सहकार मंत्र्यांच्या कारखान्यावरच हल्लाबोल; गाळप रोखले

सोलापूर : जिल्ह्यात गेल्या तीन-चार दिवसांपासून ऊस आंदोलनाची ही धग वाढतच आहे. सोमवारी (ता. २०) शेतकरी आधिक आक्रमक झाले. सहकारमंत्री देशमुख यांच्या बीबी दारफळ येथील लोकमंगल साखर कारखान्याच्या गव्हाणीवर जनहित शेतकरी संघटनेच्या कार्यकर्त्यांनी ठाण मांडले आणि गाळप बंद पाडले. 

कोल्हापूर, सांगली, सातारा जिल्ह्यातील ऊसदराचा प्रश्‍न सुटला; पण सहकारमंत्री सुभाष देशमुख यांच्या सोलापूर जिल्ह्यातील ऊसदराचा तिढा मात्र सुटता सुटत नसल्याने शेतकरी संघटना चांगल्याच आक्रमक झाल्या आहेत. 

पेनूरला रयत संघटनेचा रास्ता रोको केला.  मोहोळ, बार्शीत रास्ता रोको, पंढरपुरात ऊस गाड्या रोखल्या होत्या. कोर्टीत ऊस वाहतूक करणाऱ्या टॅक्टरमधील हवा आंदोलकांनी सोडली.