Agriculture News in Marathi, Farmers organization agitation, solapur district | Agrowon

सोलापुरात ऊसदराच्या आंदोलनाची धग कायम
टीम अॅग्रोवन
मंगळवार, 21 नोव्हेंबर 2017
सोलापूर ः प्रशासन, कारखानदार यांच्याकडून अद्याप कोणताच तोडगा निघत नसल्याने सोलापूर जिल्ह्यातील ऊसदराचा प्रश्‍न वरचेवर पेटतच चालला आहे. सोमवारी (ता.२०) पुन्हा ऊसदराच्या या आंदोलनाची धग कायम राहिली. पंढरपूर, माढा, मोहोळ, बार्शी, उत्तर सोलापुरात ठिकठिकाणी शेतकरी संघटनांनी रास्ता-रोको करुन सरकारचा निषेध केला.
 
जनहित शेतकरी संघटनेने आक्रमक होत सहकारमंत्री सुभाष देशमुख यांच्या बीबीदारफळ येथील लोकमंगल साखर कारखान्याच्या गव्हाणीवरच ठिय्या मांडल्याने कारखान्याचे गाळप बंद पडले. प्रसंगी वातावरणही तणावपूर्ण झाले.
 
सोलापूर ः प्रशासन, कारखानदार यांच्याकडून अद्याप कोणताच तोडगा निघत नसल्याने सोलापूर जिल्ह्यातील ऊसदराचा प्रश्‍न वरचेवर पेटतच चालला आहे. सोमवारी (ता.२०) पुन्हा ऊसदराच्या या आंदोलनाची धग कायम राहिली. पंढरपूर, माढा, मोहोळ, बार्शी, उत्तर सोलापुरात ठिकठिकाणी शेतकरी संघटनांनी रास्ता-रोको करुन सरकारचा निषेध केला.
 
जनहित शेतकरी संघटनेने आक्रमक होत सहकारमंत्री सुभाष देशमुख यांच्या बीबीदारफळ येथील लोकमंगल साखर कारखान्याच्या गव्हाणीवरच ठिय्या मांडल्याने कारखान्याचे गाळप बंद पडले. प्रसंगी वातावरणही तणावपूर्ण झाले.
 
स्वाभिमानी शेतकरी संघटनेसह रयत क्रांती संघटना, बळीराजा शेतकरी संघटना, जनहित शेतकरी संघटना या आंदोलनात चांगल्याच आक्रमक झाल्या आहेत. गेल्या दोन दिवसात पंढरपुरात आंदोलनाची तीव्रता मोठ्या प्रमाणात वाढली आहे. सोमवारीही अनेक भागात शेतकरी रस्त्यावर आले.
 
पंढरपुरातील कोर्टी, सोनके परिसरात ऊस वाहतूक करणाऱ्या ट्रॅक्‍टरमधील हवा सोडण्याचे प्रकार घडले. अनेक गाड्यांचे टायरही फोडण्यात आले. रयत क्रांती संघटना आणि महाराष्ट्र नवनिर्माण सेनेने पेनूर (ता.मोहोळ) येथे सकाळी अकराच्या सुमारास रास्ता-रोको केला. दीपक भोसले, मनसेचे दिलीप धोत्रे यांच्या नेतृत्वाखाली हे आंदोलन झाले. 
 
दुसरीकडे बार्शी-कुर्डुवाडी रस्त्यावर सकाळी दहा वाजता शेतकऱ्यांनी रस्ता अडवून चक्का जाम आंदोलन केले. वामन उबाळे, हर्षल बागल यांनी त्याचे नेतृत्व केले. याच भागातील म्हैसगाव, भोसरे गटातील शेतकऱ्यांनी ऊसतोड बंद ठेवण्याचा निर्णय घेतला आहे. या आंदोलनामुळे सुमारे पाच किलोमीटरपर्यंत वाहनाच्या रांगा दोन्ही बाजूंनी लागल्या. बार्शी तालुक्‍यातील उस्मानाबाद रस्त्यावरही शेंद्री येथे स्वाभिमानी शेतकरी संघटनेने रास्ता-रोको आंदोलन केले. याच ठिकाणी शेंद्रीनजीक एक एसटीही  फोडली.
 
