agriculture news in marathi, farmers take a decision to cultivation of paddy by machine, pune, maharashtra | Agrowon

यांत्रिकीकरणाद्वारे भात लागवडीचा मावळातील शेतकऱ्यांचा निर्णय
टीम अॅग्रोवन
गुरुवार, 26 एप्रिल 2018

वडगाव मावळ, जि. पुणे : गेल्या वर्षी यांत्रिकीकरणाद्वारे भात लागवड केली होती. यामुळे वेळ व श्रमात मोठी बचत झाली होती. भात उत्पादनातही वाढ झाली होती. त्यामुळे यंदाही यांत्रिकीकरणाद्वारे भात लागवड करण्याचा निर्णय मावळातील भात उत्पादकांनी घेतला आहे. कृषी विभागाच्या कृषी यांत्रिकीकरणाच्या माध्यमातून यंदा भात लागवडीसाठी आम्ही तीन शेतकऱ्यांनी यंत्राची खरेदी केल्याची माहिती भात उत्पादक शेतकरी पुंडलिक जोरी यांनी दिली.

वडगाव मावळ, जि. पुणे : गेल्या वर्षी यांत्रिकीकरणाद्वारे भात लागवड केली होती. यामुळे वेळ व श्रमात मोठी बचत झाली होती. भात उत्पादनातही वाढ झाली होती. त्यामुळे यंदाही यांत्रिकीकरणाद्वारे भात लागवड करण्याचा निर्णय मावळातील भात उत्पादकांनी घेतला आहे. कृषी विभागाच्या कृषी यांत्रिकीकरणाच्या माध्यमातून यंदा भात लागवडीसाठी आम्ही तीन शेतकऱ्यांनी यंत्राची खरेदी केल्याची माहिती भात उत्पादक शेतकरी पुंडलिक जोरी यांनी दिली.

कृषी विभाग व ‘आत्मा’अंतर्गत कान्हेफाटा (ता. मावळ) येथील सेवाधाम ट्रस्ट येथे यांत्रिकीकरणाद्वारे भात लागवड या विषयावर प्रशिक्षण कार्यशाळा आयोजित केली होती. या वेळी ‘आत्मा’चे प्रकल्प उपसंचालक अनिल देशमुख, तालुका कृषी अधिकारी विनायक कोंथिबिरे, तालुका तंत्रज्ञान व्यवस्थापक राहुल घोगरे,
कृषी अधिकारी उत्तम भांड, घनशाम अभंग, विकास धेंडे, नवीनचंद्र बोराडे, प्रगतशील शेतकरी बजाबा मालपोटे, काळूराम मालपोटे यांच्यासह परिसरातील भात उत्पादक शेतकरी उपस्थित होते. 

श्री. जोरी म्हणाले, की मी गेल्या वर्षी भात रोपवाटिका तयार केली होती. मात्र, एकाचवेळी लागवडी सुरू झाल्याने मजुरांची अडचण भासण्यास सुरवात झाली. त्यामुळे आम्ही यांत्रिकीकरणाद्वारे भात लागवड करण्याचा निर्णय घेतला. सुरवातीला मनात शंका होत्या. प्रत्यक्षात लागवड करण्यास सुरवात केल्यानंतर यशस्वी झाल्याचे लक्षात आल्याने यंदाही भात लागवडीचा मी निर्णय घेतला आहे.

बजाबा मालपोटे म्हणाले, की आम्ही गटातील शेतकऱ्यांनी यंत्रामुळे लागवड केल्यामुळे खर्च कमी होऊन वेळेची बचत झाली. यांत्रिकीकरणाद्वारे भात लागवड केल्यामुळे भाताचे फुटवे चांगले मिळाले. साधारणपणे एकरी चाळीस क्विंटल भात उत्पादन मिळाले. यशस्वी उत्पादन मिळाल्याचे पाहिल्यानंतर परिसरातील  शेतकऱ्यांनी माझ्याकडे यांत्रिकीकरणाद्वारे यंदा भात लागवड करण्याची विचारणा केली आहे. यंदा आम्ही ‘आत्मा’च्या माध्यमातून आंदरमावळ परिसरात सुमारे शंभर एकरांवर भात लागवड करण्याचा निर्णय घेतला आहे. गेल्या वर्षी आम्ही २७ एकरांवर यांत्रिकीकरणाद्वारे भात लागवड केली होती.

अनिल देशमुख म्हणाले, की गेल्या वर्षी ‘आत्मा’च्या माध्यमातून शंभर एकरांवर भात लागवड करण्यात आली होती. त्याला चांगला प्रतिसाद मिळाल्यानंतर कृषी विभागाच्या यांत्रिकीकरणाच्या योजनेतून मावळ, मुळशी, भोर, वेल्हा तालुक्‍यात सात भात लागवड यंत्रे दिली आहे. यात मावळात तीन यंत्रे दिली आहे. यंदा यंत्राद्वारे भात लागवड करण्यासाठी भात उत्पादकांनी मोठ्या प्रमाणात संमती दर्शविल्यास त्यांना ‘आत्मा’अंतर्गत शेतावर प्रशिक्षण देण्यात येईल. तसेच ज्या शेतकऱ्यांनी यंत्रे घेतली आहेत, त्यांनी ही यंत्रे शेतकऱ्यांना भाडेतत्त्वावर देण्यासाठी पुढाकार घ्यावा.

या वेळी विनायक कोंथिबिरे यांनी प्रास्तविक केले. राहुल घोगरे यांनी आभार मानले.

इतर ताज्या घडामोडी
बोंड अळीचे जीवनचक्र खंडित करण्यासाठी...परभणी : सद्यःस्थितीत पाणी दिलेल्या कपाशीच्या...
नागपूरला होणार रेशीम कोष मार्केटनागपूर   ः राज्यात विस्तारत असलेल्या रेशीम...
खानदेशातील रब्बी पाण्याअभावी संकटातजळगाव  : अत्यल्प पावसामुळे खानदेशात...
साखर कारखान्यांच्या ताबेगहाण कर्जाला...मुंबई  ः साखर कारखान्यांना शेतकऱ्यांच्या ‘...
नगरमधील शेतकऱ्यांना मिळणार शेळीपालन,...नगर   : पशुसंवर्धन विभागामार्फत शेतकऱ्यांना...
जळगावात सीताफळाला प्रतिक्विंटल २५०० ते...जळगाव : कृषी उत्पन्न बाजार समितीमध्ये बुधवारी (ता...
संग्रामपूर खरेदी केंद्रावर अाॅनलाइन...बुलडाणा   : अाधारभूत किमतीने शेतीमाल...
एफआरपी थकवलेल्या ११ कारखान्यांवर कारवाई...मुंबई  : राज्यातील ११ साखर कारखान्यांनी...
गोंदिया जिल्ह्यात ५२ हजार क्विंटल धान...गोंदिया  ः शासनाच्या वतीने नाफेडच्या...
मदत, पुनर्वसन समितीच्या अहवालानंतर...अकोला  ः कमी तसेच अनियमित पावसामुळे निर्माण...
सातारा जिल्ह्यात रब्बीसाठी आतापर्यंत...सातारा : जिल्ह्यातील राष्ट्रीयीकृत तसेच सहकारी...
‘उजनी`चे २० टीएमसी पाणी सोलापूर, अऩ्य...सोलापूर : सोलापूर आणि इतर शहरांच्या पिण्याच्या...
मक्यावरील अमेरिकन लष्करी अळीचे नियंत्रणशास्त्रीय नाव ः स्पोडोप्टेरा फ्रुजीपर्डा  ...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...