संग्रहित छायाचित्र
संग्रहित छायाचित्र

नगरमधील ४३३८ शेतकऱ्यांची शेतीमाल विक्रीसाठी ऑनलाइन नोंदणी

नगर  ः आधारभूत किमतीने मूग, उडीद, सोयाबीनची खरेदी करण्यासाठी शासनाने ऑनलाइन नोंदणी सुरू केली आहे. पहिल्या टप्प्यात जिल्ह्यामध्ये कालावधी कमी पडल्याने अनेक शेतकऱ्यांना ऑनलाइन नोंदणी करता आली नाही. त्यामुळे पंधरा दिवसांचा कालावधी वाढवून देण्यात आला. मात्र वाढलेल्या कालावधीतही पुरेसा प्रतिसाद मिळताना दिसत नाही. आतापर्यंत मूग, उडीद, सोयाबीनसाठी मिळून ४३३८ शेतकऱ्यांनी ऑनलाइन नोंदणी झाल्याचे सांगण्यात आले. आता तातडीने खरेदी केंद्रे सुरू करण्याची मागणी होत आहे.

शेतकऱ्यांच्या शेतीमालाची हमीभावानुसार खरेदी करणे बंधनकारक असताना व्यापारी मात्र मालाचा दर्जा चांगला नसल्याचे कारण पुढे करत हमीभावाने शेतीमाल खरेदी करत नसल्याचे चित्र आहे. त्यामुळे मूग, उडीद, सोयाबीनसह अन्य शेतीमालाची हमीभावाने खरेदी व्हावी यासाठी शासनाने खरेदी केंद्रे सुरू करण्याची मागणी केली जात होती.

जिल्हा मार्केटींग फेडरेशनने कृषी विभागाकडून उत्पादनाच्या शक्‍यतेची माहिती घेऊन खरेदी केंद्रे सुरू करण्याचे वरिष्ठांना कळवले होते. त्यानुसार कर्जत, जामखेड, नगर, नेवासा, राहाता, राहुरी, पारनेर, श्रीरामपूर, श्रीगोंदा, नेवासा येथे २५ सप्टेंबरपासून ऑनलाइन नोंदणी सुरू करण्यात आली. नोंदणीसाठी पंधरा दिवसांचा अवधी दिलेला असताना प्रत्यक्षात बुधवारपासून (ता. ३) नगरमध्ये नऊ ठिकाणी ऑनलाइन नोंदणी सुरू झाली आहे.

काही ठिकाणी तर ५ तारखेपासून नोंदणी सुरू झाली. प्रत्यक्षात मात्र नऊ दिवस उशिरा नोंदणी सुरू झाली. त्यातही संकेतस्थळ सुरू होण्याला अडचणी येत असल्याने अनेक शेतकऱ्यांना नोदणी करता आली नाही. त्यामुळे नोंदणीची मुदत वाढवून ती २४ ऑक्‍टोबरपर्यंत वाढवण्यात आली. नगर जिल्ह्यामध्ये आतापर्यंत ४३३८ शेतकऱ्यांनी ऑनलाइन नोंदणी केली आहे. नोंदणीसाठी अजून आठ दिवसांचा कालावधी आहे. नोंदणी करून घेतली जात असली तरी अजून कोठेही खरेदी केंद्रे सुरू झालेली नाहीत. अजून साधारण आठ दिवस तरी केंद्रे सुरू होण्याला अवधी लागण्याची शक्‍यता आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com