agriculture news in marathi, fertilizer demand, rabbi season, pune region, maharashtra | Agrowon

पुणे विभागात रब्बीसाठी आठ लाख टन खताची मागणी
संदीप नवले
सोमवार, 25 सप्टेंबर 2017
पुणे  ः गेल्या चार ते पाच दिवसांपासून पावसाचा जोर ओसरला आहे. त्यामुळे शेतकऱ्यांनी रब्बी हंगामाची तयारी सुरू केली आहे. शेतकऱ्यांची गरज लक्षात घेत जिल्हास्तरावरून आलेल्या मागणीनुसार विभागीय कृषी सहसंचालक कार्यालयाने कृषी आयुक्त कार्यालयाकडे आठ लाख ३१ हजार ८५२ मेट्रिक टन खतांची मागणी नोंदविली आहे. येत्या काही दिवसांत कृषी आयुक्तालयाकडून मंजुरी मिळाल्यानंतर त्याचे वाटप करण्यात येणार असल्याचे कृषी विभागाच्या सूत्रांनी सांगितले. 
 
पुणे  ः गेल्या चार ते पाच दिवसांपासून पावसाचा जोर ओसरला आहे. त्यामुळे शेतकऱ्यांनी रब्बी हंगामाची तयारी सुरू केली आहे. शेतकऱ्यांची गरज लक्षात घेत जिल्हास्तरावरून आलेल्या मागणीनुसार विभागीय कृषी सहसंचालक कार्यालयाने कृषी आयुक्त कार्यालयाकडे आठ लाख ३१ हजार ८५२ मेट्रिक टन खतांची मागणी नोंदविली आहे. येत्या काही दिवसांत कृषी आयुक्तालयाकडून मंजुरी मिळाल्यानंतर त्याचे वाटप करण्यात येणार असल्याचे कृषी विभागाच्या सूत्रांनी सांगितले. 
 
चालू वर्षी जून, जुलै महिन्यात पावसाचा खंड पडल्याने बहुतांशी भागात खरीप पिके वाया गेली आहेत. त्यामुळे विभागात रब्बी हंगामातील पिकांचे पेरणी क्षेत्र वाढण्याची शक्‍यता आहे. त्यामुळे कृषी विभागाने लवकर तयारी करून खतपुरवठा करण्याचे नियोजन सुरू केले आहे. शेतकऱ्यांना तालुका, गाव पातळीवरील कृषी सेवा केंद्रामार्फत खतपुरवठा केला जाणार आहे. विभागात रब्बीचे सरासरी क्षेत्र सुमारे अठरा लाख ७३ हजार ३९० हेक्‍टर असून, या क्षेत्रावर पेरणी होण्याचा अंदाज आहे. हे लक्षात घेत खताची मागणी करण्यात आली आहे. तसेच बियाण्यांचीही एक लाख ७७ हजार १९९ क्विंटल मागणी नोंदविण्यात आली आहे. 
 
यंदा विभागातील सोलापूर जिल्ह्यात रब्बीची सर्वाधिक आठ लाख ३१ हजार ५७० हेक्‍टरवर पेरणी होण्याचा अंदाज आहे. त्यानुसार सोलापूर जिल्ह्यातून  तीन लाख ४० हजार ५०० मेट्रिक टन खतांची मागणी नोंदविण्यात आली आहे. नगर जिल्ह्यात सहा लाख ४३ हजार २८० हेक्‍टरवर पेरणी होण्याची शक्‍यता असून, त्यासाठी दोन लाख ६४ हजार ३२२ मेट्रिक टन खताची मागणी नोंदविण्यात आली आहे. पुणे जिल्ह्यात तीन लाख ९८ हजार ५४० हेक्‍टरसाठी सुमारे दोन लाख २७ हजार ३० मेट्रिक टन खताची मागणी नोंदविण्यात आली आहे.
 
रब्बी हंगामात युरियाला सर्वाधिक मागणी असते. त्यामुळे त्याची गरज लक्षात घेऊन पुणे विभागासाठी तीन लाख २५ हजार ६९७ मेट्रिक टन मागणी करण्यात आली आहे. त्यामुळे रब्बी हंगामात त्याची अडचण भासणार नसल्याची माहिती कृषी विभागाच्या सूत्रांनी दिली.  
 
रब्बी हंगामात पुणे जिल्ह्यातील शेतकरी गट किवा शेतकरी कंपन्यांनी रासायनिक खताची मागणी कृषी विभागाकडे केल्यानंतर त्यांनाही खताचा थेट पुरवठा करण्याचे नियोजन कृषी विभागाने केले आहे. त्यासाठी शेतकरी गट, शेतकरी कंपन्यांनी तालुका कृषी अधिकारी, जिल्हा अधीक्षक कृषी अधिकारी यांच्याशी संपर्क साधून मागणी नोंदविण्याचे आवाहन कृषी विभागाने केले आहे.   

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...