agriculture news in marathi, farmers in trouble Due cotton prize | Agrowon

कापूस उत्पादनात घटीसोबत दरातही दिवाळे
संतोष मुंढे
रविवार, 15 ऑक्टोबर 2017

औरंगाबाद : सोयाबीनची सोंगणी व कापसाची पहिली वेचनी सोबतच आल्याने मजुरांअभावी कापूस वेचणीचे दर प्रचंड वाढले आहेत. तुलनेत सुरू असलेल्या खासगी खरेदीत कापसाचे दर ३२०० ते ४२०० रुपये प्रतिक्‍विंटलच्या पुढे सरकरण्याचे नाव घेत नाहीत. त्यामुळे कापूस उत्पादक शेतकऱ्यांच्या उत्पन्न मिळविण्याच्या आशेवर पाणी फेरले जात आहे.

औरंगाबाद : सोयाबीनची सोंगणी व कापसाची पहिली वेचनी सोबतच आल्याने मजुरांअभावी कापूस वेचणीचे दर प्रचंड वाढले आहेत. तुलनेत सुरू असलेल्या खासगी खरेदीत कापसाचे दर ३२०० ते ४२०० रुपये प्रतिक्‍विंटलच्या पुढे सरकरण्याचे नाव घेत नाहीत. त्यामुळे कापूस उत्पादक शेतकऱ्यांच्या उत्पन्न मिळविण्याच्या आशेवर पाणी फेरले जात आहे.

कापसाच्या पहिल्या वेचणीवरून यंदा गतवर्षीच्या तुलनेत निम्म्यापेक्षा कमी उत्पादन येणार हे स्पष्ट झाले आहे. आधी पावसाचा प्रदीर्घ खंड, त्यानंतर कीड रोगांचा प्रादुर्भाव आणि आता परतीच्या पावसाने वेचणीला आलेला कापूस भिजत आहे. संकटाचा फेरा मराठवाड्यातील कापूस उत्पादकांचा पिच्छा सोडताना दिसत नाही.

मराठवाड्यात यंदाच्या खरिपात सरासरी १७ लाख १७ हजार ४५१ हेक्‍टरवर कपाशीचे क्षेत्र कृषी विभागाच्या लेखी गृहीत होते. सरासरीच्या ९१ टक्‍के क्षेत्रावरच अर्थात १५ लाख ६४ हजार ९४ हेक्‍टरवरच कपाशीची लागवड झाली. सुरवातीला ऐन कायिक वाढीच्या काळातच पाऊस बेपत्ता झाल्याने कपाशीची वाढ निम्म्यापेक्षा जास्त प्रमाणात घटली.

जवळपास तीन आठवड्यापर्यंत ढगाळ, दमट अर्थात कीड रोगांना पोषक वातावरणामुळे कपाशीवर रस शोषण करणाऱ्या किडींचा मोठ्या प्रमाणात प्रादुर्भाव झाला. त्यामुळे शेतकऱ्यांच्या उत्पादन खर्चात मोठी वाढ झाली.

यंदा कृषी विभागाने औरंगाबाद, जालना व बीड जिल्ह्यासह मराठवाड्यात सर्वदूर हेक्‍टरी सरासरी १४ क्‍विंटल ८८ किलो कपाशीची उत्पादकता प्रस्तावित केली होती. पहिल्या वेचनीतच निम्म्यापेक्षा जास्त घट झाल्याने अपेक्षित उत्पादकता गाठता येणे शक्‍य नसल्याचे शेतकऱ्यांनी सांगितले.

दुसरीकडे खासगी खरेदीदारांनी आपली खरेदी सुरू केली. परंतु शासनाकडून मात्र शेतकऱ्यांच्या कापसाला खर्चाला परवडतील असे दर मिळण्यासाठी पावले उचलली नसल्याने शेतकऱ्यांना आपला कापूस कवडीमोल दराने विकावा लागतो आहे. आधी निसर्गाने मारलेल्या शेतकऱ्यांना शासनाचे कपाशीसंबंधीचे धोरणही मारते की काय ही शंका शेतकऱ्यांच्या मनात घर करते आहे.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...