agriculture news in marathi, farmers accident insurance scheme status, satara, maharashtra | Agrowon

साताऱ्यातील ७६ शेतकऱ्यांना विमासंरक्षण
टीम अॅग्रोवन
रविवार, 22 एप्रिल 2018

सातारा ः गोपीनाथ मुंडे शेतकरी जनता अपघात विमा योजनेअंतर्गत मार्चअखेर जिल्ह्यातील ७६ शेतकऱ्यांना विमा संरक्षणाचा लाभ मिळाला आहे. गेल्या नऊ वर्षांत जिल्ह्यातील ११८१ शेतकऱ्यांना या योजनेतून विमा संरक्षण मिळाले आहे, अशी माहिती कृषी विभागाच्या सूत्रांनी दिली.

शेतकऱ्यांचा अपघाती मृत्यू झाल्यास, अपघातात दोन्ही डोळे, दोन्ही हात निकामी किंवा दोन्ही पाय निकामी झाल्यास शेतकरी जनता अपघात विमा योजनेअंतर्गत एक लाख रुपयांचे विमा संरक्षण प्राप्त होते. नोव्हेंबर २०१५ मध्ये शेतकरी अपघात विमा योजनेला ‘गोपीनाथ मुंडे शेतकरी अपघात विमा योजना’ असे नाव देण्यात आले आहे.

सातारा ः गोपीनाथ मुंडे शेतकरी जनता अपघात विमा योजनेअंतर्गत मार्चअखेर जिल्ह्यातील ७६ शेतकऱ्यांना विमा संरक्षणाचा लाभ मिळाला आहे. गेल्या नऊ वर्षांत जिल्ह्यातील ११८१ शेतकऱ्यांना या योजनेतून विमा संरक्षण मिळाले आहे, अशी माहिती कृषी विभागाच्या सूत्रांनी दिली.

शेतकऱ्यांचा अपघाती मृत्यू झाल्यास, अपघातात दोन्ही डोळे, दोन्ही हात निकामी किंवा दोन्ही पाय निकामी झाल्यास शेतकरी जनता अपघात विमा योजनेअंतर्गत एक लाख रुपयांचे विमा संरक्षण प्राप्त होते. नोव्हेंबर २०१५ मध्ये शेतकरी अपघात विमा योजनेला ‘गोपीनाथ मुंडे शेतकरी अपघात विमा योजना’ असे नाव देण्यात आले आहे.

या योजनेत डिसेंबर २०१५ पासून प्राप्त झालेल्या प्रस्तावांना दुप्पट म्हणजे दोन लाख रुपयांचे विम्याचे संरक्षण देण्यात आले आहे. शेतात दैनंदिन कामे करताना शेतकऱ्यांना विविध प्रकारचे अपघात होतात. अनेकदा विषारी प्राण्यांचा दंश, वीज पडणे, विजेचा धक्‍का लागणे, रस्ते अपघात या घटनांमध्ये शेतकऱ्यांचे मृत्यूदेखील होतात.

अपघातात घरातील कर्ता व्यक्‍ती गमावलेल्या शेतकरी कुटुंबीयांना आर्थिक लाभ मिळवून देण्यासाठी शेतकरी जनता अपघात विमा योजनेतून संरक्षण देण्यात आले आहे. योजनेच्या लाभासाठी शेतकरी हे दहा ते ७५ वर्षे वयोगटातील असावेत, अपघात विमा संबंधित कृषी पर्यवेक्षक यांच्याकडे विहित नमुन्यात अर्ज, मृत झाले असल्यास मृत्यूचा दाखला, सात- बारा उतारा, वयाचा पुरावा, अपघाती मृत्यू असल्यास शवविच्छेदन प्रमाणपत्र, अपंगत्व आले असल्यास कायम अपंगत्व प्रमाणपत्र, बॅंकेचे पासबुक आदी प्रकारची कागदपत्रे सादर करणे आवश्‍यक आहे.

