agriculture news in marathi, Farmer's earned only Rs 231 per day | Agrowon

शेतकऱ्याचा मेहनताना केवळ २३१ रुपये रोज
टीम अॅग्रोवन
शनिवार, 13 जानेवारी 2018

जळगाव : शेतकरी रात्रंदिवस आपल्या शेतीसाठी राबतो. मुबलक व चांगले अन्नधान्य देऊन देशाची भूक भागविण्याची सर्कस तो करतो, पण त्याला फक्त २३१ रुपये रोज मिळतो, असे राज्य कृषिमूल्य आयोगाच्या शिफारशींच्या माध्यमातून स्पष्ट झाले असून, हा मोबदला राज्य शासन किंवा केंद्राच्या सेवेतील वर्ग चार कर्मचाऱ्याला मिळणाऱ्या रोजच्या मेहनतान्यापेक्षा कमी असल्याचेही उघड झाले आहे.

जळगाव : शेतकरी रात्रंदिवस आपल्या शेतीसाठी राबतो. मुबलक व चांगले अन्नधान्य देऊन देशाची भूक भागविण्याची सर्कस तो करतो, पण त्याला फक्त २३१ रुपये रोज मिळतो, असे राज्य कृषिमूल्य आयोगाच्या शिफारशींच्या माध्यमातून स्पष्ट झाले असून, हा मोबदला राज्य शासन किंवा केंद्राच्या सेवेतील वर्ग चार कर्मचाऱ्याला मिळणाऱ्या रोजच्या मेहनतान्यापेक्षा कमी असल्याचेही उघड झाले आहे.

आगामी काळात अन्नधान्य व इतर शेतमालाच्या किमान आधारभूत मूल्यासंबंधी केंद्रीय कृषिमूल्य आयोगाने राज्यांकडून शिफारशी मागविल्या आहेत. या शिफारशी राज्य आयोगाने कृषी विद्यापीठांमधील तज्ज्ञ, समित्यांकडून संकलित करून त्यासंबंधी मंगळवारी (ता.९) मुंबईत सह्याद्री अतिथिगृहात बैठक घेतली.

या बैठकीत कृषी व पणनमंत्री, राज्यमंत्री, कृषी विभागाचे पणन सचिव, राज्य कृषिमूल्य आयोगाचे अध्यक्ष आदी  सहभागी झाले.कृषी विद्यापीठांकडून शेतीचा उत्पादनखर्च व इतर बाबींचा अभ्यास करून तयार केलेला अहवाल बैठकीत सादर करण्यात आला.

यात उत्पादनखर्चात शेतकऱ्याचा रोजचा मेहनताना २३१ रुपये एवढा गृहीत धरल्याचे समोर आले. त्यावर धुळे येथून या बैठकीत सहभागी झालेले शेतकरी प्रतिनिधी ॲड. प्रकाश पाटील यांनी दुरुस्ती सुचविली. हा मेहनताना राज्य शासनात जसे वर्ग १, २, ३ व ४ कर्मचारी आहेत, त्यानुसार असावा. म्हणजेच अल्पभूधारक, आधुनिक तंत्रज्ञानाने शेती करणारा शेतकरी, अधिक जमीनधारक, बागायतदार, कोरडवाहू शेतकरी, अशी विगतवारी करून ठरावा. सरसकट सर्व शेतकऱ्यांचा मेहनताना २३१ रुपये असू नये, अशी दुरुस्ती सूचविल्याची माहिती मिळाली.

कपाशीचा खंडदर हेक्‍टरी ९२००
कपाशी पिकाचा खंड दर वार्षिक ९२०० रुपये आहे. त्यात बदल करण्याची सूचनाही शेतकऱ्यांनी केली. कारण कपाशी पीक राज्यात अधिक आहे. ते परवडत नाही, तसेच उत्पादनखर्च ठरविताना जोखिमा गृहीत धरलेल्या नसल्याचेही सादरीकरणादरम्यान समोर आले. त्यात कपाशीसह इतर अनेक पिके दुष्काळ, रोगराई, किडींमुळे संकटात येतात. त्यात उत्पादन निम्म्यावर येते. या जोखिमांसह उत्पादन खर्च धरावा, अशी सूचना शेतकरी प्रतिनिधी पाटील यांनी केली.

