agriculture news in marathi, farmers deprived from crop insurance compensation, sangli, maharashtra | Agrowon

सांगलीतील ५७ हजार शेतकरी पीकविमा भरपाईपासून वंचित
टीम अॅग्रोवन
रविवार, 7 ऑक्टोबर 2018

गेल्या वर्षी खरीप हंगामात चार एकर सोयाबीन पेरले होते. कमी पाऊस झाल्याने सोयाबीन पिकाचे नुकसान झाले. पीकविमा घेऊन सोयाबीनला संरक्षित केले होते. मात्र, अद्यापही पीकविम्याची रक्कम मिळालेली नाही.
- संजय पाटील, पाटगाव, ता. मिरज.

सांगली ः पंतप्रधान पीकविमा योजना खरीप २०१७ मध्ये जिल्ह्यातील १ लाख १६ हजार ५२४ शेतकरी सहभागी झाले. यापैकी ५८ हजार ५७७ शेतकऱ्यांना विमा कंपनीकडून २२ कोटी ७९ हजार विमा नुकसानभरपाई मिळाली आहे. मात्र, अद्यापही ५७ हजार ९४७ शेतकरी नुकसानभरपाईपासून वंचित आहेत. यामुळे शेतकऱ्यांना ही भरपाई मिळणार का, असा प्रश्‍न उपस्थित झाला आहे. पीकविमा नुकसानीबाबत कृषी विभागाने दुर्लक्ष केले आहे.

खरीप हंगामात अतिवृष्टी, पूर, नैसर्गिक आपत्तीमुळे पिकांचे नुकसान झाल्यास शेतकऱ्यांना त्याची नुकसानभरपाई मिळावी, यासाठी शासनाने पंतप्रधान पीकविमा योजना सुरू केली. जिल्ह्यातील शेतकरी या योजनेत सहभागी होण्यासाठी कृषी विभागाने जनजागृती देखील केली. यामुळे जिल्ह्यातील १ लाख १६ हजार ५२४ कर्जदार आणि बिगरकर्जदार असे शेतकऱ्यांना या योजनेचा लाभ घेतला. विमा हप्त्यापोटी शेतकऱ्यांनी ३ कोटी ३९ लाख ९४ हजार लाख रुपये भरले आहेत. ही रक्कम गेल्या वर्षी ऑगस्ट महिन्यात संबंधित विमा कंपनीकडे वर्ग करण्यात आली आहे. गेल्या वर्षी या योजनेतून  ५८ हजार ५७७ शेतकऱ्यांना विमा कंपनीकडून २२ कोटी ७९ हजार रुपये शेतकऱ्यांना मिळालेले आहे. उर्वरित ५७ हजार ९४७ शेतकऱ्यांना पीक विमा अद्यापही मिळालेला नाही. त्यामुळे शेतकऱ्यांतून तीव्र नाराजी व्यक्त होत आहे.

जिल्हा कृषी विभागाचे दुर्लक्ष
पीकविम्याची नुकसान भरपाई मिळाली नाही, अशी तक्रार झाल्याने त्यामुळे बॅंकेने कृषी आयुक्तालयाशी पत्रव्यवहार केला आहे. त्यामध्ये ३० ऑगस्ट २०१८ ला पीकविमा कंपनीस नुकसानभरपाई कृषी आयुक्त कार्यालयाने सूचना दिल्या आहेत. मात्र, अद्यापही पीकविमा कंपनीने कार्यवाही केलेली नाही. त्यामुळे कृषी विभागाने उर्वरित शेतकऱ्यांना पीक विमा नुकसानभरपाईसाठी कार्यवाही करावी, अशी बॅंकेने मागणी केली आहे. मात्र, याबाबत कृषी विभागाने दुर्लक्ष केले आहे. यामुळे पीकविम्याची नुकसानभरपाईची रक्कम अडकून राहिली आहे.

विमा कंपनीकडून रक्कम वर्गच नाही
पीक विम्याची रक्कम बॅंकेत जमा झाली आहे. याची खातरजमा करण्यासाठी शेतकरी हेलपाटे मारत आहे. पीकविम्याची रक्कम अद्यापही आलेली नाही. चार दिवसांनी या असे सांगितले जाते, तर काही बॅंकेतील अधिकारी सांगतात, की विमा कंपनीकडे पैसे उपलब्ध नसल्याने त्यांनी रक्कम जमा केली नाही. त्यामुळे रक्कम कधी वर्ग होणार, असा प्रश्‍न शेतकरी उपस्थित करू लागला आहे.

पंतप्रधान पीकविमा योजना घेऊन सोबाबीन पिकाला संरक्षण दिले होते. वेळेत पाऊस झाला नाही त्यामुळे पिकाचे नुकसान झाले. पीकविम्याची रक्कम खात्यावर जमा झाली आहे, यासाठी सातत्याने हेलपाटे मारतोय. मात्र, बॅंकेतील अधिकारी सांगतात, की विमा कंपनीकडे पैसे उपलब्ध नसल्याने त्यांनी रक्कम जमा केली नाही, असे पाटगाव (ता. मिरज) येथील शेतकरी भागवत पाटील यांनी सांगितले.
 

इतर ताज्या घडामोडी
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
यवतमाळ जिल्हा दुष्काळग्रस्त जाहीर करा ः...वणी, जि. यवतमाळ   ः केंद्र व राज्यातील सरकार...
ग्रामपंचायत कर्मचाऱ्यांच्या वेतनासाठी...नाशिक (प्रतिनिधी) : कुटुंबाच्या आर्थिक अडचणीच्या...
पीकनिहाय सिंचनाचे काटेकोर नियोजनपिकांच्या अधिक उत्पादकतेसाठी जमिनीची निवड, मुबलक...
नारळासाठी खत, पाणी व्यवस्थापननारळ हे बागायती पीक असल्यामुळे पुरेसे पाणी...
खानदेशात केळीच्या दरात सुधारणाजळगाव : केळीची आवक सध्या कमी असून, थंडी वधारताच...
नाशिक जिल्ह्यातील दुष्काळी तालुक्यात...नाशिक : नाशिक जिल्ह्यातील पंधरापैकी आठ तालुके...
‘निम्न दुधना’तून पाणी देण्याचे...परभणी : निम्म दुधना प्रकल्पातून पिण्यासाठी पाणी...
सर्वसाधारण सभेचा सत्ताधाऱ्यांना धसकाजळगाव : जिल्हा परिषदेची सर्वसाधारण सभा येत्या २८...
शेतकऱ्यांनी चारा पिकांवर भर द्यावा ः...पुणे  : नव्या वर्षाच्या सुरवातीलाच कृषी...
‘वनामकृवि’ तयार करणार दुष्काळी...परभणी  ः मराठवाड्यात उद्भलेल्या दुष्काळी...