agriculture news in Marathi, farmers agitation for sugarcane rates in pandharpur, Maharashtra | Agrowon

ऊसदरासाठी पंढरपुरात शेतकऱ्यांचे आंदोलन
टीम अॅग्रोवन
मंगळवार, 7 नोव्हेंबर 2017

सोलापूर : कोल्हापूर, सातारा आणि सांगली जिल्ह्यात यंदाच्या हंगामासाठी ऊस दराचा विषय निकाली निघालेला असताना, सोलापूर जिल्ह्यात मात्र कोणत्याही साखर कारखानदार वा प्रशासनाने अद्याप यावर काहीच कार्यवाही न केल्याने शेतकऱ्यांतून संताप व्यक्त होत आहे. दुसरीकडे शेतकरी संघटनाही अधिक आक्रमक होत आहेत. गेल्या आठवड्यापासून आक्रमक झालेले आंदोलक शेतकरी पुन्हा एकदा आक्रमक झाल्याचे दिसून आले. सोमवारी (ता.६) भंडीशेगाव येथे ऊस ट्रॅक्‍टरचे टायर फोडून ऊस वाहतूक रोखण्याचा प्रयत्न झाला.

सोलापूर : कोल्हापूर, सातारा आणि सांगली जिल्ह्यात यंदाच्या हंगामासाठी ऊस दराचा विषय निकाली निघालेला असताना, सोलापूर जिल्ह्यात मात्र कोणत्याही साखर कारखानदार वा प्रशासनाने अद्याप यावर काहीच कार्यवाही न केल्याने शेतकऱ्यांतून संताप व्यक्त होत आहे. दुसरीकडे शेतकरी संघटनाही अधिक आक्रमक होत आहेत. गेल्या आठवड्यापासून आक्रमक झालेले आंदोलक शेतकरी पुन्हा एकदा आक्रमक झाल्याचे दिसून आले. सोमवारी (ता.६) भंडीशेगाव येथे ऊस ट्रॅक्‍टरचे टायर फोडून ऊस वाहतूक रोखण्याचा प्रयत्न झाला.

गेल्या आठवड्यात बार्शी, पंढरपूर, माढा, पंढरपूर भागातील शेतकरी चांगलेच आक्रमक झाल्याचे दिसले. सोमवारी आंदोलकांनी भंडीशेगाव (ता. पंढरपूर) जवळ श्रीपूर येथील पांडुरंग साखर कारखान्याकडे जाणाऱ्या ट्रॅक्‍टरचे टायर फोडून ऊस वाहतूक रोखण्याचा प्रयत्न केला. यामुळे पंढरपूर व परिसरात ऊसदर आंदोलन अधिक तीव्र होण्याची चिन्हे दिसू लागली आहेत.

रघुनाथदादा पाटील प्रणित शेतकरी संघटनेनेही बार्शीत शनिवारी आणि रविवारी गांधीगिरी करत थेट शेतकऱ्यांच्या फडात जाऊन ऊसतोडणी न करण्याचे आवाहन केले. गेल्या आठवड्यात कोल्हापूरमध्ये महसूलमंत्री चंद्रकांत पाटील यांनी कोल्हापूर जिल्ह्यातील कारखानदार व शेतकरी संघटनेच्या नेत्यांची बैठक बोलावून यावर निर्णय घेतला, त्याप्रमाणे सोलापुरातही निर्णय व्हावा, अशी शेतकऱ्यांची अपेक्षा आहे.

सहकारमंत्र्यांनी अखेर बोलावली बैठक
ऊसदराच्या या प्रश्‍नावर सोमवारी (ता.६) सहकारमंत्री सुभाष देशमुख यांच्यासोबत जिल्ह्यातील शेतकरी संघटनेच्या नेत्यांची बैठक घेतली. त्यात ऊसदराच्या प्रश्‍नावर चर्चा झाली. पण येत्या १२ किंवा १३ नोव्हेंबरला जिल्ह्यातील सर्व कारखान्यांच्या अध्यक्षासोबत बैठक घेऊन योग्य तो निर्णय घेण्याचे या वेळी ठरले. तशी सूचना त्यांनी जिल्हाधिकारी डॉ. राजेंद्र भोसले यांना केली. त्यामुळे तूर्त तरी याविषयावर पडदा पडण्याची चिन्हे आहेत. या बैठकीला स्वाभिमानी शेतकरी संघटनेचे महामदू पटेल, रयत क्रांती संघटनेचे दीपक भोसले, बळिराजाचे जिल्हाध्यक्ष माउली हळणवर, विजय रणदिवे, सचिन पाटील, नवनाथ माने, उमाशंकर पाटील, माउली जवळेकर, प्रताप गायकवाड, विश्रांती भुसनर, मेजर नागटिळक आदी उपस्थित होते.
 

इतर ताज्या घडामोडी
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...
धुळे, जळगाव जिल्ह्यांतील पैसेवारी चुकीचीजळगाव   ः धुळे व जळगाव जिल्ह्यांत हवा तसा...
नैसर्गिक आपत्तीत यवतमाळमधील ६२ हजार...यवतमाळ   ः जिल्ह्यात या वर्षी आलेल्या...
पुणे जिल्‍ह्यात पावसाच्या हलक्या ते...पुणे : पावसाच्या मोठ्या खंडानंतर जिल्ह्याच्या...
नगर जिल्ह्यावर दुष्काळाचे सावटनगर  ः जिल्ह्यात आतापर्यंत सरासरी फक्त ६५.५५...