बेळगावात संतप्त कांदा उत्पादकांची जोरदार निदर्शने

बेळगावात संतप्त कांदा उत्पादकांची जोरदार निदर्शने
बेळगावात संतप्त कांदा उत्पादकांची जोरदार निदर्शने

बेळगाव, कर्नाटक : कर्नाटकातील  हुबळी - धारवाड, बंगळूर आणि महाराष्ट्रात कांद्याचे दर चांगले असताना बेळगाव कृषी उत्पन्न बाजार समितीच्या (एपीएमसी) आवारात कमी दराने खरेदी सुरु असल्याच्या निषेर्धात आज (ता.24) जोरदार निदर्शने केली. तसेच गेटबंद आंदोलन करत टायर पेटवून निषेध नोंदविला.  शेतकऱ्यांच्या म्हणण्यानुसार हुबळी - धारवाड, बंगळूर व महाराष्ट्रात सोलापूरमध्ये सरासरी 2 हजार रुपये प्रतिक्विंटल कांद्याचे दर आहे. यातुलनेत बेळगावात प्रतिक्विंटल सहाशे ते आठशे रुपये कमी दराने खरेदी केली केली जात आहे. अन्यत्र चांगले दर मिळत असताना केवळ बेळगावात कांद्याचे दर कमी का, असा प्रश्‍न करत शेतकऱ्यांनी आंदोलन हाती घेतले. दुपारी एक वाजण्याच्या सुमारास एपीएमसीजवळ शेतकरी जमले आणि त्याठिकाणी आंदोलन सुरु केले. शेतकऱ्यांच्या आंदोलनाला प्रतिसाद मिळत गेल्यानंतर गेटबंद आंदोलन सुरु केले. शेकडो शेतकऱ्यांनी आंदोलनात भाग घेतला. काहींनी टायर पेटवून निदर्शने केली. त्यामुळे गोंधळ उडाला. आंदोलनात जिल्ह्यातील शेतकऱ्यांनी भाग घेतला होता. 

वाल्मिकी जयंती असल्याने शहरात मिरवणूक होती. त्यासाठी पोलिस बंदोबस्त होता. तसेच सांबरा विमानतळावर महाराष्ट्राचे मुख्यमंत्री देवेंद्र फडवणवीस यांचे आगमन होणार होते. त्या ठिकाणीही पोलिस बंदोबस्त होता. पण, अचानक शेतकऱ्यांचे आंदोलन सुरु झाल्याने पोलिसांची तारांबळ उडाली. आंदोलन ठिकाणी पोलिस कुमक वाढवली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com