agriculture news in marathi, fertilizer supply status, jalgon, maharashtra | Agrowon

जळगाव जिल्ह्यात खतपुरवठा कमीच
टीम अॅग्रोवन
शनिवार, 23 डिसेंबर 2017
जिल्ह्यातील खतांचा साठा मुबलक आहे. आम्ही खतसाठा पॉइंटची पाहणी केली आहे. खतपुरवठा ही बाब खत कंपन्यांच्या हातात आहे. आपला पाठपुरावा त्यासाठी असतो. 
- मधुकर चौधरी, कृषी विकास अधिकारी, जळगाव.
जळगाव : जिल्ह्यात युरियाचा या महिन्यातील पुरवठा मंजूर लक्ष्यांकाच्या तुलनेत कमी असून, बुधवार (ता. २१) अखेर एकूण ५७ टक्के पुरवठा झाला आहे. तसेच इतर खतांचा पुरवठाही कमीच आहे. परंतु जिल्ह्यात खरिपातील शिल्लक खते व या हंगामात पुरवठा झालेली खते मिळून मुबलक प्रमाणात खते उपलब्ध आहेत. संयुक्त व सरळ खते मिळून २२ हजार २०६ मेट्रिक टन खते उपलब्ध असल्याचे जिल्हा परिषदेच्या कृषी विभागाने म्हटले आहे. 
 
रब्बी हंगामाचा निम्म्यापेक्षा अधिक कालावधी निघून गेला आहे. जिल्ह्यात केळीसह मका, गव्हाला खते अधिक लागतात. तसेच हरभऱ्याचीही अपेक्षेपेक्षा अधिक पेरणी झाल्याने त्यासाठीही खतांची मागणी आहे. रब्बीसाठी एकूण ८६ हजार मेट्रिक टन युरिया, ५३ हजार ३०० मेट्रिक टन सुपर फॉस्फेट, २९ हजार मेट्रिक टन पोटॅश आणि ११ हजार १०० मेट्रिक टन डीएपीचा पुरवठा अखेरपर्यंत होईल, असे कृषी आयुक्‍तालयाने म्हटले आहे.
 
डिसेंबरअखेरपर्यंत २५ हजार ८०० मेट्रिक टन युरियाचा पुरवठा अपेक्षित होता, बुधवारपर्यंत यातील १४ हजार ६२० मेट्रिक टन पुरवठा झाला आहे. तसेच १२ हजार ८१६ मेट्रिक टन सुपर फॉस्फेटचा पुरवठा अपेक्षित असून, बुधवारपर्यंत पाच हजार ७७३ मेट्रिक टन पुरवठा झाला. पोटॅशचा ६९६० मेट्रिक टन पुरवठा अपेक्षित होता. या तुलनेत कमी म्हणजेच चार हजार ६९७ मेट्रिक टन पुरवठा झाला आहे. 
 
डीएपीचा दोन हजार ६६४ मेट्रिक टन पुरवठा व्हायला हवा, पण यातील १७८० मेट्रिक टन पुरवठा झाला आहे. संयुक्त खतांचा एकूण ११ हजार ३१६ मेट्रिक टन पुरवठा अपेक्षित होता, पैकी पाच हजार ६२४ मेट्रिक टन खतपुरवठा झाला असल्याची माहिती जिल्हा परिषदेच्या कृषी विभागातून मिळाली. हा पुरवठा कमी दिसत असला तरी खरिपातील खते शिल्लक आहेत. शिवाय ज्या खतांचा पुरवठा झाला त्यांची पूर्णतः विक्री झालेली नाही. खते शिल्लक असल्याने टंचाई नाही. मुबलक खते असल्याचा दावा कृषी विभागाने केला.

इतर ताज्या घडामोडी
शेतकऱ्याने तयार केली डिझेलवरची बाईकसांगली : वाढत्या पेट्रोलच्या सुटकेसाठी...
शेतकऱ्यांना फसविणारे विक्रेते,...सोलापूर : शेतकरी केंद्रबिंदू मानून...
धुळे जिल्ह्यात पूर्वहंगामी कापूस...धुळे : जिल्ह्यात पूर्वहंगामी कापूस लागवडीची...
जळगाव जिल्ह्यात खरिपासाठी मुबलक खतेजळगाव : जिल्ह्यात आगामी खरिपासाठी शेतकऱ्यांची...
सोलापुरात गाजर, काकडीचे दर वधारले,...सोलापूर ः सोलापूर कृषी उत्पन्न बाजार समितीच्या...
कारखान्यांनी थकीत `एफआरपी' त्वरीत...सोलापूर : जिल्ह्यातील साखर कारखान्यांनी थकवलेले...
हमीभाव खरेदी बंद होताच तुरीचे दर झाले...नागपूर ः शासनाची हमीभाव खरेदी बंद होताच तुरीचे दर...
नगरला गव्हाला १६४१ ते १८५० रुपये...नगर : नगर बाजार समितीत गव्हाची आवक बऱ्यापैकी होत...
नाशिकला आंबा, खरबूज, कलिंगड तेजीतनाशिक : वाढत्या उन्हाबरोबरच नाशिक बाजार समितीत...
कासवाच्या लिंगनिर्धारणामागील जनुकीय...गेल्या ५० वर्षांपासून अंडी उबण्याच्या...
सातारा जिल्ह्यात पाणीटंचाई वाढलीसातारा  : जिल्ह्यात पाणीटंचाईच्या झळा वाढू...
अग्रणी नदी पुन्हा अतिक्रमणाच्या विळख्यातसांगली : तासगाव, कवठेमहांकाळ तालुक्‍यांतील अग्रणी...
पुण्यातील डाळिंब, पेरू, चिकू बागांना...पुणे  : जिल्ह्यातील मृग बहारातील डाळिंब,...
इंदापुरातील नीराकाठची पिके जळण्याच्या...वालचंदनगर, जि. पुणे  ः इंदापूर तालुक्‍यातील...
नगर जिल्ह्यात ‘कृषी’च्या कामांवरच ‘...नगर  ः जलयुक्त शिवार अभियानाची कामे...
विषबाधा बळीप्रकरणी पावणेदोन कोटींची मदतअकोला : कीटकनाशक फवारणी करताना विषबाधा होऊन मृत...
हिंगोलीतील १०३ गावांची ‘जलयुक्त शिवार’...हिंगोली : जलयुक्त शिवार अभियानाच्या चौथ्या...
विधान परिषदेच्या ६ जागांसाठी उत्साहात...मुंबई ः स्थानिक स्वराज्य संस्थांमधून विधान...
सैन्य दलात अधिकारी होण्याची संधीमुंबई : भारतीय सैन्यदल, नौदल व वायुदलात...
कर्नाटक: कामगारांच्या पत्राशेडमध्ये...विजयपूर : नुकतेच कर्नाटकात विधानसभेची निवडणुका...