agriculture news in marathi, farmers waiting for measures, sangli, maharashtra | Agrowon

जत तालुक्यातील दुष्काळग्रस्तांना प्रतीक्षा उपाययोजनांची
टीम अॅग्रोवन
मंगळवार, 13 नोव्हेंबर 2018

सरकारने दुष्काळ जाहीर केला. केंद्राच्या समितीमार्फत तपासणी केली जाणार, असे सांगितले होते. मात्र अद्यापही समिती आलेली नाही. पाणी नाही, रब्बीची पेरणी केलेली नाही. खरीप हंगामातील पिकांसाठी विमा संरक्षण घेतले आहे. आता सरकारने खरीप हंगामातील नुकसान झालेल्या पिकांचे सर्वेक्षण करून भरपाई द्यावी. तसेच जनावरांसाठी चारा डेपो सुरू करावेत.
- दिलीप पाटील, शेतकरी, हळ्ळी, ता. जत, जि सांगली.

सांगली  : जत तालुक्यातील शेतकरी दुष्काळाच्या भीषण संकटात सापडले आहेत. त्यांना मदतीची गरज आहे. शासनाने या संदर्भात तत्काळ पावले उचलावीत, अशी अपेक्षा आहे. सर्व जलस्रोत आटत चालले आहेत. टंचाईमुळे पाण्यासाठी लोकांची मोठी धावपळ होत आहे. दुष्काळग्रस्तांना दिलासा देण्यासाठी शासनाने केलेल्या घोषणा अद्यापही हवेतच आहेत.

तालुक्यात चाराटंचाईमुळे पशुधन धोक्यात आले आहे. खरीप आणि रब्बी पिकांची आशा संपुष्टात आली आहे. थोड्याफार पाण्यावर जगवलेल्या द्राक्ष व डाळिंब बागाही संकटात आहेत. त्यामुळे जनतेत दिवाळीचाही उत्साह जाणवला नाही. दुष्काळाचा परिणाम बाजारपेठेवरदेखील दिसून येत आहे. परिणामी खरेदी व विक्रीदेखील थंडावली आहे.

खरीप आणि रब्बी हंगांम वाया गेल्याने शेतकरी आर्थिक संकटात सापडले आहेत. त्यांच्या डोक्यावर कर्जाचा भार वाढत आहे. शासनाने सरसकट कर्जमाफी न करता गुंतागुंताची प्रक्रिया राबविली आहे. या कर्जमाफीबाबत संभ्रमावस्था निर्माण  झाली आहे. सहा महिने झाली तरीही अजूनही कर्जमाफीची प्रक्रिया सुरूच आहे.

दोन्ही हंगाम व फळपीक विम्याची भरपाई तातडीने मिळणे गरजेचे होते. मात्र, अद्याप ती मिळालेली नाही. बोटावर मोजण्याइतक्या लाभार्थ्यांना पीकविम्याचा लाभ मिळाला आहे. दुष्काळी स्थिती असलेल्या तालुक्यांसाठी विविध उपाययोजना केवळ जाहीर करण्यात आल्या आहेत. प्रत्यक्षात कार्यवाहीला अद्यापही प्रारंभ झालेला नाही. पीक नुकसानभरपाईपोटी सरकारकडून मदत केव्हा जाहीर होणार, याची प्रतीक्षा शेतकऱ्यांना आहे.

‘म्हैसाळ’चे पाणी सोडून दिलासा द्यावा
जत तालुक्यात म्हैसाळ योजनेचे काम प्रगतिपथावर आहे. तालुक्यातील १६ सिंचन तलावात पाणी सोडण्याचे आदेश जिल्हाधिकाऱ्यांनी दिले आहेत. मात्र, अद्याप पाणी सोडलेले नाही. प्रतापपूर, वाळेखिंडी, कोसारी, बेळुंखी, बिरनाळ, तिप्पेहळ्ळी, शेगाव, कुडनूर, शिंगणापूर, अंकले, डोर्ली, हिवरे, सिंगणहळ्ळी, काशिलिंगवाडी  तसेच  यात समावेश नसलेल्या येळवी, सनमडी या तलावातही म्हैसाळ योजनेतून पाणी सोडण्याची मागणी होत आहे. दुष्काळी स्थिती पाहता त्वरित पाणी सोडण्याची आवश्यकता आहे.
 

इतर ताज्या घडामोडी
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...
साडेचौदा टन केशर, बदामी आंबा...मुंबई : वातावरण नियंत्रित करून फळाचे...