अखेर तिसंगी तलावात सोडले पाणी

अखेर तिसंगी तलावात सोडले पाणी
अखेर तिसंगी तलावात सोडले पाणी

तिसंगी, जि. सोलापूर : पंढररपूर तालुक्‍यातील तिसंगी तलावात पाणी सोडण्याच्या मागणीसाठी सुरू असलेल्या आंदोलनात आमदार गणपतराव देशमुख, माजी आमदार दीपक साळुंखे, ‘पांडुरंग''चे संचालक तानाजीराव वाघमोडे, ‘सहकार शिरोमणी''चे संचालक भारत कोळेकर, मच्छिंद्र पाटील आदींसह शेतकरी इन लेट नाला येथे ठाण मांडून बसले. त्यामुळे शासकीय यंत्रणेला ४८ तासांच्या प्रतीक्षेनंतर जाग आली आणि अखेरीस तिसंगी तलावात पाणी सोडण्याचा निर्णय झाला. त्यानुसार गुंजवणी धरणातून अर्धा टीएमसी पाणी सोडण्यात आले.

जलसंपदामंत्र्यांच्या सचिवांबरोबर चर्चा करून फलटण येथील नीरा उजवा कालवा कार्यालयाचे कार्यकारी अभियंता ए. पी. निकम यांनी यासंबंधीचे आदेश दिले. तिसंगी तलावात पाणी सोडण्याच्या मागणीसाठी संजय कारंडे, अशोक पवार, माजी सरपंच विजय पवार इन लेट नाला येथे आंदोलनास बसले. आंदोलनस्थळी गणपतराव देशमुख यांनी भेट दिली. परिस्थिती पाहून तेही आंदोलनात सहभागी झाले. देशमुख यांच्यासह दीपक साळुंखे यांनी संपूर्ण रात्र शेतकऱ्यांसोबत थंडीत काढली. अखेर मंत्री व प्रशासनाला नमती भूमिका घ्यावी लागली.

दरम्यान, या वेळी आमदार भारत भालके, माजी आमदार शहाजी पाटील, सहकार शिरोमणी कारखान्याचे अध्यक्ष कल्याणराव काळे, पोलिस निरीक्षक किरण अवचर, राजकुमार केंद्रे, शेतकरी संघटनेचे जिल्हाध्यक्ष समाधान फाटे, सरपंच अशोक पाटील, हरिदास थोरात, तानाजी गोफणे, मल्हारी खरात आदींसह अनेक तरुण शेतकरी उपस्थित होते. आंदोलनकर्त्या कार्यकर्त्यांसोबत चटणी भाकरी खाऊन आंदोलन संपविण्यात आले.

तिसंगी तलावात पाणी सोडताना ४०० क्‍युसेकने पाणी आणून प्रत्येकी २०० क्‍युसेक पाणी तिसंगी तलावात आणि कासेगाव-अनवली परिसरातील गावांना देण्यात यावे, अशी आमची मागणी होती. त्यानुसार हे पाणी सोडण्यात आले, असे देशमुख यांनी सांगितले. यापुढेही अधिकाऱ्यांनी योग्य तो विचार करुन निर्णय घ्यावा, आंदोलनाची अशी वेळ पुन्हा पुन्हा येऊ नये, अशी अपेक्षा त्यांनी व्यक्त केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com