agriculture news in marathi, farmers sends goats and sheep in tomato farm | Agrowon

वाजत-गाजत, फीत कापून उभ्या पिकात सोडल्या शेळ्या
सूर्यकांत नेटके
सोमवार, 16 एप्रिल 2018

नगर : हजारो रुपये खर्च करून उत्पादन घेतले, परंतु झालेला खर्च निघेल एवढाही दर मिळत नाही. सरकारही दखल घेत नसल्याने सिरसगाव (ता. श्रीरामपूर) येथील नितीन गवारे या शेतकऱ्याने रविवारी (ता. १५) पत्रिकाछापून, वाजत-गाजत आणि फित कापून सरभारच्या भूमिकेचा निषेध करत टॉमॅटोच्या पिकांत शेळ्या-मेंढ्या साेडल्‍या. परिसरातील सुमारे तीनशेच्या जवळपास शेतकरी या वेळी उपस्थित होते. याआधी कोंबी, फ्लावरचे पीकही त्यांनी जनावरांना खाऊ घातले आहे.

नगर : हजारो रुपये खर्च करून उत्पादन घेतले, परंतु झालेला खर्च निघेल एवढाही दर मिळत नाही. सरकारही दखल घेत नसल्याने सिरसगाव (ता. श्रीरामपूर) येथील नितीन गवारे या शेतकऱ्याने रविवारी (ता. १५) पत्रिकाछापून, वाजत-गाजत आणि फित कापून सरभारच्या भूमिकेचा निषेध करत टॉमॅटोच्या पिकांत शेळ्या-मेंढ्या साेडल्‍या. परिसरातील सुमारे तीनशेच्या जवळपास शेतकरी या वेळी उपस्थित होते. याआधी कोंबी, फ्लावरचे पीकही त्यांनी जनावरांना खाऊ घातले आहे.

सधन आणि उसासोबत भाजीपाल्याचे उत्पादन घेण्याला प्राधान्य देणाऱ्या नगर जिल्ह्यामध्ये भाजीपाला उत्पादनाला कायम प्राधान्य दिले जाते. नगर जिल्ह्याच्या उत्तरेतील श्रीरामपूर, अकोले, राहाता, राहुरी भागांतील भाजीपाला तर थेट मुंबईच्या बाजारात जातो. मात्र गेल्या काही महिन्यापासून भाजीपाला उत्पादक पूर्णतः खचले आहेत. नगरसह अन्य ठिकाणी भाजीपाल्याला मातीमोल दर मिळत आहे. खचर्ही निघेल एवढाही दर मिळत नसल्याने शेतकरी हवालदिल झाले आहे. शेतातून भाजीपाला काढण्याएवढी पैसे होत नसल्याने बाजारात विकण्यापेक्षा जनावरांना चारण्याला पसंती दिली आहे. 

भाजीपाल्याचे दर सातत्याने चढउतार होत असतात. आता दर नाही मिळाला तर चार महिन्यांनी दर मिळेल, या आशने भाजीपाल्याची सातत्याने लागवड केली जाते. मात्र नगर जिल्ह्यामध्ये गेल्या वर्षभरापासून दरात फारसा फरक पडलेला नाही. त्यामुळे सहजासहजी हार न मानणारा शेतकरी आता भाजीपाला काढणीलाही परवडेना झाला असल्यामुळे पूर्णतः खचला असून नैराश्‍येतून पिकांवर नांगर फिरवत आहे. दर मिळत नसला तरी भाजीपाला शेतात ठेवूनही परवडणारा नाही, म्हणून शेतातच नष्ट करण्याचा प्रयत्न करताना दिसत आहे.

उत्तरेतील श्रीरामपूर या सधन तालुक्‍यातील सिरसगाव येथील तरुण शेतकरी नितीन गवारे यांनी रविवारी ‘डॉल्बी’ लावून वाजत-गाजत शेळ्या-मेंढ्या आणून त्या एक एकर टोमॅटोच्या पिकांत सोडली. नितीन गवारे यांच्या इश्‍वरी गवारे या अकरा वर्षांच्या मुलीच्या हस्ते आधी फित कापली. आई शशिकला, वडील बाबासाहेब, पत्नी वैशाली आणि मुलगा मंगेश यांच्यासह परिसरातील सुमारे तीनशेच्या जवळपास शेतकरी हजर होते. ‘मातीमोल विकण्यापेक्षा भाजीपाला जनावरांना चारलेला बरा’ असेच या वेळी शेतकरी बोलत होते.

आठ दिवसांपूर्वी संगमनेर तालुक्‍यातील आनंदवाडी (चंदनापुरी) येथील मुरलीधर सरोदे या शेतकऱ्यांने दर मिळत नसल्यामळे चार एकर फ्लावर व कोबीच्या शेतात रोटाव्हेटर फिरवून संताप व्यक्त केला होता.

