गारपीट अनुदानासाठी शेतकऱ्यांचा तहसीलदारांच्या कक्षात ठिय्या

अनुदान मिळत नसल्याने तहसीलदारांच्या कक्षात बसलेले शेतकरी
अनुदान मिळत नसल्याने तहसीलदारांच्या कक्षात बसलेले शेतकरी

अकोला ः संग्रामपूर तालुक्यात सन २०१४-१५ मध्ये वादळी वाऱ्यासह गारपीट झाली होती. त्यासाठी शासनाकडून पंचनामे करून मदत देण्यात अाली. यामध्ये काही गावांतील शेतकरी नुकसान होऊनही वंचित राहले. वास्तविक या शेतकऱ्यांनी अनुदान उपलब्ध करून दिल्यानंतरही तांत्रिक कारणांनी शेतकऱ्यांना दिल्या गेले नाही. यासाठी शेतकरी सातत्याने पाठपुरावा करीत असून, मंगळवारी (ता.९) तहसीलदारांचा कक्षात ठिय्या दिला. सन २०१४-१५मध्ये गारपिटीमुळे शेतकऱ्यांचे नुकसान झाले होते. या नुकसानभरपाई म्हणून दहा महिन्यांपूर्वी शासनाकडून अनुदान उपलब्ध करून देण्यात अाले अाहे. मात्र एकलारा (बानोदा), बानोदा बुद्रुक व काटेलसह काही गावांतील शेतकरी अद्यापही अनुदानापासून वंचित अाहेत. यासाठी शेतकऱ्यांनी वारंवार प्रशासनाकडे पाठपुरावा केला. निवेदने दिली. डिसेंबर महिन्यात तहसील कार्यालयात महामुक्काम अांदोलनसुद्धा केले. या वेळी तहसील प्रशासनाने अाठ दिवसांत अनुदान वळती करण्याबाबत अाश्वासन देत अांदोलन सोडविले होते. मात्र हा कालावधी लोटूनही कुणाच्याही खात्यात निधी वळती झाला नाही. शिवाय याला दोषी असलेल्या अधिकाऱ्याविरुद्ध कारवाईसुद्धा झालेली नाही. त्यामुळे अाक्रमक होत शेतकऱ्यांनी स्वाभिमानी शेतकरी संघटनेचे जिल्हा युवाध्यक्ष प्रशांत डिक्कर यांच्यासह तहसीलदारांच्या कक्षात ठिय्या अांदोलन सुरू केले. ४३ लाख रुपयांची ही मदत दहा महिन्यांपूर्वी तालुका प्रशासनाला मिळालेली असून तातडीने शेतकऱ्यांच्या बँक खात्यात वळती करावी, अशी मागणी शेतकऱ्यांनी केली अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com