agriculture news in marathi, final phase of tur harvesting, sangali, maharashtra | Agrowon

सांगली जिल्ह्यात तूर काढणी अंतिम टप्प्यात
टीम अॅग्रोवन
बुधवार, 24 जानेवारी 2018

हंगामाच्या सुरवातीला तुरीला ४ हजार रुपये  प्रतिक्विंटल दर मिळाला. पण गेल्या चार दिवसांपासून २३०० ते ३ हजार रुपये असा दर मिळतो. त्यामुळे आमचा तोटा होतोय. जतमध्ये तूर खरेदी केंद्र सुरू नाही. त्यामुळे खासगी व्यापाऱ्यांना कमी दरात तूर विक्री करावी लागतेय.
- विश्‍वनाथ माळी, तूर उत्पादक शेतकरी, वळसंग, ता. जत, जि. सांगली.

सांगली : जिल्ह्यातील जत, आटपाडी, कवठेमहांकाळ, तासगाव तालुक्‍यात तुरीचे पीक घेतले जाते. येथे तूर काढणी अंतिम टप्प्यात आली आहे.शेतकरी बाजारात तूर विक्रीसाठी येऊ लागले आहेत. सुरवातीच्या काळात तुरीला चार हजार रुपये प्रति क्विंटल असा दर होता. शासकीय खरेदी केंद्र सुरू नसल्याने व्यापाऱ्यांनी दर पाडल्याने शेतकऱ्यांना २५०० ते ३६०० रुपये क्‍विंटल दराने तुरीची विक्री करावी लागते आहे. यामुळे तूर पिकासाठीचा उत्पादन खर्चही निघणे मुश्‍कील झाले आहे.

जिल्ह्यात गेल्या वर्षी पावसाची कमतरता यामुळे तुरीच्या क्षेत्रात घट झाली. पाणीटंचाईमुळे शेतकऱ्यांनी तूर पीक काढून टाकले होते. सध्या जत तालुक्‍यात तूर काढणी अंतिम टप्प्यात आली आहे. मात्र, शासनाने तूर खरेदी केंद्र सुरू करण्यासाठी कोणत्याच हालचाली सुरू केल्या नसल्याचे चित्र आहे. वास्तविक पाहता तूर काढणीचा हंगाम सुरू होण्याअगोदर शासकीय खरेदी केंद्र सुरू होणे आवश्‍यक आहे. पण तसे होताना दिसत नाही. त्यामुळे शेतकरी आजमितीस तुरीच्या विक्रीसाठी खासगी व्यापाऱ्यांचा आधार घेत आहेत. शेतकऱ्यांकडील तूर विक्री करून झाल्यानंतर खरेदी केंद्र सुरू केले जाते. यामुळे शेतकऱ्यांना खरेदी केंद्राचा उपयोग होत नाही. त्यामुळे हंगाम सुरू होण्यापूर्वीच तूर खरेदी केंद्र सुरू झाले पाहिजे, असे शेतकऱ्यांनी सांगितले.

शासकीय तूर खरेदी केंद्र सुरू केले तरच तुरीचे दर वाढतील अशी आशा शेतकऱ्यांना आहे. मात्र, जोपर्यंत खरेदी केंद्र सुरू होत नाही, तोपर्यंत शेतकऱ्यांना अपेक्षित दर मिळणार नाही. तुरीला सुरवातीला ४ हजार रुपये प्रति क्विंटल दर मिळत होता. त्याच तुरीला आज अडीच हजार ते तीन हजार सहाशे असा दर मिळतोय. खरेदी केंद्र सुरू नसल्याने व्यापारी फायदा घेत तुरीचे दर पाडताहेत. 

गेल्यावर्षी अपेक्षित पाऊस झाला नाही. याचा फटका तूर पिकाला बसला आहे. त्यामुळे उत्पादनात घट झाली आहे. गेल्यावर्षी एकरी ९ ते दहा क्विंटल उत्पादन मिळत होते. मात्र, यंदाच्या हंगामात ५० किलोच्या तीन ते चार पोत्यांचे उत्पादन मिळतेय. तुरीला दर नसल्याने या पिकाचा उत्पादन खर्चही निघत नसल्याचे शेतकऱ्यांनी सांगितले.

टॅग्स

इतर ताज्या घडामोडी
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...