agriculture news in marathi, Farmers to sale grapes by their own in Nashik | Agrowon

शिवडी, सारोळे गावे करणार स्वत:च रोख द्राक्ष विक्री
टीम अॅग्रोवन
बुधवार, 28 फेब्रुवारी 2018

शिवडी, जि. नाशिक  : द्राक्ष उत्पादकांना द्राक्षमालाचे पैसे रोखीने मिळत नाहीत. व्यापारी पलायनाचा विदारक अनुभव जिल्ह्याला आहे. यावर उपाय योजण्यासाठी शिवडी येथील द्राक्ष उत्पादकांनी स्वत:चा द्राक्षमाल रोखीनेच विक्री करण्याची शपथ घेतली आहे. आपल्या मालाच्या रोख विक्रीचा हा ‘शिवडी पॅटर्न’ इतरही गावांनी अवलंबावा, अशी अपेक्षा व्यक्त केली असतानाच मंगळवारी (ता. २७) सारोळे खुर्द येथील ग्रामसभेत रोख विक्रीसह अडत न देण्याबाबत ठराव करण्यात आला. आज, बुधवारी (ता. २८) उगाव येथे सकाळी ९ वाजता याच विषयावर ग्रामसभेचे आयोजन करण्यात येत आहे.  

शिवडी, जि. नाशिक  : द्राक्ष उत्पादकांना द्राक्षमालाचे पैसे रोखीने मिळत नाहीत. व्यापारी पलायनाचा विदारक अनुभव जिल्ह्याला आहे. यावर उपाय योजण्यासाठी शिवडी येथील द्राक्ष उत्पादकांनी स्वत:चा द्राक्षमाल रोखीनेच विक्री करण्याची शपथ घेतली आहे. आपल्या मालाच्या रोख विक्रीचा हा ‘शिवडी पॅटर्न’ इतरही गावांनी अवलंबावा, अशी अपेक्षा व्यक्त केली असतानाच मंगळवारी (ता. २७) सारोळे खुर्द येथील ग्रामसभेत रोख विक्रीसह अडत न देण्याबाबत ठराव करण्यात आला. आज, बुधवारी (ता. २८) उगाव येथे सकाळी ९ वाजता याच विषयावर ग्रामसभेचे आयोजन करण्यात येत आहे.  

शिवडी येथे झालेल्या ग्रामसभेत ग्रामस्थांनी एकमुखी ठराव करत संघटन अधिक व्यापक करण्याची मोहीमच उघडली आहे. व्यापारी अत्यल्प बाजारभावावर उधारीवर खरेदी करतो अन् व्यापारात तोटा आल्याचे सांगत ठरलेला बाजारभावही कमी करतो. जिल्ह्यात द्राक्ष व्यापाऱ्यांकडून वापसीच्या नावाखाली द्राक्ष उत्पादकाला दोन टक्के कपात करत पैसे दिले जातात. याबाबत आता द्राक्ष उत्पादक युवा पिढीने यावर उपाय योजण्यासाठी नियमावली करण्याचे निश्‍चित केले असून, शिवडी येथील द्राक्ष उत्पादक शेतकऱ्यांची बैठक झाली.

याप्रसंगी सरपंच गणपत क्षीरसागर, माजी सरपंच प्रमोद क्षीरसागर, भगीरथ शिंदे, नामदेव दौंड, शिवाजी क्षीरसागर, माणिक क्षीरसागर, भाऊसाहेब बोरसे, हनुमंत जेऊघाले, वाळू क्षीरसागर, सहादू क्षीरसागर, भास्कर क्षीरसागर, दामू क्षीरसागर आदींसह द्राक्ष उत्पादक उपस्थित होते. प्रस्ताविकात ॲड. रामनाथ शिंदे यांनी जिल्ह्यात द्राक्ष उत्पादन कमी असून सांगली, जालना, कसमादे यांसारख्या ठिकाणी व्यापारी रोख स्वरूपात द्राक्षमालाचे पैसे कोणतीही कपात न करता अदा करतात, असे स्पष्ट करून बैठकीचा उद्देश सांगितला. महेश क्षीरसागर यांनी सांगली, जालना भागांत संबंधित व्यापाऱ्याने कोणतीही कपात न करता रोख पैसे दिले नाही तर द्राक्षमाल शेतातून नेऊ दिला जात नाही. सर्व शेतकरी संघटित असल्याने द्राक्षमालाचे पैसे रोख मिळतात असे स्पष्ट केले.

