agriculture news in marathi, farmers from ugaon, khadak malegaon, behad to sale grapes in cash | Agrowon

उगाव, खडक माळेगाव, बेहडलाही झाला रोख द्राक्ष विक्रीचा ठराव
टीम अॅग्रोवन
गुरुवार, 1 मार्च 2018

नाशिक : शिवडी, सारोळे खुर्द, चिंचखेडनंतर आता उगाव येथेही द्राक्षाची रोख विक्री करण्याचा ठराव करण्यात आला. बुधवारी (ता. 28) उगाव, खडक माळेगाव, बेहड या गावांतील शेतकऱ्यांनी एकत्र येत रोख विक्री करण्याची शपथ घेतली. गुरुवारी (ता. 1) निफाड, कुंदेवाडी, देवपूर, नांदुर्डी, रौळस पिंप्री, कसबेसुकेणे येथील गावांमध्ये या विषयावर ग्रामसभा होणार आहेत.

नाशिक : शिवडी, सारोळे खुर्द, चिंचखेडनंतर आता उगाव येथेही द्राक्षाची रोख विक्री करण्याचा ठराव करण्यात आला. बुधवारी (ता. 28) उगाव, खडक माळेगाव, बेहड या गावांतील शेतकऱ्यांनी एकत्र येत रोख विक्री करण्याची शपथ घेतली. गुरुवारी (ता. 1) निफाड, कुंदेवाडी, देवपूर, नांदुर्डी, रौळस पिंप्री, कसबेसुकेणे येथील गावांमध्ये या विषयावर ग्रामसभा होणार आहेत.

वर्षभर जपलेला माल व्यापारी उधारीवर घेतो अन पैसे घेऊन परप्रांतात पळून जातो. चेक बाउन्स होतो. शिवारसौद्यात खरेदी करूनही अडत तसेच 2 टक्के वापसीच्या नावाखाली अडवणूक केली जाते. हे प्रकार वर्षानुवर्षे होत असताना नाशिक जिल्ह्यातील शेतकऱ्यांनी आता अशा व्यापाऱ्यांची मनमानी पूर्णपणे नाकारायचे ठरवले आहे. अस्वस्थ शेतकऱ्यांनी आता कुणाच्याही दबावाला बळी न पडता एकत्र येऊन आपल्या मालाची रोख स्वरूपातच विक्री करायचे ठरवले आहे. शिवडीच्या शेतकऱ्यांनी एकत्र येऊन रोख विक्रीचा ठराव केल्यानंतर नाशिक जिल्ह्यातील अनेक गावे आता यासाठी सरसावली आहेत. उधारीसह, अडत, 2 टक्के वापसी बंदचा ठराव नाशिक जिल्ह्यातील शिवडीच्या ग्रामस्थांनी सोमवारी (ता. 26) केल्यानंतर मंगळवारी (ता. 27) सारोळे खुर्द, चिंचखेड या गावांतही ग्रामसभांमधून व्यापाऱ्यांच्या मनमानी विरोधात ठराव करण्यात आले.

सांगली जिल्ह्यात शेतकऱ्यांनी रोख विक्रीचा निर्णय घेत व्यापाऱ्यांच्या मनमानीला आळा घातला आहे. नाशिक जिल्ह्यात मात्र व्यापाऱ्यांकडून ही अडवणूक सुरूच आहे. चुकीचे काम करणाऱ्या व्यापाऱ्यांना धडा शिकविण्यासाठी आता शेतकऱ्यांनी कंबर कसली आहे.

दोन वर्षांपूर्वी वडनेर भैरव येथील शेतकऱ्यांनी एकत्र येऊन फसवणूक करणाऱ्या व्यापाऱ्यांवर नियंत्रण ठेवण्याचा तसेच रोख विक्री करण्याचा ठराव केला होता. त्या वेळी त्या व्यापाऱ्यांनी वडनेर भैरव वगळून परिसरातील इतर गावांतून मोठ्या प्रमाणात उधारीवर माल उचलून शेतकऱ्यांना कोट्यवधीचा गंडा घातला होता. आता अनेक गावांतील शेतकरी एकत्र येऊन ठराव करीत आहेत. यामुळे व्यापाऱ्यांच्या अडवणुकीला प्रतिबंध होईल, असा विश्‍वास शेतकऱ्यांनी व्यक्त केला.

‘‘दर्जेदार उत्पादनासाठी अहोरात्र कष्ट करणारे शेतकरी आता आपल्या बाजार सुरक्षेसाठी एकत्र येत आहेत. यामुळे येत्या काळात होणारी अडवणूक थांबेल.’’
- कैलास भोसले,
अध्यक्ष, मध्यवर्ती विज्ञान समिती, राज्य द्राक्ष बागायतदार संघ, पुणे.

‘‘आता आपला माल रोखीनेच विक्री करायचा. कोणतीही अडत किंवा वापसी द्यायची नाही, असा आमच्या गावाच्या ग्रामसभेत शेतकऱ्यांनी ठराव केला आहे.’’
- प्रभाकर शिरसाठ,
द्राक्ष उत्पादक.

""मागील तीन दिवसांपासून नाशिक जिल्ह्यातील अनेक गावांमध्ये शेतकऱ्यांनी एकत्र येऊन रोख विक्रीचा ठराव केला आहे. आजच एका व्यापाऱ्याने अडत, वापसी न घेता रोख पेमेंटवर व्यवहार केला आहे. या आंदोलनाचा योग्य मेसेज व्यापाऱ्यांपर्यंत जाण्यास सुरवात झाली आहे.''
- वैभव संधाण,
द्राक्ष उत्पादक.

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...