 ऊसदर मी एकटा ठरवू शकत नाही ः सहकारमंत्री
स्वाभिमानी शेतकरी संघटनेचे जिल्हाध्यक्ष समाधान फाटे, नवनाथ माने, चंद्रकांत बागल यांनी गेल्या नऊ दिवसांपासून पंढरपुरात बेमुदत उपोषण सुरू केले आहे. त्यांची प्रकृती वरचेवर खालावतच चालली आहे. रविवारी (ता.१९) दुपारी सहकारमंत्री देशमुख यांनी उपोषणस्थळी भेट देऊन त्यांना उपोषण मागे घेण्याची विनंती केली.
 
तसेच ‘‘उसाचा दर मी एकटा ठरवू शकत नाही, कारखानदारांशी बोलून, तो ठरवावा लागेल,'' अशी प्रतिक्रिया त्यांनी दिली. तसेच पालकमंत्री विजयकुमार देशमुख हे यामध्ये लक्ष घालतील, तसे बोलणे झाले आहे, असेही ते म्हणाले. पण त्यांच्या या वक्तव्यामुळे शेतकऱ्यांतून नाराजी व्यक्त होत आहे. 
 
   बसेस फोडण्याचे प्रकार वाढले
ऊसदराच्या या आंदोलनामुळे गेल्या दोन-तीन दिवसांत एसटी बसेस फोडण्याचे प्रकार वाढले आहेत. विशेषतः पुणे, सातारा मार्गावर या घटना सर्वाधिक घडल्या आहेत. त्यामुळे एस. टी. प्रशासनाने या मार्गावरील सर्व एसटी बसेसची वाहतूक सेवा बंद केली आहे. 
 
   'उसाला २७०० रुपये दर द्या'
सहकारमंत्री सुभाष देशमुख यांनी स्वतः या प्रश्‍नावर तोडगा काढण्याची आवश्‍यकता असताना, ते काहीच हालचाल करत नाहीत, जोपर्यंत ऊसाला २७०० रुपयांचा दर मिळत नाही, तोपर्यंत आम्ही माघार घेणार नाही, असे सांगत जनहित शेतकरी संघटनेचे प्रभाकर देशमुख आणि त्यांच्या कार्यकर्त्यांनी सोमवारी थेट बीबीदारफळ येथील सहकारमंत्री सुभाष देशमुख यांच्या लोकमंगल साखर कारखान्याच्या गव्हाणीवर ठिय्या मारुन कारखान्याचे गाळप बंद पाडले.

फोटो गॅलरी

इतर ताज्या घडामोडी
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
नगर बाजारात तूर प्रतिक्विंटल ४४०० ते...नगर ः नगर कृषी उत्पन्न बाजार समितीत तुरीची आवक...
सोयाबीन दरात काही अंशी तेजीचा अंदाजनागपूर ः सोयाबीन दरात आलेली तेजी शेतकऱ्यांना...
जळगावात चवळी, कारल्याचे दर टिकूनजळगाव ः कृषी उत्पन्न बाजार समितीमध्ये मागील...
हळद पॉलिश, प्रतवारी महत्त्वाचीलोखंडी ड्रममधून शिजवलेली हळद २० ते ३० मिनिटांसाठी...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
नाचणी बीजोत्पादक शेतकऱ्यांना पन्हाळ्यात...कोल्हापूर : पन्हाळा तालुक्यात आत्माच्या...
गोदावरी दूध संघ शेतकऱ्यांसाठी ठरला ‘...नगर : ‘‘गोदावरी खोरे नामदेवराव परजणे पाटील तालुका...
परभणी, हिंगोलीतील सिंचनासाठीच्या...परभणी : परभणी आणि हिंगोली जिल्ह्यात २०१७-१८...
खरीप नुकसानीच्या मदतीसाठी शेतकऱ्यांच्या...सोलापूर : गतवर्षीच्या २०१८ च्या खरीप हंगामात...