जिल्ह्यात या योजनेअंतर्गत मार्चअखेर १६४ प्रस्ताव विमा कंपनीस सादर करण्यात आले होते. त्यापैकी ७६ प्रस्ताव मंजूर करण्यात आले असून, तीन प्रस्ताव नामंजूर तर ८५ प्रस्ताव प्रलंबित आहेत.

शेतात काम करत असताना विविध प्रकारच्या अपघातामुळे शेतकऱ्यांना आपला जीव गमवावा लागतो किंवा कायमचे अंपगत्व येते. अशा परिस्थितीत शेतकऱ्यांना मदत होण्यासाठी शासनाने शेतकरी अपघात विमा योजना सुरू केली आहे.

मात्र, अनेकवेळा या योजनेबद्दल माहिती नसल्यामुळे शेतकऱ्यांना या मदतीपासून वंचित राहण्याची शक्‍यता असते. या मदतीपासूनशेतकरी किंवा शेतकऱ्यांचे कुटुंबीय वंचित राहू नये, यासाठी कृषी विभागाकडून मोठ्या प्रमाणात प्रयत्न केले जात आहेत. या योजनेतून जास्ती जास्त मदत व्हावी यासाठी दुर्घटनाग्रस्त शेतकऱ्यांच्या घरी जाऊन प्रस्ताव जमा केले जात आहेत.

इतर ताज्या घडामोडी
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...
नगरमधील ४३३८ शेतकऱ्यांची शेतीमाल...नगर  ः आधारभूत किमतीने मूग, उडीद, सोयाबीनची...
जळगाव जिल्ह्यात ज्वारीच्या पेरणीला...जळगाव : जिल्ह्यात रब्बीतील ज्वारी पेरणीकडे...
ढगाळ वातावरणामध्ये द्राक्ष पिकात...सांगली, मिरज व सोलापूर येथील काही भागांमध्ये हलके...
हुमणी अळीचे एकात्मिक व्यवस्थापनगेल्या काही वर्षांपासून राज्याच्या विविध...
पुणे जिल्ह्यात रब्बीसाठी १९ हजार...पुणे : पुणे जिल्ह्यात रब्बी हंगामाची तयारी सुरू...
सोलापूर जिल्हा बॅंकेकडून ७० हजार...सोलापूर  : सोलापूर जिल्हा बॅंकेच्या सव्वा...
सोयाबीन खरेदी केंद्रे सुरू होईनातसातारा : जिल्ह्यात खरिप पिकांची काढणी अंतिम...
भाजीपाला सल्लासध्याच्या काळात बाजारपेठेची मागणी लक्षात घेऊन...
कृषी सल्ला : ऊस, कापूस, तूर, गहू, हरभरा...ज्या ठिकाणी पाण्याचा ताण बसत आहे, त्या ठिकाणी...
हाताचा नाकाशी होणाऱ्या संपर्कातूनही...न्यूमोनियाकारक जिवाणू हा नाकाला हात लावणे,...
खानदेशात खरिपातील ज्वारीची आवक सुरुजळगाव : खानदेशात अनेक भागांत ज्वारीची मळणी जवळपास...
परभणी जिल्ह्यात मुगाची उत्पादकता एकरी १...परभणी : यंदा परभणी जिल्ह्यात मुगाची सरासरी...
पुणे जिल्ह्यात चाराटंचाईपुणे   ः पुणे जिल्ह्यातील पूर्व पट्ट्यात...
नगर - मराठवाड्यात पाण्यावरून संघर्षाची...नगर ः पुरेसा पाऊस झाला नसल्याने यंदा...
‘महसूल’च्या जागेवर चाऱ्याच्या...यवतमाळ  ः पांढरकवडा व राळेगाव तालुक्‍यांतील...
सातारा जिल्ह्यात ७७३ एकरांवर तुती लागवडसातारा  ः जिल्ह्यात रेशीम शेती करण्याकडे...