agriculture news in Marathi, farmers not selling agri products in procurement centers, Maharashtra | Agrowon

हमीभाव खरेदी केंद्राकडे शेतकऱ्यांची पाठ
सकाळ वृत्तसेवा
बुधवार, 13 डिसेंबर 2017

औसा, जि. लातूर ः तालुक्‍यात शासनाच्या कृषी व पणन मंडळाच्या सहकार्याने सुरू झालेल्या हमीभाव केंद्राकडे शेतकऱ्यांनी पाठ फिरविली असून, खरिपाचे मुख्य पीक असलेल्या सोयाबीनची २४ दिवसांत केवळ २ हजार ८२ क्विंटलची खरेदी झाली आहे. याउलट बाजारपेठेतील आवक मात्र गेल्यावर्षीपेक्षा दुप्पट होण्याच्या मार्गावर आहे.

औसा, जि. लातूर ः तालुक्‍यात शासनाच्या कृषी व पणन मंडळाच्या सहकार्याने सुरू झालेल्या हमीभाव केंद्राकडे शेतकऱ्यांनी पाठ फिरविली असून, खरिपाचे मुख्य पीक असलेल्या सोयाबीनची २४ दिवसांत केवळ २ हजार ८२ क्विंटलची खरेदी झाली आहे. याउलट बाजारपेठेतील आवक मात्र गेल्यावर्षीपेक्षा दुप्पट होण्याच्या मार्गावर आहे.

गेल्यावर्षी पावसामुळे सोयाबीनचे बम्पर उत्पादन होऊनही ते काळे पडल्याने अतिशय कमी भावात विक्री करावी लागली. यंदाही कमी भावामुळे शेतकरी भरडला जात असल्याने मागणीप्रमाणे उशिरा का होईना शासनाचे हमीभाव केंद्र २४ नोव्हेंबरपासून सुरू झाले; परंतु २४ दिवस उलटूनही शेतकऱ्यांचा ओढा या केंद्राकडे दिसत नाही.

यात एक तर हे केंद्र खूप उशिराने सुरू झाले. त्यामुळे अडचणीतल्या शेतकऱ्यांनी बाजारपेठेत उडीद-मुगासारखेच मिळेल त्या भावात सोयाबीचीही विक्री करून अडचण भागविली; तसेच शासनाने आयात तेलावरील टॅक्‍स वाढविल्याने खुल्या मार्केटमध्ये सोयाबीनचे भाव वाढले.

ज्यांच्याकडे सोयाबीन शिल्लक आहे अशा काही मोठ्या शेतकऱ्यांनी आणखी भाव वाढतील या आशेवर आपला माल बाजारपेठेत आणला नाही. औसा कृषी उत्पन्न बाजार समितीच्या अडत बाजारातील आजचा सोयाबीनचा लिलाव झालेला भाव २ हजार ८५४ ते २ हजार ९२१ आहे. शिवाय आजमितीला गतवर्षी ९६ हजार ४१८ क्विंटल असणारी आवक यावर्षी दीड पटीहून अधिक १ लाख ५४ हजार ७५५ क्विंटल झाली आहे. तर बाजूलाच असलेल्या औसा तालुका खरेदी-विक्री संघाच्या हमीभाव केंद्रात सोयाबीनची २ हजार ८२ खरेदी, उडीद २ हजार ८५८ क्विंटल व मुगाची खरेदी ४७४ क्विंटल झाली आहे.

यावरून ऑनलाइन खरेदीच्या कागदपत्रांची पूर्तता, मालाच्या ग्रेडची झंझट हे सर्व व्यापारीवर्ग करू शकतात तसे शेतकऱ्यांना जमत नसल्याने त्यांनी याकडे पाठ फिरविल्याचे दिसत आहे.

इतर बातम्या
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
आज शिवजयंती : शिवनेरीवर पारंपारिक...पुणे : फाल्गुन वद्य तृतीया या तिथीनुसार आज (ता....
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
अतितीव्र हवामानस्थितीला कर्बाचे वाढते...पुणे : वातावरणातील कार्बनडाय ऑक्साईडचे (कर्ब)...
म्हसवडच्या छावणीतील झोपड्यांत...म्हसवड, जि. सातारा : भीषण दुष्काळामुळे चारा व...
`बोकटेतील बंधाऱ्यात पाणी सोडा`नाशिक : येवला, मनमाड व ३८ गावे पाणीपुरवठा...
सांगलीतील प्रकल्पांत अवघा ११ टक्के...सांगली ः ऐन उन्हाळ्याच्या तोंडावर जिल्ह्यातील लघु...
निवडणूक काळातही मिळणार ‘सन्मान'नागपूर  : शेतकऱ्यांना वर्षाला सहा हजार रुपये...
काटोल पोटनिवडणुकीला अंतरिम स्थगिती नागपूर : काटोल विधानसभा पोटनिवडणुकीला मुंबई उच्च...
मातेरेवाडीत द्राक्षबाग कोसळून लाखोंचे...नाशिक : दिंडोरी तालुक्यातील मातेरेवाडी येथील...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
‘पोक्रा’आचारसंहितेच्या कचाट्यातनांदुरा, जि. बुलडाणा : नानाजी देशमुख कृषी संजीवनी...
नगर जिल्ह्यात टॅंकरचा आकडा...नगर : गतवर्षी पावसाने दडी मारल्याने जिल्ह्यात...
मराठवाड्यात २९ लाख जनता टॅंकरवर अवलंबून औरंगाबाद : मराठवाड्यातील २९ लाख ७२ हजार ५५२...
कृष्णा खोऱ्यात पाणी देण्यासाठी...कोयनानगर, जि. सातारा ः शासनाने कोयना धरणाच्या...
दिव्‍यांग मतदारांना केंद्रावर मूलभूत...पुणे ः मतदान केंद्रावर दिव्‍यांग मतदारांना (पीपल...
परभणीत कैरी प्रतिक्विंटल ३००० ते ४५००...परभणी ः येथील पाथरी रस्त्यावरील फळे भाजीपाला...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
। तुका म्हणे कान्हा । भूक लागली नयनां ।।देहू : तुकाराम तुकाराम...असा नामघोष आणि...