agriculture news in marathi, Farmers will get daily advice on weather | Agrowon

शेतकऱ्यांना लवकरच मिळणार दररोज हवामान सल्ला
टीम अॅग्रोवन
सोमवार, 15 जानेवारी 2018

नागपूर : राज्यात सुमारे दोन हजारांवर स्वयंचलित हवामान केंद्रांची उभारणी पूर्ण झाली आहे. या केंद्रांद्वारे शेतकऱ्यांना क्रॉपसॅपच्या धर्तीवर हवामान सल्ला देण्याचे प्रस्तावित आहे. प्रकल्पाची सुरवात जानेवारीच्या अखेरीस किंवा फेब्रुवारीच्या दुसऱ्या आठवड्यात मुख्यमंत्र्यांच्या उपस्थितीत होणार असल्याचे कृषी विभागाच्या सूत्रांनी सांगितले.

नागपूर : राज्यात सुमारे दोन हजारांवर स्वयंचलित हवामान केंद्रांची उभारणी पूर्ण झाली आहे. या केंद्रांद्वारे शेतकऱ्यांना क्रॉपसॅपच्या धर्तीवर हवामान सल्ला देण्याचे प्रस्तावित आहे. प्रकल्पाची सुरवात जानेवारीच्या अखेरीस किंवा फेब्रुवारीच्या दुसऱ्या आठवड्यात मुख्यमंत्र्यांच्या उपस्थितीत होणार असल्याचे कृषी विभागाच्या सूत्रांनी सांगितले.

राज्यात सुमारे २ हजार ५० हवामान केंद्रांची उभारणी झाली आहे. डोंगरगाव (जि. नागपूर) येथे अशाप्रकारचे पहिले केंद्र उभारले गेले. त्याचे उद्‍घाटन मुख्यमंत्री देवेंद्र फडणवीस यांनी केले होते. प्रकल्पाअंतर्गत खासगी कंपनी कृषी विभागाला पुढची पाच वर्षे मोफत हवामान अपडेट पुरविणार आहे. या केंद्राच्या माध्यमातून सद्यःस्थितीत दर दहा मिनिटाला हवामानाचे अपडेट मिळण्याची सोय आहे. सध्या पुणे कृषी आयुक्‍तालय स्तरावर हा डेटा उपलब्ध करून देण्यात आला आहे. त्यानंतर आता प्रकल्प अंमलबजावणीच्या दुसऱ्या टप्प्यात कृषी विभागाने हा डेटा जिल्हा पातळीवर उपलब्ध होण्यासाठी युजरनेम आणि पासवर्ड अधिक्षक कृषी अधिकारी कार्यालयांना दिले आहेत. त्यामुळे जिल्हा पातळीवरदेखील हवामानाची माहिती मिळण्याची सोय झाली आहे.

जिल्हा कार्यालयामार्फत शेतकऱ्यांचे मोबाईल क्रमांक घेत त्यांना हवामानाची माहिती कळविली जाईल. त्याआधारे शेतकरी पीक व्यवस्थापनाचा अंदाज घेतील आणि त्यांना पीक वाचविण्यासाठीच्या उपाययोजनांचे नियोजनदेखील करता येणार आहे. जानेवारीअखेरीस या उपक्रमाचे मुख्यमंत्री देवेंद्र फडणवीस यांच्या हस्ते उद्‍घाटन होईल, अशी शक्‍यता आहे किंवा क्रॉपसॅपप्रमाणे हवामान सल्ला देण्याचे नियोजन करण्यात येईल का? याची चाचपणीदेखील कृषी विभाग करत आहे. त्यावरदेखील मंथन सुरू असून, दोनपैकी कोणता पर्याय सोयीचा राहील, याविषयी निश्‍चिती झाल्यानंतर त्यानुसार कार्यक्रम राबविला जाणार आहे.

डोंगरगावचे साहित्य गेले चोरीला
वर्षभरापूर्वी नागपूरजवळच्या डोंगरगाव येथे पहिल्या स्वयंचलित हवामान केंद्राचे मुख्यमंत्री फडणवीस यांनी उद्‍घाटन केले. त्यानंतर त्या ठिकाणचे हवामान केंद्राचे साहित्य व यंत्रणाच चोरीला गेल्याचा प्रकार घडला होता. त्यामुळे स्कायमेटला ती पुन्हा नव्याने बसवावी लागली.

महसूल मंडलनिहाय हवामान केंद्रे उभारणीचे काम झाले आहे. त्यासंबंधीचा नियंत्रण कक्ष पुण्यात असून, क्रॉपसॅपच्या धर्तीवर हवामान सल्ला शेतकऱ्यांना देता येईल किंवा मोबाईलवर अपडेट देता येईल याविषयी विचार सुरू आहे. या प्रकल्पाचे मुख्यमंत्री उद्‍घाटन करतील, असे नियोजन आहे.
- सचिंद्र प्रतापसिंह, आयुक्‍त, कृषी

इतर अॅग्रो विशेष
परभणी, राहुरी कृषी विद्यापीठांना पाच...परभणी ः भारतीय कृषी संशोधन परिषदअंतर्गत कृषी...
कोकण, मध्य महाराष्ट्रात हलक्या ते मध्यम...पुणे : पावसाला पोषक हवामान झाल्याने आठवड्याच्या...
‘आरएसएफ’च्या मूळ सूत्रात घोडचूकपुणे: शेतकऱ्यांना हक्काचा ऊसदर मिळवून देणाऱ्या...
साखर कारखान्यांची धुराडी आजपासून पेटणारपुणे: राज्यातील साखर कारखान्यांच्या गाळप हंगामाला...
सहकारी बॅंकांना एकाच छताखाली आणणार :...पुणे ः सहकार क्षेत्राला ‘अच्छे दिन’ आणण्यासाठी...
चला मिरचीच्या आगारात राजूरा बाजारात...मिरचीचे आगार अशी ओळख अमरावती जिल्ह्यातील राजूरा...
‘एसआरटी’ तंत्राने मिळाली उत्पादनासह...पेंडशेत (ता. अकोले, जि. नगर) या कळसूबाई शिखराच्या...
तुटवड्यामुळे कांद्याच्या दरात सुधारणानवी दिल्ली ः देशातील महत्त्वाच्या कांदा उत्पादक...
कृषी विद्यापीठांचे संशोधन आता एका...मुंबई ः राज्यातील चारही कृषी विद्यापीठांनी केलेले...
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
होय, आम्ही बदलू शेतीचे चित्र... ‘शाळेत सुरू असलेल्या कृषी शिक्षण अभ्यासक्रमातून...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
कोकण, पश्‍चिम महाराष्ट्रात काही ठिकाणी...पुणे : कोकण अाणि पश्‍चिम महाराष्ट्रात काही ठिकाणी...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...
अठरा गावांनी केली कचऱ्यापासून गांडूळखत...गावे आणि वाडीवस्त्याही स्वच्छतेत अग्रभागी...
‘सीसीआय’च्या खरेदीला दिवाळीत मुहूर्तमुंबई : देशातील महत्त्वाच्या कापूस उत्पादक...