agriculture news in marathi, Farmers return the award | Agrowon

पशुपालकांनी केली पुरस्कार वापसी
टीम अॅग्रोवन
गुरुवार, 22 फेब्रुवारी 2018

अमरावती : पशुवैद्यकीय अधिकारी मुख्यालयी राहत नसल्याने आजारी जनावरांवर उपचार होत नाही. यामुळे जनावरे दगावल्याचा आरोप करीत आठ पशुपालकांनी त्यांना उत्कृष्ट पशुपालनासाठी मिळालेले पुरस्कार परत केले.

अमरावती : पशुवैद्यकीय अधिकारी मुख्यालयी राहत नसल्याने आजारी जनावरांवर उपचार होत नाही. यामुळे जनावरे दगावल्याचा आरोप करीत आठ पशुपालकांनी त्यांना उत्कृष्ट पशुपालनासाठी मिळालेले पुरस्कार परत केले.

चांदूर बाजार येथील पंकज ऊर्फ गुड्डू मिश्रा यांच्याद्वारे देशी गोवंशाचे व्यवस्थापन होते. गेल्या दहा वर्षांपासून त्यांचे या व्यवसायात सातत्य असून जनावरांच्या उत्कृष्ट व्यवस्थापनासाठी त्यांना अनेक स्पर्धांमध्ये गौरविण्यात आले आहे. परंतु स्थानिक पशुसंवर्धन अधिकाऱ्यांच्या असहकार्यामुळे शेती उपयोगी जोडधंद्याला खीळ बसत असल्याचा आरोप गुड्डू मिश्रा यांनी केला आहे. पशुसंवर्धन अधिकारी शासनाकडून घरभाडे भत्ता घेतात, मात्र नियुक्‍ती असलेल्या गावात राहत नाही. याचा फटका गुड्डू मिश्रा यांच्यासह अनेक पशुपालकांना बसला.  

याविरोधात आठ पशुपालकांनी त्यांना मिळालेले पुरस्कार मंगळवारी (ता. २०) परत केले. सुरवातीला अमरावती विभागीय आयुक्‍त पीयूष सिंह यांच्याकडे ते पुरस्कार घेऊन गेले. परंतु आपल्या कार्यकक्षेत हे येत नसल्याचे सांगत या पशुपालकांना जिल्हा परिषद मुख्य कार्यकारी अधिकाऱ्यांकडे जाण्याचा सल्ला विभागीय आयुक्‍तांनी दिला. त्यानुसार जिल्हा परिषदेचे मुख्य कार्यकारी अधिकारी अहमद यांच्याकडे हे पशुपालक गेले.

श्री. अहमद यांनी जिल्हा परिषदेचे पशुसंवर्धन अधिकारी डॉ. राहाटे यांना बोलावले. परंतु पशुवैद्यकीय अधिकारी मुख्यालयी राहत नसल्याची बाब मानण्यास डॉ. रहाटे तयार नसल्याने यावेळी चांगलाच वाद झाला. अखेरीस पशुपालकांनी तेथेच पुरस्कार व त्यांना मिळालेले बक्षिसाचे ७० हजार रुपयांच्या रकमेचे धनादेश ठेवले आणि कक्ष सोडला.

यांनी केली पुरस्कार वापसी
पंकज मिश्रा, कांताप्रसाद मिश्रा, सोनिया मिश्रा, इमरान खान मुर्तजा खान, जीवन देशमुख, योगेश देशमुख, मनीष गणेशपुरे, नरेंद्र निर्मळ यांचा पुरस्कार परत करणाऱ्यांमध्ये समावेश आहे. दरम्यान पशुपालकांनी वाद घातल्याचा आरोप करीत पशुसंवर्धन अधिकारी डॉ. रहाटे यांनी पोलिसांत तक्रार दिल्याचे वृत्त आहे.

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...