agriculture news in Marathi, farmers less response for sugar instead of FRP, Maharashtra | Agrowon

एफआरपी बदल्यात साखर घेण्यास थंड प्रतिसाद
टीम अॅग्रोवन
मंगळवार, 12 फेब्रुवारी 2019

कोल्हापूर : उर्वरित एफआरपीच्या बदल्यात साखर घेण्याची तयारी स्वाभिमानी शेतकरी संघटनेने दाखविली असली, तरी उत्पादकांनी मात्र याला थंड प्रतिसाद दिला आहे. दक्षिण महाराष्ट्रातील कोणत्याच कारखान्याकडे शेतकऱ्यांनी साखरेची मागणी न केल्याने हा प्रश्‍न तसा अनुत्तरितच राहिला आहे. 

कोल्हापूर : उर्वरित एफआरपीच्या बदल्यात साखर घेण्याची तयारी स्वाभिमानी शेतकरी संघटनेने दाखविली असली, तरी उत्पादकांनी मात्र याला थंड प्रतिसाद दिला आहे. दक्षिण महाराष्ट्रातील कोणत्याच कारखान्याकडे शेतकऱ्यांनी साखरेची मागणी न केल्याने हा प्रश्‍न तसा अनुत्तरितच राहिला आहे. 

कारखान्यांकडून साखर घेऊन इतरांना विकणे तांत्रिकदृष्ट्या शक्‍य होत नसल्याची सध्याची ऊस पट्ट्यातील स्थिती आहे. यातच काही कारखाने लेखी अर्ज लिहून घेत असल्याचे प्रकार उघडकीस येत असल्याने शेतकऱ्यांनी उर्वरित एफआरपीसाठी वाट पाहणेच पसंत केल्याचे सध्याचे चित्र आहे. स्वाभिमानी आयुक्तालयांकडून उर्वरित एफआरपीच्या बदल्यात साखर देण्याचे आदेश काढून घेण्यात यशस्वी झाली असली तरी, साखर मागणीसाठी मात्र उत्पादकांना तयार करण्यास स्वाभिमानीपुढे मोठ्या अडचणी येत आहेत. एकदा साखर घेतली की ती विकायची कोठे आणि कशी हाही प्रश्‍न आहे. 

उसाचे क्षेत्र मोठे असलेल्या शेतकऱ्यांना उर्वरित रक्कमेच्या बदल्यात मोठ्या प्रमाणात साखर उपलब्ध होणार आहे. परंतु ती कारखान्यांकडून आणने त्याची साठवणूक करणे आणि त्याची विक्री परवडणाऱ्या दरात करणे हे मोठे आव्हान असल्याने उत्पाकांनी साखरेला नापसंती दाखवल्याचे चित्र ऊस पट्ट्यात आहे. कारखान्यांनी आठ दिवसांपूर्वी एकत्र याबाबतचे निवेदन वृत्तपत्रात देण्याचे ठरविले होते. यानुसार काही कारखान्यांनी हे निवेदन प्रसिद्धीसही दिले.

परंतु ज्या तडफेने साखरेची मागणी स्वाभिमानीकडून करण्यात आली तितक्‍याच उत्साहाने शेतकरी कारखान्याकडे साखर मागणी करण्यास धजावत नसल्याने आता ज्या वेळी रकमेची तरतूद होइल तितक्‍याच प्रमाणात उर्वरित हप्ते शेतकऱ्यांना मिळतील, अशी शक्‍यता निर्माण झाली आहे. 

साखर घेणे तांत्रिकदृष्ट्या अशक्‍य
‘‘काही उत्पादकांशी याबाबत संपर्क साधला असता उर्वरित एफआरपीसाठीचा लढा जरी योग्य असला तरी साखर विकत घेताना अनेक अडचणी येणार असल्याने आम्ही उर्वरित रक्कमेसाठी वाट पाहू,’’ असे बहुतांशी उत्पादकांनी सांगितले. जीएसटीसह अन्य अधिभार लावलेली साखर विकत घेणे आणि ती तेवढ्याच दराने विकणे हे अशक्‍य आहे. बाजारातील काही व्यापारी २९०० रुपयांच्या खालीच साखर विकत घेण्यास तयार आहेत. यामुळे तुम्हाला परवडत असेल तर द्या, अशी अटच व्यापाऱ्यांकडून घातली जात असल्याने शेतकरीही तातडीने साखरेची मागणी नोंदवण्यासाठी तयार नाहीत. काही कारखान्यांनी हा व्यवहार कागदावर लिहून घेण्याचे प्रयत्न सुरू केले आहेत. हे झंझटच नको म्हणून ऊस उत्पादक शेतकरी कारखाने देतील त्या पहिल्या हप्त्यावर शांत असल्याचे सध्याचे चित्र आहे. कोणत्याच कारखान्याकडे एखाद्या कारखान्याचा अपवाद वगळता एक ही अर्ज नसल्याचे कारखान्यांच्या सूत्रांनी सांगितले

इतर बातम्या
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
नांदेड, परभणी, हिंगोली, लातूरमध्ये आज...नांदेड : लोकसभेच्या नांदेड, परभणी, हिंगोली...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
‘महाबीज’तर्फे बीजोत्पादनासाठी आगाऊ...जळगाव : आगामी खरिपासाठी सोयाबीन, उडीद, मूग, ताग,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
अवकाळी पावसाने नाशिक जिल्ह्यावर संकटनाशिक : जिल्ह्यात सलग तिसऱ्या दिवशी वादळी...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
पेमेंट न मिळाल्याने वसाकाच्या ऊस...नाशिक : देवळा तालुक्यातील वसंतदादा सहकारी साखर...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...