agriculture news in marathi, farmers vote, Market committee, pune | Agrowon

शेतकरी मतदारांसाठी बाजार समित्यांचे प्रयत्न
गणेश कोरे
शनिवार, 7 ऑक्टोबर 2017

पुणे : बाजार समिती निवडणुकांमध्ये शेतकऱ्यांना थेट मतदानाचा अधिकार देण्यात आल्याने आगामी निवडणुकांसाठीची तयारी बाजार समिती सभापती आणि संचालकांनी सुरू केली आहे. तयारीचा भाग म्हणून शेतकरी मतदार कसे करता येतील याकडे विद्यमान संचालकांनी लक्ष केंद्रित केले आहे. यासाठी शेतकऱ्यांचा जास्तीत जास्त शेतमाल बाजार समित्यांमध्ये आणण्यासाठी प्रयत्न सुरू झाले आहेत.

पुणे : बाजार समिती निवडणुकांमध्ये शेतकऱ्यांना थेट मतदानाचा अधिकार देण्यात आल्याने आगामी निवडणुकांसाठीची तयारी बाजार समिती सभापती आणि संचालकांनी सुरू केली आहे. तयारीचा भाग म्हणून शेतकरी मतदार कसे करता येतील याकडे विद्यमान संचालकांनी लक्ष केंद्रित केले आहे. यासाठी शेतकऱ्यांचा जास्तीत जास्त शेतमाल बाजार समित्यांमध्ये आणण्यासाठी प्रयत्न सुरू झाले आहेत.

नीरा बाजार समितीने सासवडचा किरकाेळ फळबाजार बंद करून उपबाजार आवारात सुरू करण्याचा निर्णय घेतला अाहे. लवकरच या ठिकाणी फळांचा घाऊक बाजारदेखील सुरू हाेणार आहे. यामुळे बाजारात फळे घेऊन येणारे शेतकरी आपाेआप मतदार हाेणार असून, फळांच्या आवकेमुळे बाजार समितीच्या उत्पन्नातदेखील वाढ हाेणार आहे.

तसेच मागणीनुसार आता शेतकऱ्यांचा शेतमाल व विशेषतः फळे खरेदी-विक्री ही सासवड उपबाजार आणि नीरा बाजार समितीच्या मुख्य बाजार आवारात होईल. याचा फायदा बाजार समितीच्या निवडणुकीमध्ये जास्तीत जास्त शेतकऱ्यांना मतदानाचा अधिकार मिळण्यास हाेईल, असे कृषी उत्पन्न बाजार समितीचे सभापती संजय गाडेकर यांनी सांगितले.

बाजार समितीच्या या निर्णयाचे शेतकरी संघटनेने स्वागत केले अाहे. संघटनेचे तालुका पदाधिकारी दिलीप गिरमे यांनी उपबाजारात फळ भाजीपाल्याची खरेदी विक्रीसाठी सुविधा देण्याची मागणी केली. यानंतर बाजार समितीने ९ ऑक्‍टोबर राेजी सासवडचा घाऊक फळबाजार बाजार समितीमध्ये सुरू होईल, असे जाहीर केले.

सासवडला नीरा कृषी उत्पन्न बाजार समितीच्या उपआवारात सध्या धान्य खरेदी होते, तर नीरा बाजार आवारात गूळ खरेदी होते. मात्र ताजा शेतमाल खरेदीची व्यवस्था कुठेच नाही. त्यामुळे सासवडला ताजा शेतमाल खरेदी करण्याचा निर्णय घेतला आहे. त्यातील पहिली खरेदी ही फळांची घाऊक बाजारात होईल.

यात सहभागी व्यापाऱ्यांना परवाना देण्याचा प्रयत्न राहील. तर मार्केट यार्डातील शेतकरी सुविधा वाढविण्यात येणार आहे. तसेच भविष्यात दिवे (ता. पुरंदर) येथे सर्व साेयींयुक्त उपआवार सुरू करण्यात येईल, असेही सभापती गाडेकर यांनी सांगितले.

