agriculture news in marathi, farmers in trouble due to irreguler power supply, pune, maharashtra | Agrowon

पुणे जिल्ह्यातील विजेच्या लपंडावामुळे शेतकरी त्रस्त
टीम अॅग्रोवन
बुधवार, 11 एप्रिल 2018
मी मका, कलिंगड, टोमॅटो पिके घेतली आहे. महावितरणाकडून तीन दिवस दिवसा, तीन दिवस रात्री वीजपुरवठा करण्यात येतो. त्यामुळे पिकांना पाणी देण्यासाठी अडचणी येतात. शासन नुसत्याच घोषणा करते पण शेतकऱ्यांना आठ ताससुद्धा पूर्ण दाबाने वीजपुरवठा करीत नाही. 
- रघुनाथ शिंदे, शेतकरी, 
खैरेनगर, शिरूर, जि. पुणे.
पुणे  ः उन्हाचा चटका वाढल्यामुळे पिकांना मोठ्या प्रमाणात पाण्याची गरज भासू लागली आहे. ऐन उन्हाळ्यात ग्रामीण भागात महावितरणकडून कमी दाबाने वीजपुरवठा केला जात आहे. त्यामुळे उभी पिके वाचविण्यासाठी शेतकरी रात्रीचा दिवस करीत आहेत. सध्या विजेच्या लपंडावामुळे शेतकरी चांगलेच त्रस्त झाले असून, पूर्ण दाबाने वीजपुरवठा केला जावा, अशी मागणी शेतकऱ्यांनी केली आहे. 
 
शेतीसाठी बारा तास वीजपुरवठा करण्याच्या घोषणा शासनाकडून केल्या जातात. प्रत्यक्षात मात्र या घोषणा हवेतच विरत असल्याचे चित्र आहे. शेतकऱ्यांना शेतीसाठी लागणारी वीज बाराऐवजी फक्त आठ तासच दिली जात असल्याचे कागदोपत्री दिसून येते. प्रत्यक्षात या आठ तासांमध्ये विजेचा चांगलाच लपंडाव सुरू असतो. त्यामुळे ऐन उन्हाळ्यात शेतकऱ्यांना पिके वाचविण्यासाठी तारेवरची कसरत करावी लागत आहे.
 
गेल्या पाच ते सहा वर्षे दुष्काळामुळे शेतकरी चांगलेच मेटाकुटीला आले होते. मात्र, गेल्यावर्षी चांगला पाऊस झाल्यामुळे यंदा शेतकऱ्यांच्या आशा पल्लवीत झाल्या आहेत. त्यामुळे जिल्ह्यातील शेतकऱ्यांनी ऊस, टोमॅटो, डाळींब, भाजीपाला आदी पिके घेतली आहे.  
 
यंदा उन्हाळी हंगामात शेतकऱ्यांनी बाजरी, मका, भूईमूग आदी पिकांची लागवड केली आहे. याशिवाय ऊस, टोमॅटो, कलिंगड, डाळिंब, सिताफळ यांसह भाजीपाला पिके घेतली आहे. परंतु शहरातील नागरिकांकडून मागणी वाढली असल्याने ग्रामीण भागात शेतीसाठी कमी दाबाने पुरवठा केला जात असल्याचे चित्र आहे. त्यामुळे शेतीसाठी काही भागांत अवघे चार ते पाच तासच वीजपुरवठा केला जात आहे.
 
त्यामुळे इंदापूर, बारामती, शिरूर, खेड, इंदापूर, भोर, जुन्नर, आंबेगाव तालुक्‍यांतील काही भागांत पिके सुकत असल्याचे चित्र आहे. याविषयी इंदापूर येथील लक्ष्मण संगवे म्हणाले, की माझ्याकडे एकूण पाच एकर शेती आहे. त्यामध्ये तीन एकरावर डाळिंब, ऊस अर्धा एकर आहे. गव्हाची काढणी झाली आहे. महावितरण विभागाने आमच्याकडे आठ तासांचे वेळापत्रक दिले आहे. परंतु आठ तास वीजपुरवठा होत नाही. त्यामुळे वीजपंप चालत नसून पिकांना पाणी देण्याचे नियोजन कोलमडत आहे. महावितरणने पूर्ण दाबाने शेतीसाठी वीजपुरवठा करावा अशी आमची मागणी आहे. 

इतर ताज्या घडामोडी
कपाशीवरील पांढरी माशी, कोळी नियंत्रण...सध्या कोरडवाहू कपाशीवर पांढऱ्या माशी व कोळी या...
जळगावात केळीदरात १०० रुपयांनी वाढजळगाव ः केळी दरात गत आठवड्याच्या अखेरीस...
नागपुरात नव्या सोयाबीनची बाजारात आवक...नागपूर ः बाजारात नव्या सोयाबीनची आवक वाढती असली...
नगरमध्ये कांद्याला सोळाशेचा दरनगर ः जिल्ह्यातील एका उपबाजार समितीसह सात बाजार...
तासगाव बाजार समितीत बेदाण्याची आवक,...सांगली  ः दिवाळी सणाच्या पार्श्‍वभूमीवर...
विसावी सिंचन परिषद अकोला येथे होणारसोयगाव, जि. औरंगाबाद   : येथे रविवारी (ता....
वऱ्हाडात मूग, उडदाला मिळतोय...अकोला  ः या हंगामात लागवड झालेल्या मूग,...
नगर जिल्ह्यात उडदाचे उत्पादन घटलेनगर  ः जिल्ह्यात यंदा सुरवातीपासून पाऊस...
‘स्वाभिमानी’च्या कार्यकर्त्यांनी दाखवले...नगर  : शेतकऱ्यांना दुधाला पाच रुपये अनुदान...
पीक कापणी प्रयोग अहवालानंतर...बुलडाणा   ः कमी पाऊस तसेच पावसातील खंडामुळे...
इंदापूर तालुक्यात तातडीने दुष्काळ जाहीर...भवानीनगर, जि. पुणे  : सरकारने आता तांत्रिक...
पुण्यात आवक कमी झाल्याने भाजीपाल्यांची...पुणे ः राज्यातील दुष्काळी परिस्थितीच्या...
दुष्काळी तालुक्यांतून अकोले, कोपरगावला...नगर : अकोले तालुक्‍यात पाऊस पडण्याच्या प्रमाणात...
सोयाबीनने मोडले शेतकऱ्यांचे कंबरडेअमरावती  ः दिवाळीच्या मोसमात दोन पैसे...
शेतीमालाच्या साठवणुकीसाठी उभारणार गोदामेकऱ्हाड, जि. सातारा ः शेतकऱ्यांनी उत्पादित केलेला...
हापूसचा ‘अल्फोन्सो जीआय’ वादातपुणे   : केंद्र सरकारने हापूस आंब्याला ‘...
साखर निर्यातीसाठी कारखान्यांनी पुढे...मुंबई   : अडचणीतील साखर उद्योगाला...
दक्षिण कोकणात बुधवारपासून शक्यतापुणे  : कमाल तापमानात चढ-उतार होत असला तरी...
पंजाब, हरियानात पिकांचे अवशेष जाळण्यावर...गुडगाव : पिकांचे अवशेष जाळण्यावर असलेली बंदी...
शबरीमला मंदिर प्रवेशप्रकरणी केरळमध्ये...तिरुअनंतपुरम, केरळ : शबरीमला मंदिरात सर्व...