agriculture news in marathi, farmers throw tomoto due to low rate,satara, maharashtra | Agrowon

सातारा जिल्ह्यातील शेतकऱ्यांवर टोमॅटो फेकून देण्याची वेळ
टीम अॅग्रोवन
गुरुवार, 26 एप्रिल 2018

जमीन खंडाने घेऊन टोमॅटोचे पीक घेतले. त्यासाठी कर्जही काढले आहे. मात्र, बाजारात टोमॅटोला दरच नसल्याने उत्पादन खर्चही अंगावर फिरला आहे. त्यामुळे कर्ज कशातून फेडायचे? दर नसल्याने बाजारात टोमॅटो नेणेही परवडत नाही. त्यामुळे टोमॅटो फेकून देण्याची वेळ आली आहे.
- सतीश झोंबाडे, शेतकरी, दक्षिण तांबवे, जि. सातारा 

कऱ्हाड, जि. सातारा  ः रखरखत्या उन्हात राबून शेतकऱ्यांनी टोमॅटो पीक घेतले. मात्र, टोमॅटोचे दर गडगडल्याने हे पीक शेतकऱ्यांच्या मुळावर आले आहे. कमी कालावधीत चार पैसे जादाचे मिळतील, या आशेने अनेकांनी कर्ज काढून, व्याजाने पैसे घेऊन टोमॅटो लागवड केली. आता या पिकाला मातीमोल दर मिळत असल्याने उत्पादन खर्चही निघेनासा झाला आहे. त्यामुळे शेतकरी हवालदिल झाले असून, बाजारात टोमॅटो नेण्यासाठी वाहतूक खर्चही अंगावरच फिरत असल्याने सातारा जिल्ह्यातील शेतकऱ्यांवर टोमॅटो फेकून देण्याची वेळ आली आहे.

केवळ तीन ते चार महिन्यांत चांगला अार्थिक फायदा होईल, या हेतूने शेतकऱ्यांनी टोमॅटोचे पीक घेतले. त्यासाठी अनेकांनी बॅंका, पतसंस्था, हातऊसने करून पैसे घेऊन त्यातून पीक वाढवले. मध्यंतरी वादळी वाऱ्यासह गारांच्या पावसाने काही ठिकाणी टोमॅटो पिकाचे नुकसान झाले. त्यातूनही सावरत शेतकऱ्यांनी मोठ्या उमेदीने टोमॅटोचे पीक घेतले. मात्र, त्यानंतर बाजारपेठेत टोमॅटोची आवक मोठ्या प्रमाणात वाढल्याने दर कमी झाले आहेत.

सध्या टोमॅटोचा १० किलोचा दर २५ ते ३५ रुपयांपर्यंत खाली आला आहे. केवळ अडीच ते साडेतीन रुपये किलोने टोमॅटो विकावे लागत असल्याने वाहतूक खर्चही त्यातून निघत नसल्याचे शेतकऱ्यांचे म्हणणे आहे. त्यामुळे ते आर्थिकदृष्ट्या तोट्यात आले आहेत.

दिवसरात्र कष्ट करूनही शेतकऱ्यांना मातीमोल भावाने टोमॅटो विकावे लागत आहेत. उत्पादन खर्चही निघाला नसल्याने त्यांच्यावर कर्जबाजारी होण्याची वेळ आली आहे. बाजारात नेण्याची वाहतूक भाडेही परवडत नसल्याने काही शेतकऱ्यांनी जनावरांपुढे टोमॅटो ओतले आहेत, तर काहींना शेतकऱ्यांनी ते फेकून दिले आहेत.
 

इतर ताज्या घडामोडी
बंद अवस्थेतील कारखाने सहकारी तत्त्वावर...जळगाव : जिल्ह्यात काही साखर कारखाने एकेकाळी जोमात...
कांदा - लसूण पीक सल्लाबहुतांश शेतकऱ्यांच्या शेतामध्ये खरीप कांदा पिकाची...
नांदेड जिल्ह्यात ५१० कोटी रुपये पीक...नांदेड ः नांदेड जिल्ह्यात यंदाच्या खरीप हंगामात...
राष्ट्रीय महामार्गाचे चौपदरीकरण...जळगाव : जळगाव आणि धुळे जिल्ह्यांतून जाणाऱ्या...
अंजनीसह पाच गावांची पाण्याविना आबाळसांगली ः तासगाव तालुक्‍याचा पूर्वभागात भीषण...
सोलापुरात दुष्काळ जाहीर करण्याची मागणीसोलापूर : सोलापूर जिल्ह्यात अद्यापही दमदार पाऊस...
गोंदिया जिल्ह्यात गणेशोत्सवाद्वारे शेती...गोंदिया :गणेशोत्सवाच्या माध्यमातून कृषी...
सातारा जिल्ह्यात स्ट्रॉबेरी लागवडीस...सातारा   ः राज्यभरात गोडव्यासाठी प्रसिद्ध...
सोलापूर जिल्ह्यावर दुष्काळ अन हुमणीचे...सोलापूर   ः जिल्ह्यात यंदाच्या हंगामात...
पीकविमा योजनेतून कंपन्यांचे भले ः विखे...पुणे   ः शेतकऱ्यांच्या पिकांना संरक्षण...
कृषी सल्ला : ऊस, कापूस, सोयाबीन, मका,...ऊस हुमणी किडीच्या नियंत्रणासाठी, फिप्रोनील (०.३...
अार्थिक व्यवस्थापनात राज्य सरकार अपयशी...मुंबई  : काँग्रेसच्या कार्यकाळात राज्याची...
कृषी सल्ला : भात, नागली, आंबा, नारळ,...भात  अवस्था ः पोटरी ते लोंबी बाहेर...
अकोल्यात मूग प्रतिक्विंटल ३८०० ते ५३००...अकोला ः या हंगामात लागवड झालेल्या मुगाची काढणी...
सोयाबीन, मूग, उडदासाठी १९ खरेदी केंद्रे...नगर ः शेतकऱ्यांचा शेतमाल हमीदराने खरेदी करता यावा...
शेतीमाल तारण योजनेत शेतकरी उत्पादक...कोल्हापूर : राज्यात शेतीमाल तारण योजना बाजार...
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...