agriculture news in marathi, farmers waiting for compensation, jalgaon | Agrowon

जळगावमधील गारपीटग्रस्त शेतकरी नुकसानभरपाईच्या प्रतीक्षेत
टीम अॅग्रोवन
बुधवार, 4 एप्रिल 2018
जळगाव  ः जिल्ह्यात १० व ११ मार्च रोजी झालेल्या वादळी पावसासह गारपिटीमुळे केळीसह गहू, मका आदी पिकांचे नुकसान झाले. नंतर पुन्हा १७ मार्चला वादळी पाऊस झाला. यात झालेल्या नुकसानीचे पंचनामे केले आहेत, परंतु भरपाईचे काय, हा प्रश्‍न कायम आहे. 
 
१० व ११ मार्च रोजी झालेल्या पावसात जामनेरातील सुमारे १९०० हेक्‍टरवरील गहू, मका व केळीचे नुकसान झाले. जळगावमधील सुमारे १४५ हेक्‍टरवरील केळी पिकासह भुसावळ व मुक्ताईनगर येथेही नुकसान झाल्याचा प्राथमिक अंदाज कृषी विभागाने व्यक्त केला होता.
 
जळगाव  ः जिल्ह्यात १० व ११ मार्च रोजी झालेल्या वादळी पावसासह गारपिटीमुळे केळीसह गहू, मका आदी पिकांचे नुकसान झाले. नंतर पुन्हा १७ मार्चला वादळी पाऊस झाला. यात झालेल्या नुकसानीचे पंचनामे केले आहेत, परंतु भरपाईचे काय, हा प्रश्‍न कायम आहे. 
 
१० व ११ मार्च रोजी झालेल्या पावसात जामनेरातील सुमारे १९०० हेक्‍टरवरील गहू, मका व केळीचे नुकसान झाले. जळगावमधील सुमारे १४५ हेक्‍टरवरील केळी पिकासह भुसावळ व मुक्ताईनगर येथेही नुकसान झाल्याचा प्राथमिक अंदाज कृषी विभागाने व्यक्त केला होता.
 
त्यानंतर जळगावात केळी पिकाचे नुकसान झालेच नाही, असे पंचनामे करताना आढळल्याचे सांगितले. २३०० हेक्‍टरवरील पिकांचे नुकसान झाल्याचे म्हटले होते. नंतर हा अहवाल वरिष्ठ कार्यालयाकडे पाठविला, परंतु त्यावर निर्णय काय झाला व भरपाईसाठी कुणाची निवड झाली हे स्पष्ट झालेले नाही. त्यानंतर १७ मार्चला झालेल्या पावसातही जळगाव, भुसावळ, जामनेर भागांत नुकसान झाले होते. सुमारे ४७३ हेक्‍टरवर नुकसानीचा अंदाज होता.
 
परंतु यातील किती नुकसानग्रस्तांना भरपाईसंबंधी समाविष्ट केले, हे कृषी विभागाने स्पष्ट केलेले नाही. जे नुकसान मार्च महिन्यात दोनदा झाले. त्यात फारशा शेतकऱ्यांचे नुकसान ३३ टक्‍क्‍यांवर झालेले नाही. त्यामुळे संबंधित शेतकरी नुकसानभरपाईपासून वंचित राहतील, अशी माहिती समोर आली आहे. त्यामुळे गारपीटग्रस्त शेतकऱ्यांना भरपाईची रक्कमही तोकडीच येईल. फारशा शेतकऱ्यांचा समावेश नुकसानीच्या यादीत केला जाणार नसल्याचे सांगण्यात आले.
 
यातच गारपीट होऊन सुमारे १५ पेक्षा अधिक दिवस झाले. तरीही शेतकऱ्यांना नुकसानभरपाई मिळालेली नसल्याने शेतकऱ्यांनी नाराजी व्यक्त केली आहे. नुकसानग्रस्त शेतकऱ्यांकडे यंत्रणा फिरकलीच नाही. जे पंचनामे केले, त्यात धरसोड वृत्तीने कार्यवाही झाली. त्यामुळे अनेक शेतकरी मदतीपासून वंचित राहीले.
 
शिवाय शासन व यंत्रणा या गारपीटीत नुकसान झालेल्या शेतकऱ्यांबाबत उदासीन असल्याने अद्यापही शेतकऱ्यांना भरपाई मिळालेली नाही. शेतकरी खरीप हंगामात मोठा फटका बसल्यानंतर आता रब्बी हंगामातही अपेक्षित उत्पन्न न आल्याने अडचणीत आले आहेत. सध्या बॅंकांचे कर्ज भरायचे आहे. कर्जमाफीची अंमलबजावणी व्यवस्थित झालेली नाही. यामुळे समस्या अधिकच्या वाढल्याचे शेतकऱ्यांचे म्हणणे आहे.

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...