नवनाथ शिंदे यांनी द्राक्ष व्यापारी पॅकिंगपासून तर बाजारपेठेत जाईपावेतोचा खर्च शेतकऱ्यांच्या माथी मारत असून, ही बाब चुकीची असल्याचे निदर्शनास आणून दिले. त्याचबरोबर प्रवीण क्षीरसागर, माजी सरपंच भगीरथ शिंदे, माजी चेअरमन नामदेव दौंड आदींनी द्राक्ष व्यापार व बाजारपेठेत मिळणारे बाजारभाव शेतकऱ्यांची फसवणूक आदींवर मनोगतातून संघटित होण्याची गरज व्यक्त केली. या वेळी सर्व ग्रामस्थ व शेतकऱ्यांनी एकजुटीने द्राक्षमाल रोख स्वरूपात कोणतीही कपात न करता घेणाऱ्या व्यापाऱ्यास विक्री करण्याचा ठराव एकमताने मांडला. त्यास सर्वच द्राक्ष उत्पादकांनी पाठिंबा व्यक्त केला. याबाबत गावागावात जनजागृती करण्याचेही निश्‍चित केले. याप्रसंगी शेतकरी उपस्थित होते.

सारोळे खुर्दच्या ग्रामसभेतील रोख विक्रीचे ठराव

  • रोख पेमेंट असल्याशिवाय व्यवहार करणार नाही.
  • १ ते २ टक्के वापसी किंवा अडत वसूल करू देणार नाही
  • चेक किंवा आरटीजीएसच्या व्यवहारात कटती करू नये
  • ठरल्यानंतरही भाव पाडून मागणाऱ्यांशी व्यवहार करू नये
  • व्यापाऱ्यांकडील आधार कार्ड, पॅन कार्डची खातरजमा करा

नाशिकच्या सर्व गावांत होणार ठराव
शिवडी, सारोळे खुर्द पाठोपाठ आज (ता. २८) उगाव येथे सकाळी ९ वाजता याच विषयावर ग्रामसभा होत आहे. या सभेत आपला शेतीमालाच्या रोख विक्रीबाबत ठराव करण्यात येणार आहे. व्यापाऱ्यांकडून वेगवेगळ्या क्‍लृप्त्या लढवून दर पाडले जात असताना त्या विरोधात शेतकरी एकत्र येत आहेत. नाशिक जिल्ह्यातील सर्व गावांमध्ये विशेष ग्रामसभेतून याबाबत ठराव केले जाणार आहे. राज्य द्राक्ष बागायतदार संघाच्या मार्फत याबाबत जनजागृती करण्यात येणार आहे. द्राक्ष व्यवहारातील फसवणूक टळावी तसेच रोख दर मिळावे, यासाठी सर्व द्राक्ष उत्पादकांनी आपापल्या गावात एकत्र यावे. असे आवाहन द्राक्ष बागायतदार संघाच्या मध्यवर्ती विज्ञान समितीचे अध्यक्ष कैलास भोसले यांनी केले.

दोन टक्के कपात चुकीची
जिल्ह्यात द्राक्षमालाचा व्यवहार करताना प्रथम रोख पेमेंटची बोली होते. एक-दोन दिवस पेमेंट रोख दिले जाते, नंतर आजचे उद्या असे करत पेमेंट थकविले जाते. अनेक दिवस थकविल्यानंतर शेतकऱ्यांना पैसे देताना एकूण रकमेच्या दोन टक्के कपात करून पैसे देऊ करतात. एकटाच शेतकरी नाइलाजाने ते सहन करतो; मात्र यावर पायबंद घालण्यासाठी शिवडीकरांनी नवीन क्रांतीची मशाल पेटविली आहे.
- प्रमोद क्षीरसागर, द्राक्ष उत्पादक शेतकरी
 

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...