‘पंदेकृवि’तील शिवारफेरीला शेतकऱ्यांचा प्रतिसाद

शिवारफेरीला शेतकऱ्यांचा प्रतिसाद
शिवारफेरीला शेतकऱ्यांचा प्रतिसाद

अकोला  ः डाॅ. पंजाबराव देशमुख कृषी विद्यापीठात शनिवारपासून (ता. २०) शिवार फेरी सुरू झाली आहे. या शिवार फेरीत पहिल्याच दिवशी (शनिवारी) दीड हजारांवर शेतकरी सहभागी झाले. दुसऱ्या दिवशीही (रविवारी) शिवार फेरीत मोठ्या प्रमाणावर शेतकरी सहभागी झाले होते. सेंद्रिय शेती, यंत्रे, कापूस, तेलबिया, ज्वारी, संत्रा-लिंबू संशोधनाच्या प्रक्षेत्रावर प्रामुख्याने शेतकऱ्यांनी गर्दी केली होती.

शिवार फेरीत दुसऱ्या दिवशी अकोला, बुलडाणा, अमरावती जिल्ह्यातील शेतकऱ्यांनी सहभाग घेतला. शिवार फेरीची सुरुवात सेंद्रिय शेतीपासून होते. याठिकाणी शेतकरी तृणधान्य, भरडधान्य, देशी-पारंपरिक पिकांबद्दलची माहिती उत्सुकतेने घेत होते. सोबतच सेंद्रिय शेती संशोधन व प्रशिक्षण केंद्राच्या प्रक्षेत्रावर प्रात्यक्षिकाच्या माध्यमातून कंपोस्ट खत तयार करण्याच्या निरनिराळ्या पद्धती, गांडूळखत प्रकल्प, विविध जिवाणू खते, मुख्यत्वे कचऱ्यापासून उपयुक्त कंपोस्ट तयार करण्यासाठी वापरात आणणारे कचरा कुजविणारे जिवाणू वापराचे प्रात्यक्षिक आदींबाबत शेतकऱ्यांनी माहिती घेतली.

याठिकाणी संशोधन केंद्राचे डाॅ. अादिनाथ पसलावार, डाॅ. विनोद खडसे, परिक्षित शिंगरूप, भारत फरकाडे, अमोल हरणे, अनंता परिहार, आरती गभणे, नेहा काळे, दुर्गा तायडे, अदिती देशमुख, प्रतिक्षा झिमटे यांनी शेतकऱ्यांना माहिती दिली. यांत्रिकीकरण, तेलबिया संशोधन, कापूस संशोधन, ज्वारी, संत्रा-लिंबू संशोधन केंद्रांच्या प्रक्षेत्रावरसुद्धा शेतकऱ्यांनी पाहणीसाठी गर्दी केली. या वेळी आयोजित चर्चासत्रांत कृषी विद्यापीठाच्या तज्ज्ञांनी मार्गदर्शन केले.

आज समारोप शिवार फेरीचा सोमवारी (ता. २२) समारोप होत आहे. या दिवशी यवतमाळ, वर्धा, गडचिरोली जिल्ह्यांतील शेतकरी सहभागी होणार आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com