agriculture news in marathi, fertilizers and seeds planning for kharip, jalgaon, maharashtra | Agrowon

जळगावमध्ये तीन लाख ४० हजार टन खतांची मागणी
टीम अॅग्रोवन
रविवार, 15 एप्रिल 2018
खरीप हंगामासंबंधी बियाणे व खतांची तयारी केली असून, मागणी नोंदणी यापूर्वीच करण्यात आली आहे. लवकरच मागणी मंजुरी प्राप्त होईल. यानंतर नेमके किती बियाणे व खते येतील, हे स्पष्ट होईल. 
- मधुकर चौधरी, कृषी विकास अधिकारी, जिल्हा परिषद, जळगाव.
जळगाव : कृषी विभागाने जिल्ह्यात खरीप हंगामाची तयारी सुरू केली आहे. त्यात यंदा तीन लाख ४० हजार मेट्रिक टन खतांची मागणी करण्यात आली आहे. खते मुबलक प्रमाणात उपलब्ध व्हावीत, यासाठी मागणी अधिक केली असून, खत वितरण लक्ष्यांक अजून मंजूर झालेला नाही. परंतु यंदा खतांची कोणतीही टंचाई नसणार, असे जिल्हा परिषदेच्या कृषी विभागाने म्हटले आहे. 
 
जिल्ह्यात यंदा सुमारे साडेसात लाख हेक्‍टरवर खरीप हंगाम उभा राहील, असा अंदाज आहे. कापसाखालील क्षेत्र सर्वाधिक चार लाख ६५ हजार हेक्‍टरपर्यंत असू शकते. परंतु कापसाखालील क्षेत्रात घट होईल, असे तज्ज्ञ व जाणकार यांचे म्हणणे आहे. यापाठोपाठ तृणधान्य, कडधान्य व गळीतधान्यवर्गीय पिकांची पेरणी होईल.
 
जिल्ह्यात खतांचा सर्वाधिक वापर केला जातो. ही बाब लक्षात घेता बियाण्यांप्रमाणे खतांचेही नियोजन कृषी विभागाने केले आहे. या संदर्भातील माहिती नुकत्याच झालेल्या खरीप आढावा बैठकीमध्ये पालकमंत्री चंद्रकांत पाटील व इतर वरिष्ठांना कृषी विभागाने दिली. युरियाची मागणी अधिक असते. त्यामुळे युरियाचा सर्वाधिक पुरवठा करून घेण्याकडे कृषी विभागाचा कल असणार आहे, असे सूत्रांनी सांगितले. तशी युरियाची सर्वाधिक मागणीही केली असून, जेवढी मागणी केली, तेवढा पुरवठा करून घेण्यात येईल, असे सांगण्यात आले. 

जिल्ह्यात बीटी कापसाची लागवड ९० टक्‍क्‍यांवर असते. ही बाब लक्षात घेता यंदा २२ लाख २९ हजार २०२ पाकिटांची मागणी करण्यात आली आहे. खासगी बियाणे पुरवठादार कंपन्या हा पुरवठा करतील. नॉन बीटीची ८६ हजार ९४३ पाकिटे मिळावीत, यासाठी मागणीपत्र तयार केले आहे. रावेर, यावल व जामनेर भागांत नॉन बीटीची लागवड अधिक केली जाते, अशी माहिती मिळाली.

अमळनेर, जामनेर, चोपडा या तालुक्‍यांमध्ये कापसाची सर्वाधिक लागवड होईल. पूर्वहंगामी कापसाखाली क्षेत्र यंदा सुमारे एक लाख हेक्‍टरपर्यंत राहू शकते, असा अंदाज आहे. तर  कडधान्य, गळितधान्य, तृणधान्य आदी पिकांसाठी ४६ हजार ७७४ क्विंटल बियाण्यांची मागणी खासगी बियाणे कंपन्या, महाबीज आणि राष्ठ्रीय बियाणे मंडळाकडे करण्यात आली आहे. 

इतर ताज्या घडामोडी
जळगाव जिल्ह्यात नवती केळीचे दर स्थिरजळगाव ः जिल्ह्यात नवती केळीचे दर मागील आठवड्यात...
कोल्हापुरात फळांची आवक मंदावली,...कोल्हापूर : येथील कृषी उत्पन्न बाजार समितीत या...
कळमणा बाजारात सोयाबीनच्या दरात वाढनागपूर ः सोयाबीनच्या दरात अल्पशी वाढ वगळता कळमणा...
नाशिकला टोमॅटोची आवक वाढली; कांदा,...नाशिक : नाशिक बाजार समितीत गतसप्ताहात टोमॅटोची...
कपाशीतील किडींचे एकात्मिक नियंत्रणसध्या कपाशीचे पीक पाते, फुले व बोंड लागण्याच्या...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...