agriculture news in Marathi, farmers diwali in economic distress in khandesh, Maharashtra | Agrowon

जिभाऊ... बापू तुमले दिवाईन्या सुभेच्छा बरं.. !
चंद्रकांत जाधव
गुरुवार, 19 ऑक्टोबर 2017

केळी, कपाशी, धान्य उत्पादकांना एकाच रांगेत निसर्गाने व शासकीय यंत्रणा, बॅंकांनी उभे केले आहे. शेतकऱ्याची किंमत कुणाला राहिलेली नाही. त्याच्या समस्या दिवसागणिक वाढत आहे. त्यावर उपाय योजले जात नाहीत. अशा सगळ्या अडचणींमध्येही शेतकरी राजा उमेदीने सण उत्सव साजरा करतो. 
- जितेंद्र ओंकार नाखेडे, शेतकरी, भादली बुद्रुक (जि. जळगाव)

जळगाव ः जिभाऊ... बापू तुमले दिवाईन्या सुभेच्छा बरं.. तुमी आसाच चमकत ऱ्हावोत दिवाईना लायटींगसारका... तुमनं तोंड आसेच गोड रावाले जोयजे सांजोरीसारकं... मन्हासंग आसाच पक्का ऱ्हाजात लाडूसारका... खानदेशात दीपोत्सव आर्थिक तंगी, नैसर्गिक आपत्तीच्या सावटाखाली साजरा होत असला तरी प्रकाशपर्व आपल्या पुढातला अंधार दूर करील आणि आपले जीवन प्रकाशमान होईल, अशा नव्या उमेदीने अहिराणी बोलीत शेतकरी मंडळी दीपोत्सवानिमित्त आपले नातेवाईक, जवळच्या मंडळीला शुभेच्छा देत आहेत. निसर्गाच्या लहरीपणाचा फटका यंदाही बसला आहे. धान्याची मोठी रास नाही किंवा घरात धन नाही..., अशाच स्थितीत शेतकऱ्यांनी डाळी, धान्याची पूजा करून धनत्रयोदशीला देवाला आता रब्बी तरी हाती लागू दे, अशीच आळवणी जणू केली. 

फराळ आणि बच्चेकंपनीला थोडेबहुत फटाके, अशी दिवाळी शेतकरी साजरा करीत आहेत. मोठी खरेदी, झगमगाट, असे चित्र कुठेही दिसत नाही. अनेक जण तर सकाळीच कापूस वेचणी, जेमतेम हाती आलेल्या सोयाबीन मळणीच्या कामासाठी शेतात जात आहेत. खरीप जोमात असला तर शेतकऱ्यांचा पोळा, दसरा, दीपोत्सव असतो.. हंगामच जमतेम होता. त्यामुळे तो आनंद, उत्साह दिवाळीला ग्रामीण भागात कुठेही दिसत नाही. 

कपाशीतही हार 
यंदा पूर्वहंगामी कपाशीची बोंडे उमलण्यास सुरवात होताच सप्टेंबरच्या मध्यात पाऊस आला आणि कापूस काळवंडला. ३० ते ३५ टक्के नुकसान झाले. कापूस घरात साठवला तर दर्जा आणखी घसरेल या भीतीने व्यापाऱ्याला कवडीमोल देण्याशिवाय पर्याय नाही... होता तो कापूस विकला. कापसाचे तालुक्‍यागणिक वेगवेगळे दर आहेत. शासकीय कापूस खरेदी केंद्रांचा अजून पत्ताच नाही. 

केळी उत्पादकही नुकसानीत
दर्जेदार केळी पिकवायला एकरी दीड लाख रुपये खर्च लागला. असा खर्च करूनही दर एक हजार रुपये क्विंटलपर्यंत मिळाला. यामुळे जळगाव जिल्ह्यात केळी परवडत नसल्याने क्षेत्र तीन हजार हेक्‍टरने घटले. व्यापारी व बाजार समित्यांच्या मगरमिठीत केळी उत्पादक पुन्हा एकदा सापडला. केळी नाशवंत असल्याने व्यापाऱ्यांच्या साखळीसमोर नमते घेत केळी उत्पादक मिळेल त्या दरात केळी देत आहेत. 

कर्जमाफीने जेरीस आणले
जगाची भूक भागविणाऱ्या पोशिंद्याला कर्जमाफीचे अर्ज भरण्यासाठी शासकीय यंत्रणांनी लांबच लांब रागांमध्ये भुकेल्या पोटी राहण्याची वेळ आणली. तरीही धुळे जिल्ह्यात जवळपास १३ हजार, नंदुरबारात ९ हजार आणि जळगाव जिल्ह्यात १९ हजार शेतकरी कर्जमाफीपासून वंचित राहिले आहेत. 

