agriculture news in Marathi, Farmers long march from Nashik, Maharashtra | Agrowon

नाशिकमधून पुन्हा शेतकऱ्यांचा एल्गार
टीम अॅग्रोवन
बुधवार, 7 मार्च 2018

नाशिक : वनजमिनीच्या कायद्याची अंमलबजावणी व्हावी, संपूर्ण कर्जमुक्ती मिळावी, स्वामिनाथन आयोगाच्या शिफारशी लागू कराव्यात, दमणगंगा प्रकल्पात आदिवासी शेतकऱ्यांना न्याय मिळावा, जुनी रेशन कार्ड बदलून मिळावीत, या मागण्यांसाठी राष्ट्रीय किसान सभेने ‘नाशिक ते मुंबई लाँगमार्च आंदोलना’ची हाक दिली आहे. नाशिक येथील सीबीएस चौकातून मंगळवारी (ता.६) लाँगमार्चला प्रारंभ झाला. येत्या १२ मार्चपासून विधान भवनाला बेमुदत घेराव घालण्यात येणार आहे. 

नाशिक : वनजमिनीच्या कायद्याची अंमलबजावणी व्हावी, संपूर्ण कर्जमुक्ती मिळावी, स्वामिनाथन आयोगाच्या शिफारशी लागू कराव्यात, दमणगंगा प्रकल्पात आदिवासी शेतकऱ्यांना न्याय मिळावा, जुनी रेशन कार्ड बदलून मिळावीत, या मागण्यांसाठी राष्ट्रीय किसान सभेने ‘नाशिक ते मुंबई लाँगमार्च आंदोलना’ची हाक दिली आहे. नाशिक येथील सीबीएस चौकातून मंगळवारी (ता.६) लाँगमार्चला प्रारंभ झाला. येत्या १२ मार्चपासून विधान भवनाला बेमुदत घेराव घालण्यात येणार आहे. 

राज्यभरातील आबालवृद्ध शेतकऱ्यांनी सकाळपासूनच गर्दी केली होती. दुपारी १ वाजता सीबीएस चौकात जमण्याचे आवाहन करण्यात आले होते. शेतकरी सकाळी ११ वाजेपासूनच चौकात दाखल होत होते. दुपारी १२ नंतर शहरातील वाहतुकीचे केंद्रस्थान असलेला सीबीएस चौक बंद करण्यात आला.

‘‘दीडपट हमीभाव द्या. सरकारनं लुटलं तेव्हाच ऋण फिटलं. स्वामिनाथन आयोग लागू करा. दुष्काळग्रस्त शेतकऱ्यांना तातडीने मदत करा,’’ या फलकांसह लाल टोप्या घातलेल्या शेतकऱ्यांच्या गर्दीने परिसर फुलून गेला होता. तरुणांसह आबालवृद्ध शेतकरी व महिलांचा उत्स्फूर्त सहभाग होता. तब्बल तीन तास शहरात वाहतुकीची कोंडी झाली होती. ‘‘मोदी सरकार शेतकरीविरोधी, शेतकऱ्यांना हवे घामाचे दाम, शेतकरी एकजुटीचा विजय असो,’’ या घोषणांनी सीबीएस चौक परिसर दुमदुमला. आमदार जे. पी. गावित, आमदार मीनाक्षी पाटील, डॉ. अजित नवले, सुभाष चौधरी, डॉ. अशोक ढवळे, सावळीराम पवार, राजू देसले, किसन गुजर, सुनील मालुसरे यांनी लाँगमार्चचे नेतृत्व केले. 