आता २१०० रुपये मार्केटिंग फेडरेशनचे सभासदत्व
मार्केटिंग फेडरेशन संस्था, सोसायट्या, संघांना विविध वर्गात सभासदत्व देताना २१ हजार रुपये शुल्क आकारले. हे शुल्क कमी करावे, अशी मागणी आपण या बैठकीनिमित्त मार्केटिंग फेडरेशनच्या कार्यकारी संचालक केरकट्टा यांच्याकडे केली. ती त्यांनी मान्य केली असून, शेतकी संघ किंवा इतर सोसायटी, शेतकरी उत्पादक कंपनीला २१०० रुपयांत ब वर्ग सभासदत्व फेडरेशन देईल, असे केरकट्टा यांनी आपल्यास सांगितल्याची माहिती ॲड. प्रकाश पाटील (धुळे) यांनी ॲग्रोवनशी बोलताना दिली.

इतर बातम्या
ऊस टोळी देण्‍याच्‍या आमिषाने फसवणूकसांगली - ऊस तोड टोळी पुरवण्याच्या आमिषाने शेतकरी...
थंडीने काजू मोहोरला...!देवरूख, रत्नागिरी : जानेवारी महिना...
ससून डॉक मत्स्योद्योग सहकारी संस्थेची...मुंबई ः रायगड जिल्ह्यातील एका छोट्या गावात खलाशी...
भंडारा जिल्हा परिषदेचा गड काँग्रेस-...भंडारा : जिल्हा परिषद अध्यक्षपदी काँग्रेसचे रमेश...
'कोरेगाव भीमासारखे प्रकार घडू शकतात'मुंबई : कोरेगाव भीमा घटना हिंसाचारामुळे...
रविकांत तुपकरांची लाेकसभेसाठी माढामधून...अकाेला : स्वाभिमानी शेतकरी संघटनेची मुलख मैदानी...
कायदा हातात घेण्याची वेळ आणू नकाउस्मानाबाद : आम्ही कायदा हातात घेत नाही, तशी...
साताऱ्यात हरभऱ्याची साडेसत्तावीस हजार...सातारा: हरभऱ्याचा फायदेशीर ठरणारा बिवड तसेच...
जळगाव येथे तुरीला मिळतोय हमीभावापेक्षा...जळगाव ः तुरीचे उत्पादन यायला सुरवात झाली, तरीही...
परभणी, हिंगोलीत सात लाख क्विंटल कापूस...परभणी : राज्य सहकारी कापूस उत्पादक महासंघाच्या...
‘कळमणा बाजार’ निवडणूक जुन्या पणन...नागपूर : येथील कळमणा बाजार समितीच्या निवडणुका...
पाणीटंचाईमुळे आटपाडीतील रब्बी पिके धोक्...सांगली : आटपाडी तालुक्‍यात पाणीटंचाईमुळे रब्बी...
वाशीममध्ये सोयाबीनची झेप ३४००...अकोला : गेल्या काही दिवसांपासून सोयाबीनच्या दरात...
‘निर्यात सुविधा केंद्रा’साठी प्रस्ताव...पुणे : राज्यातून अधिकाधिक शेतमाल निर्यात व्हावा,...
माहिती तंत्रज्ञानाचा वापर 'कृषी'त हवासोलापूर : "शेतकऱ्यांची ज्ञान, तंत्रज्ञान...
यंदाच्या 'उत्कृष्ट आदर्श गावा'विषयी...९ एप्रिलपूर्वीच निवड प्रक्रिया पूर्ण ...
कमी दाबाचे क्षेत्र अरबी समुद्राकडे सरकलेपुणे : उत्तर महाराष्ट्रात असलेले कमी दाबाचे...
सूक्ष्म सिंचन संच न बसविणाऱ्या...ऑनलाइन अर्जाला १५ मार्चपर्यंत मुदतवाढ पुणे :...
चला जालन्याला... ॲग्रोवनच्या कृषी...जालना : शेतकऱ्यांसह सर्वांचीच उत्सुकता लागून...
पीक विमा हप्त्याची रक्कम गेली कुठेअकोला : ‘शासकीय काम, सहा महिने थांब’ अशी एक...