कागदपत्रे जाळून शेतकऱ्यांचा संताप

कागदपत्रे जाळून शेतकऱ्यांचा संताप
कागदपत्रे जाळून शेतकऱ्यांचा संताप

कुंभार पिंपळगाव, जि. जालना : कर्जमाफी झालेल्या शेतकऱ्यांच्या याद्या मारोतीच्या पारावर लावून मंदिरात कर्ज प्रकरणाची कागदपत्रे घेणाऱ्या बॅंक ऑफ महाराष्ट्रच्या शाखा व्यवस्थापकांना गुरुवारी (ता. २८) संतप्त झालेल्या शेतकऱ्यांनी विविध प्रश्न विचारून पिटाळून लावले. या वेळी संतप्त शेतकऱ्यांनी कर्ज प्रकरणासाठी जमा केलेली कागदपत्रे जाळून संताप व्यक्त केला.

गुरुवारी बॅंकेच्या वतीने कर्जमाफी झालेल्या शेतकऱ्यांना नव्याने कर्ज देण्यासाठी कागदपत्रे जमा करण्यासाठी कॅंप घेण्यात आला होता. या अगोदर शुक्रवारी (ता. १५) झालेल्या कॅंपमध्ये अनेक शेतकऱ्यांनी कागदपत्रे दिली होती. मात्र, कागदपत्रे बॅंकेत न देता मंदिरातच द्यावीत असा आदेश काढल्याने शेतकरी कागदपत्रे देण्यासाठी मंदिरात थांबले होते. गुरुवारी सकाळी बॅंकेचे व्यवस्थापक संदीप कदम एका सहकाऱ्यासह आले. मात्र, मंदिराऐवजी मंदिराजवळच असलेल्या सभागृहात त्यांनी बस्तान मांडले.

शेतकऱ्यांची कागदपत्रे घेताना आणि देताना बारीकसारीक गोष्टीवरून वाद सुरू झाला. यामुळे शेतकरी व अधिकारी यांच्यात शाब्दिक बाचाबाची झाली. त्यानंतर शेतकरी चिडले व त्यांनी शाखा व्यवस्थापकांना सभागृहाच्या बाहेर काढून दिले. दरम्यान, काही शेतकऱ्यांनी जमा केलेली कागदपत्रे फाडून, जाळून निषेध व्यक्त केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com