गावांच्या विकासासाठी कंपनी स्थापन करणार : सहकारमंत्री सुभाष देशमुख

गावांच्या विकासासाठी कंपनी स्थापन करणार : सहकारमंत्री सुभाष देशमुख

सोलापूर : गावाच्या सहभागाच्या माध्यमातून गावाचा विकास करण्यासाठी कंपनी स्थापन करण्याचा निर्णय सरकारने घेतला आहे. त्याच धर्तीवर जिल्ह्यातील गावांचा विकास करण्यासाठी कंपनी स्थापन करणार आहे. त्यामध्ये ५० टक्के वाटा गावाचा व ५० टक्के त्या कंपनीचा असेल, असे प्रतिपादन सहकारमंत्री सुभाष देशमुख यांनी केले.  जिल्हा परिषदेच्या ग्रामपंचायत विभागाच्या वतीने दक्षिण सोलापूर व उत्तर सोलापूर तालुक्‍यातील नवीन सरपंच व सदस्यांसाठी आयोजिलेल्या कार्यशाळेत ते बोलत होते. या वेळी हिवरे बाजारचे सरपंच पोपटराव पवार, जिल्हा परिषदेचे मुख्य कार्यकारी अधिकारी डॉ. राजेंद्र भारुड, उत्तर सोलापूर तालुक्‍याच्या सभापती संध्याराणी पवार, दक्षिण सोलापूरच्या सभापती ताराबाई पाटील, गणेश शिंदे, जिल्हा परिषद सदस्य उमेश पाटील, स्वरूपाराणी मोहिते-पाटील, उषा सुरवसे, शैला गोडसे, अतिरिक्त मुख्य कार्यकारी अधिकारी पोपट बनसोडे, ग्रामपंचायत विभागाचे प्रभारी उपमुख्य कार्यकारी अधिकारी परमेश्‍वर राऊत, जिल्हा अधीक्षक कृषी अधिकारी बसवराज बिराजदार उपस्थित होते.  श्री. देशमुख म्हणाले, "गावाच्या विकासात गावाचे योगदान ५० टक्के असायलाच हवे. उर्वरित ५० टक्के या कंपनीच्या माध्यमातून निधी उपलब्ध करून देण्याचे नियोजन शासनाने केले आहे. या कंपनीच्या माध्यमातून राज्यात काही गावे मॉडेल करण्याचा विचार सरकारचा आहे. त्यासाठी गावांनीही सहकार्य करावे. त्यात सरकार मदत करेल.’’ श्री. पवार म्हणाले, "सरपंच, ग्रामसेवक व ग्रामसभा एकत्र आल्यास गाव सक्षम होण्यास वेळ लागणार नाही. गुत्तेदार म्हणून गावचा विकास करण्यासाठी सरपंच होऊ नका. प्रामाणिक राहा, गावाच्या प्रत्येक कामात सक्रिय सहभाग द्या, एकोपा ठेवा आपोआप कामे आणि गावाचा विकासही होईल.''

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com