agriculture news in marathi, farmers distribute milk to relatives and friends, nagar, maharashtra | Agrowon

नगरमधील दूध उत्पादकांनी नातेवाईक, मित्रांना दिले दूध भेट
सूर्यकांत नेटके
शुक्रवार, 20 जुलै 2018

आमच्या गावांत मोठ्या प्रमाणात दुधाचे उत्पादन घेतले जाते. दुधाला दर मिळत नसल्याने आंदोलन सुरू असून त्यात दूध संकलकांसह शेतकरी सहभागी झाले असल्याने चार दिवसांपासून दूध संकलन बंद आहे. लोक दुधापासून अन्य पदार्थ तयार करून विकत आहे. नातेवाइकांनाही त्यामुळे दूध भेट म्हणून मिळत आहेत.
- घनशाम गिरवले, देऊळगाव सिद्धी, ता. नगर.
 

नगर ः चार दिवसांपासून दूध दरप्रश्‍नी सुरू असलेल्या आंदोलनामुळे दूध संकलन बंद आहे. त्यामुळे जिल्ह्यातील अनेक भागात दूध उत्पादकांनी नातेवाईक, मित्रांना दूध आणि दुधाच्या पदार्थांचे वाटप केले. शहरात दुधाची अडचण निर्माण झाली असली तरी ग्रामीण भागात मात्र हॉटेलसह अन्य ठिकाणी दहा ते बारा रुपये लिटरने दूध विकले गेले. तीन- चार दिवसांत लाखो लिटर दुधाचे वाटप झाले.

दुधाला दर नसल्याने पाच रुपये प्रती लिटर अनुदान मिळावे, यासाठी आंदोलन सुरू असल्याने दुधाचे संकलन झाले नाही. अजूनही अनेक शेतकरी दूध घालण्यास तयार नाहीत. त्यामुळे प्रत्येक दूध उत्पादकांच्या घरी मोठ्या प्रमाणात दूध शिल्लक आहे. त्यामुळे शेतकऱ्यांनी दुधापासून तयार होणारे खवा, पनीर, तूप, दही तयार केले. अनेकांनी दुधासह अन्य दुधाच्या पदार्थाचे नातेवाईक, मित्रांना वाटप केले. अगदी पन्नास किलोमीटरवरही नातेवाइकांनी दूध आणि दुधाच्या पदार्थांची भेट पोचते आहे. काहींनी गावाजवळच्या शहरात दहा ते बारा रुपये लिटरने दुधाची विक्री केली आहे.

नगर तालुक्‍यातील देऊळगाव सिद्धी येथे दुधाचे सहा ते सात प्लॅन्ट आहेत. तूप, पनीर, खवा, दह्यासह अन्य उपपदार्थ येथे तयार केले जातात. गावांतील शेतकऱ्यांकडून पंधरा हजार लिटर तर अन्य शेजारच्या गावांचे मिळून देऊळगावांत पन्नास हजार लिटर दूध संकलन होते. आंदोलनामुळे येथे चार दिवसांपासून संकलन बंद आहे. त्यामुळे येथील लोकांनी दुधापासून खवा, तूप व अन्य पदार्थ तयार करून घेतले आणि गावांत नातेवाइकांसह गरजूंना मोफत वाटले. त्यामुळे शहरात दूध मिळत नसले तरी उत्पादकांच्या गावात मुबलक दूध उपलब्ध असल्याचे सध्या चित्र आहे. दरम्यान, दोन दिवसांत खव्याचेही मोठ्या प्रमाणात उत्पादन झाल्याने खव्याचे दर पन्नास टक्‍क्‍यांनी खाली आले आहेत.

 नगर जिल्ह्यामधील स्थिती (१७ जुलै )

  • नियमित दूध संकलन ः  २४ लाख लिटर
  • आंदोलनाच्या काळात दुसऱ्या दिवशीचे संकलन ः  ३ लाख लिटर
  • दुधाची कमी दरात विक्री ः २ लाख लिटर
  • पनीर तयार केलेले दूध ः २ लाख लिटर
  • दही तयार केलेले दूध  ः  ३ लाख लिटर
  • खवा तयार केलेले दूध  ः  ७ लाख लिटर
  • अन्य उपपदार्थ तयार करण्यासाठी वापरलेले दूध ः २ लाख लिटर
  • दुधाचे मोफत वाटप ः ३ लाख लिटर

इतर बातम्या
थंडी वाढण्यास हवामान घटक अनुकूलमहाराष्ट्रावर १०१२ हेप्टापास्कल इतका हवेचा दाब...
दुष्काळी उपाययोजनांसाठी कोरड्या धरणात...बीड : मराठवड्यातील सर्वात तीव्र दुष्काळी...
परभणी जिल्ह्यात ३४ हजार ३९२ हेक्टरवर...परभणी : जिल्ह्यात यंदाच्या रब्बी हंगामात मंगळवार...
शेतकऱ्यांच्या विधवांचे २१ला मुंबईत...मुंबई : देशभरात विविध शेतकऱ्यांचे मोर्चे...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
नाशिक जिल्ह्यात ४० हजार क्विंटल...नाशिक : एप्रिल महिन्यापासून शिधापत्रिकाधारकांना...
राज्यातील धरणांमध्ये ५५ टक्के पाणीसाठापुणे   : राज्यात पाणीटंचाईची तीव्रता वाढू...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महाबळेश्र्वरमध्ये ३५०० एकरांवर...सातारा  ः महाबळेश्वरसह वाई, जावली, कोरेगाव...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
दुष्काळात तीन श्रेणींत कामांचे नियोजन...पुणे : राज्यात आलेल्या दुष्काळात मदतीचा...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...
राज्याच्या दक्षिण भागात पावसाची शक्यतापुणे : राज्यात थंडी वाढण्यास सुरुवात झाली आहे....
सोयाबीन वधारण्याची चिन्हेपुणे: राज्यात सध्या सोयाबीनचे दर गडगडले असले...
ओडिशात भाडोत्री ट्रॅक्टर योजनेस प्रारंभभुवनेश्‍वर ः राज्यातील शेतकऱ्यांना अद्ययावत...
कोल्हापुरात ऊसतोडणीसाठी यंदा पुरेसे मजूरकोल्हापूर  : गेल्या हंगामाच्या तुलनेत...
चारा लागवडीसाठी शासकीय जमिनी देणारमुंबई : राज्यावरील दुष्काळाचे संकट लक्षात...
कापूस खरेदीला आजपासून प्रारंभनागपूर : पणन महासंघाव्दारे कापूस खरेदीला आजपासून...