. त्यामुळे आता कर्जमाफीसंदर्भातील कोणतीही माहिती देण्यास सहकार विभागाच्या अधिकाऱ्यांना पूर्णपणे मनाई करण्यात आली आहे. तसेच अधिकाऱ्यांना परिपत्रकाऐवजी व्हाॅट्सॲपवरून नव नवे आदेश दिले जात आहेत.

इतर अॅग्रो विशेष
केरळात साडेतीन लाखावर लोक विस्थापित ;...तिरुअनंतपुरम : केरळ राज्यात अतिवृष्टी...
खरिपात खर्चही निघेल असं वाटत नाहीझळा दुष्काळाच्या ः जिल्हा नगर मागचे पाच-...
डाळिंबावर फुलगळीचा प्रादुर्भावसांगली ः राज्यात मृग हंगामात ८० ते ९० हजार हेक्‍...
अतिपावसाचा खरिपाला फटकापुणे : दीर्घ खंडानंतर बुधवार (ता.१५) ते शुक्रवार...
लष्करी अळीमुळे अन्नसुरक्षेला धोकायुरोपीयन संघ ः आफ्रिका खंडात कहर केल्यानंतर...
पीक बदलातून शेती केली किफायतशीरकोठारी येथील माध्यमिक शाळेमधील शिक्षकाची नोकरी...
अन्नपूर्णा उद्योगातून स्वयंपूर्णतेकडेआवडीचं क्षेत्र जेव्हा आपल्या व्यवसायाचा आधार बनते...
चंद्रपूर : पोडसा पूल पाण्याखाली; पाच...गोंडपिपरी, जि. चंद्रपूर : दोन...
केरळमध्ये पुरामुळे २४७ जणांचा मृत्यूतिरुअनंतपुरम : मागील आठवडाभर चालू असलेल्या...
कधी ढग, तर कधी पावसाची नुसती भुरभुरझळा दुष्काळाच्याः जिल्हा सांगली पहिल्या पावसावर...
मराठवाड्यात दुसऱ्या दिवशीही दमदार पाऊसऔरंगाबाद : मराठवाड्यातील ४२१ महसूल मंडळांपैकी...
ग्लायफोसेटला परवान्यातूनच वगळण्याचा...नागपूर ः चहा वगळता इतर पिकांसाठी ग्लायफोसेट...
कोल्हापूर जिल्ह्यात अतिपावसाने पिके...कोल्हापूर : गेल्या काही दिवसांपासून पडत असलेल्या...
खारपाणपट्ट्यात पावसाच्या खंडाने खरीप...पावसात कुठे १७ दिवस तर कुठे २२ दिवसांचा खंड...
केळी उत्पादक कंगाल; व्यापारी मालामालजळगाव ः जिल्ह्यात केळीचे जे दर जाहीर होतात,...
विदर्भ, मराठवाड्यात पावसाचे धूमशानपुणे : अनेक दिवसांच्या खंडानंतर राज्यात गेले तीन...
`मोन्सॅन्टोला नुकसानभरपाईचे आदेश हे...युरोपियन संघ ः मॉन्सॅन्टो या बलाढ्य बहुराष्ट्रीय...
कामगंध सापळ्यांमध्ये होतेय ‘बनवाबनवी’अकोला ः बोंड अळीमुळे गेल्या हंगामात झालेले नुकसान...
वर्षभर १५ भाजीपाल्यांसह फळबागांची...रसायन अंश विरहीत आरोग्यदायी अन्नाची निर्मिती करून...
लौटकर आऊँगा...! अटलजींना साश्रू नयनांनी...नवी दिल्ली : प्रखर देशभक्त, भारतरत्न, माजी...