जालना बाजार समिती विभागातून प्रथम

औरंगाबाद : बाजार समितीच्या कायद्याला अनुसरून उत्कृष्ट कार्य करणाऱ्या जालना बाजार समितीला महाराष्ट्र राज्य बाजार समिती सहकारी संघ मर्यादित पुणे या संस्थेतर्फे विभागातून पहिला पुरस्कार देऊन नुकतेच गौरविण्यात आले. विभागातून द्वितीय येणाऱ्या औरंगाबाद जिल्ह्यातील वैजापूर व तृतीय आलेल्या जालना जिल्ह्यातील भोकरदन बाजार समितीचाही पुरस्कार देऊन गौरव करण्यात आला.

महाराष्ट्र राज्य बाजार समिती सहकारी संघ मर्यादित पुणेच्या वार्षिक सर्वसाधारण सभेत गुरुवारी (ता. २७) या पुरस्काराचे वितरण करण्यात आले. पणन संचालक दीपक तावरे, कृषी पणन मंडळाचे सरव्यस्थापक सुनील पवार, बाजार समिती संघ पुणे, अध्यक्ष दिलीप मोहिते पाटील यांच्या हस्ते या पुरस्काराचे वितरण करण्यात आले. बाजार समितीच्या कायद्याला अनुसरून उत्कृष्ट काम करणाऱ्या बाजार समित्यांना कै. वसंत दादा पाटील यांच्या नावाने महाराष्ट्र राज्य बाजार समिती सहकारी संघ मर्यादित पुणेच्या वतीने पुरस्कार देऊन गौरविले जाते. यंदा पुरस्काराचे हे दुसरे वर्ष होते. औरंगाबाद विभागातून प्रथम पुरस्कार स्वीकारण्यासाठी जालना बाजार समितीचे सचिव गणेश चौगुले, मोहन राठोड, चिनके आदींची उपस्थिती होती.

दुसऱ्या क्रमांकाचा पुरस्कार प्राप्त करणाऱ्या वैजापूर बाजार समितीचे सभापती काकासाहेब रामकृष्ण पाटील, उपसभापती राजेंद्र चव्हाण, संचालक संजय निकम, ज्ञानेश्वर जगताप, भागीनाथ मगर, रामहरी जाधव, दिगंबर खंडागळे, सुरेश आल्हाट, राजेंद्र कराळे, सुरेश तांबे, कैलासचंद्र बोहरा, बद्रीअण्णा गायकवाड, संतोष सूर्यवंशी, उदय सोनवणे, सचिव विजय सिनगार आदींनी पणन संचालकांसह इतर मान्यवरांच्या हस्ते पुरस्कार स्वीकारला. भोकरदन बाजार समितीचे सभापती कौतीकराव जगताप, सचिव दादाराव दळवी, संतोष ढाले आदींनी पुरस्कार स्वीकारला.