पुणे जिल्ह्यात जोरदार पावसाची प्रतीक्षा

संग्रहित छायाचित्र
संग्रहित छायाचित्र

पुणे  : जिल्ह्यात पूर्ववमोसमी वादळी पावसाने हजेरी लावल्याने अनेक ठिकाणी नुकसान झाले आहे. मात्र, जिल्ह्यातील सरासरी पावसाचा विचार करता जिल्ह्याला जोरदार पावसाची प्रतीक्षा आहे. जिल्ह्यातील दुष्काळी पुरंदर तालुक्यात पावसाने दमदार हजेरी लावली आहे. शिरुर, मुळशी तालुक्यांसह जिल्ह्याच्या अनेक भागांत जोरदार पावसाची प्रतीक्षा आहे.

मॉन्सून दाखल होण्यापूर्वीच पुरंदर तालुक्याच्या सर्वच भागांत पूर्वमोसमी पावसाने हजेरी लावली आहे. तेथे जून महिन्याचा पहिल्या दहा दिवसांत ८० मिमी पाऊस पडला आहे. शिरूरमध्ये ७.१ तर मुळशीमध्ये १८.३ मिमी पावसाची नोंद झाल्याचे कृषी विभागातर्फे सांगण्यात आले. गेल्या काही दिवसांपासून जिल्ह्यात दुपारनंतर ढग दाटून येत पाऊस पडत आहे. जिल्ह्याच्या विविध भागांत खरिपाच्या पेरण्यांची तयारी सुरू अाहे. मात्र, अनेक ठिकाणी पेरण्यांसाठी पुरेसा पाऊस झालेला नाही.

शिरूर, मुळशीत पाऊस नसल्याने तालुक्‍यातील शेतकऱ्यांचे डोळे आकाशाकडे लागले आहेत. मात्र, एखादा दुसरा अपवाद वगळता अद्यापही पाऊस झालेला नाही. आधीच भूजलपातळी खाली गेल्याने तलाव, विहिरी, कोरड्या पडल्या आहेत. त्यामुळे उभी पिके डोळ्यांदेखत जळून चालली आहे. शेतकऱ्यांनी खरीप हंगामातील पेरणीची तयारी केली.

मुळशी, मुळशीसह पश्‍चिम भागांतील तालुक्यांमध्ये भात रोपवाटिकांची कामे सुरू झाली असून काही ठिकाणी भाताची रोपे वाढीच्या अवस्थेत असून, जोरदार पावसाची आवश्‍यकता आहे. भाताची रोपांची वाढ खुंटली असून, रोपे जळून जाण्याची भीती व्यक्त होत आहे. मॉन्सूनचे आगमन झाल्यानंतरही पाऊस हुलकावणीच देत असल्याने सध्या तरी शेतकऱ्यांना पावसाची प्रतीक्षा कायम आहे.  

जिल्ह्यात १ जून ते ९ जून दरम्यान पडलेला पाऊस (मिमी)

तालुका   पडलेला पाऊस  टक्केवारी दिवस
हवेली ४९.७ ४६.३
मुळशी   १८.३  ७.८
भोर ५४.८ ३९.५
मावळ २८.६ १५.२
वेल्हे  ६०.२ १४.४
जुन्नर  ३१ ३०.७
खेड ४८.२ ४८.६
आंबेगाव ५४.४ ४८.३
शिरूर ७.१ ६.६
बारामती ३७.७ ४८
इंदापूर  ४५.५  ४९.३
दौंड  २८.५ ३५
पुरंदर ८०.६ ९०.९

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com