प्रतिक्रिया
जशी छोट्या, कोरडवाहू शेतकऱ्याची अवस्था आहे, तशीच अवस्था मोठ्या, बागायतदार शेतकऱ्याची आहे. नोटाबंदीपासूनची संकटांची मालिका अजूनही सुरूच आहे. पावसाने दगा दिला आणि हातचे सगळेच शेतकरी राजा गमावून बसला आहे. सणालाही पैसे लागतात. दिवाळी सण साधेपणानेच साजरा होत आहे. 
- हिंमतअण्णा माळी, शेतकरी, न्याहली (जि. नंदुरबार)

ऑगस्टअखेर पूर्वहंगामी कपाशीला पावसाचे पाणी मिळाले नाही. हलक्‍या जमिनीत फूल, पातेगळ झाली. नंतर सप्टेंबरमध्ये पाऊस आला तो संकटे घेऊनच. त्याने कापूस काळवंडला. केळीलाही दर मिळत नाहीत. कर्जमाफीचे तर सांगूही नका आणि विचारूही नका. अशात कसली दिवाळी आणि कसला सण आला.
- भरत पाटील, शेतकरी, जापोरा, (ता. शिरपूर, जि. धुळे)

 

इतर अॅग्रो विशेष
जमिनीवरील अत्याचार थांबवा !पुणे : एक इंच माती तयार होण्यासाठी ५०० वर्षे...
दुग्ध व्यवसायाला २८०० कोटींचा फटकापुणे : उत्पादन खर्चात वाढ आणि नफा घटल्यामुळे...
मुदत संपलेल्या जिल्हा बँकांवर प्रशासक...मुंबई : राज्य सहकारी निवडणूक प्राधिकरण चार...
वादळी पावसाने पिकांचे नुकसानपुणे : राज्यात सुरू असलेल्या वादळी वाऱ्यासह...
उष्णतेच्या झळांनी विदर्भ होरपळलापुणे : मध्य महाराष्ट्र, मराठवाड्यात गारपीट,...
उन्हाळ्यात केळी बागांची जपणूक महत्त्वाचीसद्यस्थितीत तापमानात वाढ सुरू झाली असून तापमान ४०...
साखर निर्यातीसाठी कारखाने अनुत्सुककोल्हापूर : आंतरराष्ट्रीय बाजारपेठेत साखरेचे...
हमीभावाने तूर खरेदीचा आज अखेरचा दिवसमुंबई/ अकोला/नगर : हमीभावाने तूर खरेदीचा...
मध्य महाराष्ट्र, मराठवाड्यात पावसाचा...पुणे : राज्यात उन्हाचा चटका पुन्हा वाढू लागला आहे...
अक्षय तृतीयेला आंब्याने खाल्ला भावअक्षय तृतीया व त्यानंतर आंब्याची बाजारपेठ...
पैसे भरून प्रलंबित कृषिपंपांना...मुंबई : पैसे भरून प्रलंबित असलेल्या सुमारे २...
डोंगरावर फुलविले एकात्मिक शेतीचे आदर्श...खिंगर (ता. महाबळेश्‍वर, जि. सातारा) गावातील...
बारा प्रमुख रस्त्यांच्या दुतर्फा...मुंबई : राज्यात ३ वर्षांत ५० कोटी वृक्ष लागवडीचा...
पणन आयुक्तपदी संपदा मेहतामुंबई ः राज्यातील तूर, हरभरा आदी शेतीमालाच्या...
सहकार चळवळीने २५ वर्षांत शेतीची प्रगती...बारामती, जि. पुणे : १९६५ ते १९९० चा काळ हा...
मृदसंधारणाचे तपासणी अहवाल न पाठविल्यास...पुणे : राज्यातील मृदसंधारणच्या कामात गावपातळीवर...
देशात यंदा सर्वसाधारण माॅन्सून : हवामान...पुणे : नैर्ऋत्य मोसमी वाऱ्यांच्या (मॉन्सून)...
साखर २५०० रुपयांपर्यंत घसरेल : शरद पवारबारामती, जि. पुणे : देशात उसाचे उत्पादन खूप व...
जमीन सुपीकतेविषयी आज पुण्यात चर्चासत्रपुणे : ''सकाळ-अॅग्रोवन''च्या तेराव्या वर्धापन...
लातुरात हरभरा खरेदी योजनेचा फज्जालातूर ः जाहिरातबाजी करून आम्ही शेतकऱ्यांच्या...