agriculture news in marathi, farmers debt waiver issue Continuous | Agrowon

कर्जमाफीचा घोळ संपता संपेना
टीम अॅग्रोवन
रविवार, 14 जानेवारी 2018

जळगाव : जिल्ह्यात दोन लाख ४७ हजारांपेक्षा अधिक कर्जमाफीचे लाभार्थी आहेत. यातील निम्मे लाभार्थींनाही लाभ मिळालेला नसून, आता पुन्हा सात हजार संभाव्य लाभार्थींची यादी दुरुस्तीसाठी जिल्हा उपनिबंधक कार्यालयाकडे आली आहे.

जळगाव : जिल्ह्यात दोन लाख ४७ हजारांपेक्षा अधिक कर्जमाफीचे लाभार्थी आहेत. यातील निम्मे लाभार्थींनाही लाभ मिळालेला नसून, आता पुन्हा सात हजार संभाव्य लाभार्थींची यादी दुरुस्तीसाठी जिल्हा उपनिबंधक कार्यालयाकडे आली आहे.

दुरुस्तीसाठी आणखी एक महिना लागेल की दोन महिने, असा मुद्दा आहे. कर्जमाफीचा घोळ वाढतच असून, रोज नव्या त्रुटी व नव्या तक्रारी येत असल्याचे चित्र आहे.
जिल्ह्यात जळगाव तालुक्‍यात मध्यंतरी लाभार्थींची ग्रीन यादी आली. त्यात धानवड (ता.जि.जळगाव) येथील चार शेतकऱ्यांची दुबार नावे आली. म्हणजेच यापूर्वी ज्यांना लाभ मिळाला, त्यांची नावे पुन्हा आली. अशातच अलीकडेच सात हजार संभाव्य लाभार्थींची ''यलो'' यादी आली असून, त्यासंबंधी दुबार नावे वगळण्याची कार्यवाही करून दुरुस्ती करावी लागणार आहे. यासाठी महिनाभर वेळ लागतो की अधिक हादेखील मुद्दा आहे.

जिल्हा उपनिबंधक कार्यालयास त्यासाठी कार्यवाही करावी लागणार असून, सुनावण्या घ्याव्या लागतील. सुनावणीसाठी संभाव्य लाभार्थी शेतकरी व बॅंकेलाही बोलावले जाईल. लाभार्थी यादीत दुबार नावे दोन ते तीन बॅंकांकडून कर्ज घेतलेल्या शेतकऱ्यांची येत आहेत. एका शेतकऱ्याला दोनदा लाभ मिळू नये म्हणून सुनावण्या व दुरुस्ती ही सर्कस करावी लागणार आहे.

नियमित लाभार्थी प्रतीक्षेत
जिल्हा बॅंकेचे कर्जदार लाभार्थी अधिक असून, सध्या अनेक नियमित कर्जदार लाभार्थी २५ टक्के सवलतीच्या प्रतीक्षेत आहेत. ज्यांनी सर्वप्रथम ऑनलाइन अर्ज भरले, त्यांचीच नावे ग्रीन यादीत आलेली नसल्याची माहिती मिळाली.

कर्मचारी सुटीलाही कामावर

कर्जमाफीच्या घोळात मागील दोन महिन्यांत जिल्हा उपनिबंधक व जिल्हा विशेष लेखा परीक्षण विभागातील कर्मचाऱ्यांना दुसरा व चौथा शनिवार आणि रविवारची सुटीही मिळालेली नाही. फक्त दिवाळीलाच त्यांना सुट्या होत्या. अशातच मध्यंतरी एका सहायक निबंधकाला कामाच्या ताणामुळे हृदयविकाराचा झटका आला होता, असे सूत्रांनी सांगितले.

कर्जमाफीचा लाभ जळगाव जिल्ह्यात इतर जिल्ह्यांच्या तुलनेत अधिक शेतकऱ्यांना मिळाला आहे. डोळ्यात तेल घालून यासंबंधीचे काम करावे लागत आहे. दुबार लाभार्थी वगळण्यासाठी सुनावण्या घ्याव्या लागणार आहेत.
- अशोक बागल,
प्रभारी सहायक जिल्हा उपनिबंधक, जळगाव

इतर बातम्या
दक्षिण अशियात मॉन्सूनचा पाऊस सरासरी...पुणे : भारतासह दक्षिण आशियातील देशांच्या बहुतांशी...
राज्यातील चौदा मतदारसंघांत आज मतदानमुंबई   ः लोकसभा निवडणुकीच्या तिसऱ्या...
स्थानिक घटकांपासून नावीन्यपूर्ण सौर...तीव्र थंडीच्या स्थितीमध्ये वापरण्यायोग्य सौर...
जळगावात हरभऱ्याची ऑनलाइन नोंदणी आज बंदजळगाव : जिल्ह्यात शासकीय हरभरा खरेदीसाठी अजून...
रावेर, जळगावसाठी आज मतदानजळगाव : लोकसभा निवडणुकीच्या जळगाव व रावेर...
वाळूउपशामुळे विहिरींच्या पाणीपातळीत घटनाशिक : बागलाण तालुक्यातील ताहाराबाद ...
नांदेड जिल्ह्यात अडीच हजार कोटींचे...नांदेड ः नांदेड जिल्ह्यातील विविध बॅंकांना २०१९-...
राज्याचे एक थेंबही पाणी गुजरातला देऊ...नाशिक  : ‘‘पंतप्रधान नरेंद्र मोदी...
धर्मराजाचा कडाही यंदा आटलामाजलगाव, जि. बीड : माजलगाव धरणालगतच असलेला...
लक्षवेधी माढ्यासाठी आज मतदानसोलापूर  : अत्यंत प्रतिष्ठेच्या ठरलेल्या...
फळबागा तोडण्याची शेतकऱ्यांवर वेळजवळगाव, जि. बीड ः दुष्काळी परिस्थितीने...
जळगाव बाजारात केळी दरात सुधारणाजळगाव ः जिल्ह्यात मुक्ताईनगर व रावेरात दर्जेदार...
नगरमध्ये प्रशासन गुंतले निवडणुकीत,...नगर  : दुष्काळात जनावरे जगविण्यासाठी चारा...
पुणे विभागात तेरा हजार हेक्टरवर चारा...पुणे : पाणीटंचाईमुळे चाऱ्याची चांगलीच टंचाई...
पुणे जिल्ह्यात पाणीटंचाईमुळे फळबागा...पुणे  ः कमी झालेल्या पावसामुळे जिल्ह्यातील...
नगर लोकसभा मतदारसंघात आज मतदाननगर : नगर लोकसभा मतदारसंघासाठी आज (मंगळवारी) २०३०...
यवतमाळ जिल्ह्यात दोन लाख टन खतांची मागणीयवतमाळ  : येत्या खरीप हंगामासाठी कृषी...
यवतमाळ जिल्ह्यात होणार ६६४ विहिरींचे...यवतमाळ  ः जिल्ह्यात दिवसेंदिवस गंभीर होत...
अमरावतीतील दहा हजारांवर शेतकऱ्यांचे... अमरावती  ः निसर्गाचा लहरीपणामुळे शेतकरी...
शरद जोशीप्रणीत शेतकरी संघटनेच्या...जळगाव   ः लोकसभा निवडणुकीसाठी नाशिक...