आता शेतकऱ्यांच्या पोरांचा कट्टरवाद दिसेल
राष्ट्रीय किसान सभेचे सरचिटणीस डॉ. अजित नवले म्हणाले, की देशाने आतापर्यंत जाती व धर्माच्या नावाने कट्टरवाद पाहिला आहे. सरकार शेतकऱ्यांच्या प्रश्‍नांकडे सातत्याने दुर्लक्ष करीत आहे. त्याचा उत्स्फूर्त उद्रेक म्हणून हजारो, लाखो शेतकरी पुन्हा रस्त्यावर उतरले आहे. हे शेतकरी विधानभवनाला घेराव घालून सरकारला जाब विचारणार आहेत. शेतकऱ्यांच्या मागण्या आताही मान्य न झाल्यास देश शेतकऱ्यांच्या पोरांचा कट्टरवाद बघेल. शेतकऱ्यांच्या हक्कासाठी आता आरपारची लढाई लढण्यासाठीच आम्ही मैदानात उतरलो आहोत.

विधानभवनाला घेराव घालणार
‘‘केंद्र व राज्य सरकारच्या शेतकरीविरोधी भूमिकेमुळे आधीच अडचणीत असलेला शेतकरी अधिक संकटात ढकलला जात आहे. शेतकऱ्यांच्या विविध मागण्या यापूर्वीही शासनाकडे मांडण्यात आल्या आहेत. मात्र, सरकारने त्याकडे दुर्लक्षच केले आहे. अस्वस्थ झालेला शेतकरी आता गप्प बसणार नाही. शोषण सहन करण्यापेक्षा लढून मरण्याचे शेतकऱ्यांनी ठरविले आहे. शेतकऱ्यांचा संताप हा उत्स्फूर्त आहे. सरकारने आता शेतकऱ्यांचा अंत पाहू नये. वन जमिनीच्या हक्कासह संपूर्ण कर्जमुक्ती, स्वामिनाथन आयोगाची अंमलबजावणी या किसान सभेच्या मुख्य मागण्या आहेत. या मागण्यांसाठीच येत्या १२ मार्चला मुंबईला लाँगमार्च पोहोचल्यानंतर विधानभवनाला बेमुदत घेराव घालण्यात येईल. मागण्या मान्य होईपर्यंत घेराव मागे घेतला जाणार नाही,’’ असे आमदार जीवा गावित यांनी सांगितले. या वेळी झालेल्या सभेत आपल्या हक्काची लढाई निकराने लढण्याचे आवाहन करण्यात आले.

इतर अॅग्रो विशेष
दुष्काळ निधीच्या याद्यांच्या नावे महसूल...जळगाव ः खानदेशात दुष्काळ निधीसंबंधी जिल्हा...
मराठवाड्याच्या घशाला कोरडऔरंगाबाद : मराठवाड्यातील पाणीसाठ्यांची...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
देशी गाईंचा दूध व्यवसाय ठरला फायदेशीरगेल्या तीन वर्षांपासून शेतकऱ्यांकडून देशी गाईचे...
'उगम' करतेय शेती, पर्यावरण अन्‌...गेल्या बावीस वर्षांपासून शाश्वत ग्रामीण...
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
शेतीतूनच होते औद्योगिक विकासाची पायाभरणीची नमधील कम्युनिस्ट पक्षाच्या राज्यकर्त्यांनी...
कसा टळेल मानव-वन्यप्राणी संघर्ष? अलीकडे वन्यप्राण्यांकडून शेतपिकांचे होणारे नुकसान...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
पंधरा एकरांत उत्कृष्ठ हरभरा नंदुरबार जिल्ह्यातील ब्राह्मणपुरी (ता. शहादा)...
विविध प्रयोगांमधून वाढवले उत्पन्नाचे...यवतमाळ जिल्ह्यातील अंबोडा येथील महेश व दीपक या...
परभणीतील शेतकऱ्यांचे कोल्हापुरात आंदोलनकोल्हापूर ः परभणी जिल्ह्यातील नुकसानग्रस्त...
किमान विक्री मूल्यवाढीने साखर उद्योगात...कोल्हापूर : साखरेचे किमान विक्री मूल्य २९००...
जन्मोजन्मी दास । व्हावे हेचि माझी आस ।।जन्मोजन्मी दास । व्हावे हेचि माझी आस ।। पंढरीचा...
शहीद जवानांच्या कुटुंबीयांना प्रत्येकी...तासगाव, जि. सांगली ः छत्रपती शिवाजी महाराज, डॉ....