शेतात शेळ्या-मेढ्या, जनावरे सोडल्यावर नितीन गवारे यांच्या शेतात इश्‍वरी गवारे या अकरा वर्षांच्या मुलीसह गणेश मुदगुले, भारत तुपे, जी. के. पाटील यांनी मत आपले मत मांडून संताप व्यक्त केला. ‘‘शेतमालाला हमीदर मिळावा याची फक्त चर्चा केली जाते. भाजीपाला उत्पादकांना हमीभाव कशाला म्हणतात अजून कळले नाही, कारण कधी हमीभाव मिळण्यासाठी सरकारने प्रयत्नच केले नाहीत. लाखो रुपये खर्च करून भाजीपाला पिकवायचा आणि हमीभाव असलेल्या पिकांपेक्षाहीकमी दरात विकायचा अशी स्थिती आली आहे. तरीही एखादा लोकप्रतिनिधी याबाबतीत तोंड उघडायला तयार नाही. सरकारचे उदासीन धोरण शेतकऱ्यांच्या मुळावर आले आहे. नुसते उत्पादन वाढीसाठी सरकार प्रयत्न करतेय, दर कोण देणार. अशीच परिस्थिती राहीली तर आत्महत्या तरी कशा थांबतील?’’

पत्रिका छापून निमंत्रण
नितीन गवारे यांनी याआधी कोबी, फ्लावरच्या शेतात जनावरे सोडली होती. मात्र आज शेळ्या-मेंढ्या जनावरे सोडण्यासाठी शेतकऱ्यांनी उपस्थित राहावे, असे अवाहन करणाऱ्या पत्रिका छापल्या होत्या. सोशल मीडियावरही ती पत्रिका गेल्या आठ दिवसांपासून फिरत होती. ‘‘शेतकऱ्यांचे हाल जगाला कळावेत, त्याची चर्चा व्हावी आणि काहीतरी धोरण ठरावे यासाठी आज वाजत-गाजत शेळ्या-मेंढ्या भाजीपाला पिकांत सोडल्या,’’ असे नितीन गवारे यांनी सांगितले. 

इतर अॅग्रो विशेष
बांधावर फुलवा ‘हिरवं सोनं’ण्याचा अभाव, मजूरटंचाई, मजूर व निविष्ठांचे...
आधुनिक सेवेसोबत ग्राहकांना हवा विश्‍वास संपूर्ण जगात अग्रेसर असलेल्या आधुनिक बॅंकिंग...
'शेतकऱ्यांना दिलासा देणारे निर्णय लवकरच...नवी दिल्ली  : समस्याग्रस्त शेती क्षेत्र आणि...
नंदुरबार, धुळ्यात पपई काढणी बंदनंदुरबार  : पपईच्या दरावरून शेतकरी, व्यापारी...
...त्या दिवशी घरातलं कुणी जेवलं नायसुपे, जि. पुणे : एकच बैल होता. चितऱ्या...
किमान तापमानात वाढ होण्याची शक्यतापुणे  : राज्याच्या किमान तापमानात वाढ...
सावित्रीबाई फुले पुणे विद्यापीठाला जगात...पुणे - द टाइम्स हायर एज्युकेशनने जाहीर...
पीक फेरपालटीवर भर देत श्रीमंती केळीचे...कलाली (ता. अमळनेर, जि. जळगाव) येथील योगेश व मनोज...
बळिराजाच्या हाती पुन्हा ‘लोखंड्या नांगर’गणूर, जि. नाशिक : शेतमालाला मिळणारे कवडीमोल भाव,...
दराच्या प्रतीक्षेतील कांद्याला फुटले...वडेल, जि. नाशिक :  आज ना उद्या दर वाढला, की...
पोटदुखीवर कडू कंद उपयुक्त कडू कंद ही वेलवर्गीय वनस्पती असून...
शिरूर ठरले मुगासाठी हक्काची बाजारपेठपुणे जिल्ह्यात शिरूर बाजार समिती ही मुगासाठी...
तहात अडकले ‘ब्रेक्झिट’युरोपीय महासंघातून बाहेर पडायचे अथवा नाही, या...
साखरेच्या कमी दराची शिक्षा ऊस...ऊस दराच्या बाबतीत कधी नव्हे एवढी आर्थिक कोंडी या...
बायोडायनॅमिक पद्धतीने कमी काळात कंपोस्ट...बायोडायनॅमिक तंत्रज्ञान हे मूलत: भारतीय वेदांवर...
पाने कुरतडणाऱ्या मुंग्यांकडूनही होते...उष्ण कटिबंधीय जंगले हे नायट्रस ऑक्साईड या हरितगृह...
पणन सुधारणेतील दुरुस्तीला शेतकरी...मुंबई ः महाराष्ट्र कृषी उत्पन्न पणन (विकास व...
ताराराणी महोत्सवातून घडली उद्यमशीलता,...कोल्हापूर जिल्हा परिषद व पंचायत राज विभागाच्या...
कृषी निविष्ठा अनुदानासाठी ‘ऑनलाइन'ची...पुणे : राज्यात कृषी विभागाच्या योजनांमधील विविध...
'आयमा'ची होतेय मुस्कटदाबी; मोठ्या...पुणे : ट्रॅक्टर, हार्वेस्टर, रोटाव्हेटरसारख्या...