बारामती बाजार समितीचे सभापती रमेश गाेफणे म्हणाले, ‘‘शेतकरी मतदार व्हावेत यासाठी बाजार समिती काही प्रयत्न करत नाहीत. मात्र शेतकरी याबाबत जागरूक झाला असून, आपल्या कुटुंबीयांना मतदानाचा अधिकार मिळावा, यासाठी स्वतःच्या नावाबराेबरत कुटुंबीयांच्या नावाने शेतमाल पाठवीत अाहेत. मात्र करार शेती, वाट्याने शेती करत असणाऱ्या शेतकऱ्यांना मतदानाचा अधिकार मिळणार याबाबत साशंकता अाहे.’’

हिशेबपट्टीचे प्रमाण वाढले ः काळे
जिल्ह्यातील तालुका बाजार समित्यांमध्ये सर्वांत माेठ्या असणाऱ्या जुन्नर बाजार समितीचे सभापती संजय काळे म्हणाले, ‘‘शेतकरी जागरूक झाला आहे. त्यामुळे बाजार समितीच्या निवडणुकांमध्ये शेतकऱ्यांना मतदानाचा अधिकार मिळणार असल्याने शेतकरी कुटुंबीयांच्या नावावर शेतमाल विक्रीसाठी पाठविण्याचे प्रमाण वाढले आहे. यामुळे हिशेबपट्टी शेतकरी कुंटुंबीयांच्या नावावर हाेत असल्याचा बदल माेठ्या प्रमाणावर जाणवत आहे.’’

 

इतर बातम्या
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
परभणीत पाणीपुरवठ्याच्या टॅंकरचे शतकपरभणी : मोसमी पावसाचे आगमन लांबल्याने जिल्ह्यातील...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
पेरणीच्या अनुदानासाठी संभाजी ब्रिगेडचा...हिंगोली :  दुष्काळग्रस्त शेतकऱ्यांना...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...
विदर्भात भुईमूग शेंगाचे दर पोचले ५७००...नागपूर ः उन्हाळी भुईमुगाची आवक विदर्भातील अनेक...
सहलींच्या बचत निधीतून होणार आंबा फवारणी...रत्नागिरी : ग्रास कटर, आंबा फवारणी मशिनला...
मराठवाड्यात चार दिवसांत लाखभर लोक...औरंगाबाद : लांबलेला पाऊस, भूपृष्ठावरील जलसाठ्यांत...
पणन सुधारणा विधेयक पावसाळी अधिवेशनात...पुणे  ः शेतीमाल पणन सुधारणांमधील...
करंजवण ते मनमाड थेट जलवाहिनी योजनेला...नाशिक : मनमाड शहरासाठी बहुचर्चित व बहुप्रतिक्षित...
पुणे बाजार समिती पुनर्विकासाला गतीपुणे : पुणे कृषी उत्पन्न बाजार समितीच्या...
कारखान्यांना ‘सहवीज’मधून १०४१ कोटींचे...पुणे  : राज्यातील साखर कारखान्यांनी सहवीज...
पुणे : कृषी अवजारे, साहित्य खरेदीसाठी...पुणे  : जिल्हा परिषदेच्या कृषी विभागाकडून...
खानदेशात उष्णतेचा कहर; पावसाची...जळगाव  ः खानदेशात वादळी पाऊस वगळता कुठेही...
शकूबाईंच्या लढ्याला आले यश;  वनजमीन...वणी, जि. नाशिक  : शेतकरी व आदिवासींच्या...
खास पोह्यासाठी भाताची ‘कर्जत शताब्दी’...रत्नागिरी ः दापोली येथील डॉ. बाळासाहेब सावंत कोकण...
मराठवाड्यातील चार जिल्ह्यांत चारा...औरंगाबाद  ः दुष्काळाच्या पार्श्वभूमीवर...