Agriculture News in Marathi, farmers drip irrigation subsidy proposal rejected by govt, maharashtra | Agrowon

ठिबक अनुदानात जीएसटीचा खोडा
टीम अॅग्रोवन
गुरुवार, 7 डिसेंबर 2017

औरंगाबाद : पाण्याचा कार्यक्षम वापर करण्यासाठी ठिबकचा वापर करा, असे सरकार म्हणत अाहे. परंतु प्रत्यक्षात याच ठिबकच्या देऊ केलेल्या अनुदानासाठी शेतकऱ्यांना मात्र ताटकळवले जात असल्याचे चित्र आहे.

औरंगाबाद : पाण्याचा कार्यक्षम वापर करण्यासाठी ठिबकचा वापर करा, असे सरकार म्हणत अाहे. परंतु प्रत्यक्षात याच ठिबकच्या देऊ केलेल्या अनुदानासाठी शेतकऱ्यांना मात्र ताटकळवले जात असल्याचे चित्र आहे.

जीएसटीच्या आधी ऑनलाइन केलेल्या प्रस्तावांना आता जीएसटीची देयके जोडण्याच्या नावाखाली नाकारण्याचे काम केले जात असल्याचा प्रकार पुढे आला आहे. पैठण तालुक्‍यातील ज्या शेतकऱ्यांनी एप्रिल वा मेमध्ये ठिबकच्या अनुदानासाठी प्रस्ताव दाखल केले. त्यांनी त्या वेळच्या नियमानुसार व्हॉटची बिले प्रस्तावासाठी जोडली. त्यांना प्रस्ताव दाखल केल्यानंतर पूर्वसंमतीही मिळाल्याने शेतकऱ्यांनी दुकानदारांकडून ठिबक उचलून त्याचा प्रत्यक्ष वापरही सुरू केला.

परंतु गत चार-आठ दिवसांत या शेतकऱ्यांना आता त्यांचा अनुदानासाठीचा प्रस्ताव रद्द करण्यात आल्याचे संदेश मिळत असल्याची माहिती शेतकऱ्यांनी दिली. या संदर्भात कृषी विभागाच्या अधिकाऱ्यांशी संवाद साधला असता ते वरूनच रद्द करण्यात आल्याने नव्याने ऑनलाइन प्रस्ताव दाखल करण्याशिवाय आता दुसरा पर्याय नसल्याचे सांगितले जात असल्याचे शेतकऱ्यांनी सांगितले.

काही अधिकारी त्याची चार कारणे असू शकतात असे सांगतात. मात्र नेमके कोणत्या कारणावरून अनुदानाचा प्रस्ताव रद्द करण्यात आला ते कुणीही स्पष्टपणे सांगत नसल्याचे शेतकऱ्यांचे म्हणणे आहे. जीएसटी लागू होण्याआधीचे प्रस्ताव नियमानुसार पाठविले असताना, त्याची पूर्वसंमतीही मिळाली असताना आता जीएसटीच्या नावाखाली ते रद्द करण्याचे धोरण आमची अडवणूक करणारे, आधीच असलेल्या संकटात आणखी आर्थिक संकटात लोटणारे नाही का, असा सवाल शेतकरी उपस्थित करीत आहेत.
पैठणप्रमाणेच इतर तालुक्‍यांमध्येही अशा प्रकारे प्रस्ताव रद्द होणाऱ्या शेतकऱ्यांची संख्या मोठी असल्याची माहिती सूत्रांनी दिली.
 

ठिबकच्या अनुदानासाठी जुनमध्ये ऑनलाइन प्रस्ताव सादर केला. जुलैमध्ये त्याला पूर्वसंमती मिळाली. आता चार दिवसांपूर्वी प्रस्ताव रद्द झाल्याचा संदेश आला. अधिकाऱ्यांना, कर्मचाऱ्यांना विचारले तर नेमके कारण कळले नाही. खर्च झाला पण अनुदान काही मिळाले नाही.
- अशोक मापारी, थापटी तांडा, जि. औरंगाबाद.
............
प्रस्ताव नामंजूर का झाला कळलंच नाही. म्हणे जीएसटीचं देयक हवं, जीएसटी लागू होण्याआधी प्रस्ताव दाखल केला त्याला पूर्वसंमतीही मिळाली तरी रद्द. यामुळे आर्थिक अडचणीत वाढ झाली.
- विष्णुदास तारे, पाचोड, जि. औरंगाबाद.
...............
एप्रिलमध्ये दाखल केलेला प्रस्ताव रद्द झाल्याचा संदेश आला. जीएसटीआधीची प्रक्रिया नियमानुसार असताना प्रस्ताव का रद्द झाला तेच कळेना. पाच एकरांवर ठिबकसाठी ९५ हजार खर्च केले. कुटुंबातील दोन प्रस्ताव आहेत, अजून अनुदान मिळालं नाही.
- प्रल्हाद पिवळ, आडूळ, जि. औरंगाबाद.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...