साताऱ्यात मेथी, कोथिंबिरीला प्रतिशेकडा १००० ते १५०० रुपये

सातारा : येथील कृषी उत्पन्न बाजार समितीत मंगळवारी (ता.१६) मेथी, कोथिंबीर, भेंडी, पावटा, वॅाल घेवडा, काळा घेवडा तेजीत आहे. मेथीच्या १५०० जुड्याची आवक होऊन तिला प्रतिशेकडा १००० ते १५०० असा दर मिळाला. कोथिंबिरीची १८०० जुड्याची आवक झाली. तिला देखील प्रतिशेकडा १००० ते १५०० असा दर मिळाला. मेथी आणि कोथिंबिरीची शेकड्यामागे ३०० रुपयांची दरवाढ झाली असल्याची माहिती बाजार समितीच्या सूत्रांनी दिली.  

पावट्याची एक क्विंटल आवक, तर दर प्रतिदहा किलो ४०० ते ५०० असा राहिला.  पावट्यास दहा किलो मागे १०० रुपयांची दरवाढ मिळाली. भेंडीची १० क्विंटल आवक होऊन प्रतिदहा किलोस २०० ते ३०० असा दर मिळाला. वॅाल घेवड्याची एक क्विंटल आवक झाली असून दहा किलो घेवड्यास ३०० ते ३५० असा राहिला. काळा घेवड्याची दोन क्विंटल आवक झाली असून दहा किलो घेवड्यास ३०० ते ४०० असा दर मिळाला.

भेंडी, वॅाल घेवडा, काळा घेवड्यास दहा किलो मागे शंभर रुपयांची दरवाढ मिळाली. वांग्याची नऊ क्विंटल आवक, तर दर दहा किलोस २०० ते २८० रुपये राहिला. हिरवी मिरचीची ४२ क्विंटल आवक झाली. तिला प्रतिदहा किलोस १०० ते १२० असा दर मिळाला. ढोबळी मिरचीची २५ क्विंटल आवक झाली असून तिला प्रतिदहा किलो १५० ते २०० असा दर मिळाला. शेवग्याची आठ क्विंटल आवक होऊन त्याला ३०० ते ४०० असा दर मिळाला. दोडक्याची आठ क्विंटल आवक होऊन दहा किलो दोडक्यास २०० ते २५० असा दर मिळाला. कारल्याची सात क्विंटल आवक झाली. त्याला प्रतिदहा किलो १५० ते २०० असा दर मिळाला. ओल्या भुईंमूग शेंगेची १२ क्विंटल आवक झाली असून दहा किलो शेंगेस ३०० ते ४०० असा दर मिळाला.