Agriculture News in Marathi, first phase Gujarat assembly election polling on Saturday | Agrowon

गुजरातमध्ये पहिल्या टप्प्यात अाज मतदान
वृत्तसेवा
शनिवार, 9 डिसेंबर 2017

अहमदाबाद, गुजरात ः संपूर्ण देशाचे लक्ष लागून राहिलेल्या गुजरात विधानसभेच्या पहिल्या टप्प्यातील ८९ जागांसाठी शनिवारी (ता. ९) मतदान होणार अाहे. पहिल्या टप्प्यात ९७७ उमेदवार रिंगणात अाहेत. त्यात ५७ महिला उमेदवारांचा समावेश अाहे. सुमारे ५० पक्षांनी उमेदवार उभे केले असून, अपक्ष उमेदवारांची संख्या मोठी अाहे. पहिल्या टप्प्यात २ कोटी १२ लाख मतदार मतदानाचा हक्क बजावणार अाहेत.

अहमदाबाद, गुजरात ः संपूर्ण देशाचे लक्ष लागून राहिलेल्या गुजरात विधानसभेच्या पहिल्या टप्प्यातील ८९ जागांसाठी शनिवारी (ता. ९) मतदान होणार अाहे. पहिल्या टप्प्यात ९७७ उमेदवार रिंगणात अाहेत. त्यात ५७ महिला उमेदवारांचा समावेश अाहे. सुमारे ५० पक्षांनी उमेदवार उभे केले असून, अपक्ष उमेदवारांची संख्या मोठी अाहे. पहिल्या टप्प्यात २ कोटी १२ लाख मतदार मतदानाचा हक्क बजावणार अाहेत.

पहिल्या टप्प्यात सौराष्ट्र अाणि दक्षिण गुजरातमधील २४,६०० मतदान केंद्रांवर मतदान प्रक्रिया पार पडणार अाहे. यासाठी कडक सुरक्षा व्यवस्था ठेवण्यात अाली अाहे. पहिल्या टप्प्यात भाजपचे सर्व ८९ जागांवर उमेदवार निवडणूक लढवित अाहेत. तर कॉँग्रेसकडून ८७ जागांवर उमेदवार उभे केले अाहेत. तर ४४३ अपक्ष उमेदवार निवडणूक रिंगणात अाहेत.

अाम अादमी पक्षाचे २१ जागांवर, शंकरसिंह वाघेला यांच्या नेतृत्त्वाखालील जन विकल्प पक्षाचे ४९ जागांवर, तर मायावती यांच्या बहुजन समाज पक्षाचे ६४ जागांवर उमेदवार निवडणूक लढवित अाहेत. तसेच समाजवादी पक्षाने ४, जेडी (यू) १४, राष्ट्रवादी कॉँग्रेस ३० अाणि शिवसेनेने २५ जागांवर उमेदवार उभे केले अाहेत. पहिल्या टप्प्यातील मतदान प्रक्रिया शनिवारी पार पडल्यानंतर दुसऱ्या टप्प्यातील मतदान १४ डिसेंबर रोजी होणार अाहे.

गेल्या काही दिवसांपासून भाजप अाणि कॉँग्रेसकडून राज्यात जोरदार प्रचार करण्यात अाला. विशेषतः पंतप्रधान नरेंद्र मोदी यांच्यासाठी गुजरातमधील निवडणूक प्रतिष्ठेचा विषय बनली अाहे. पाहिल्या टप्प्यातील प्रचाराची सांगता गुरुवारी (ता. ७) झाली. अाता मतदानाकडे सर्वांचे लक्ष लागून राहिले अाहे.

राज्यातील निवडणूक प्रचारात कॉँग्रेसने जीसएटी अाणि नोटाबंदीचा मुद्द्यावर भाजपवर हल्ला चढविला. तर कॉँग्रेस हा गुजरातविरोधी पक्ष असल्याचा अारोप करत पंतप्रधान मोदी यांनी करत ‘गुजरात अस्मिता कार्ड’चा वापर केला. पंतप्रधान मोदी यांनी १५ प्रचार सभा घेतल्या. तर कॉँग्रेसचे उपाध्यक्ष राहुल गांधी यांनीही जोरदार प्रचार करत एेतिहासिक सोमनाथ अाणि अन्य मंदिरांना भेटी देत हिंदू मतदारांचे लक्ष वेधून घेण्याचा प्रयत्न केला.

या वेळी काॅंग्रेस अध्यक्ष सोनिया गांधी गुजरातमधील प्रचारापासून दूर राहिल्या. माजी पंतप्रधान डाॅ. मनमोहनसिंग यांनी राजकोट, सूरत भागांना भेटी देऊन ‘नोटाबंदी हा अर्थव्यवस्था उद्‍ध्वस्त करणारा केंद्र सरकारचा निर्णय अाहे,’ असा प्रचार करत भाजप सरकारला लक्ष्य केले.

कॉँग्रेसचे भाजपपुढे कडवे अाव्हान
यंदाच्या निवडणुकीत अनेक ठिकाणी कॉँग्रेसने भाजपपुढे कडवे अाव्हान उभे केले अाहे. गुजरातचे मुख्यमंत्री विजय रूपाणी राजकोट हे भाजपच्या पारंपरिक बालेकिल्ल्यातून पुन्हा एकदा निवडणुकीच्या रिंगणात उभे अाहेत. कॉँग्रेसचे उमेदवार आणि राजकोटमधील बडे उद्योजक इंद्रनील राज्यगुरू यांनी त्यांच्यापुढे मोठे आव्हान उभे केले आहे. त्यातच पाटीदार आंदोलनाचे नेते हार्दिक पटेल यांनीही जोरदार प्रचार केल्याने भाजपसाठी ही निवडणूक सोपी नसल्याचे चित्र दिसत अाहे.

गुजरातमध्ये पाहिल्या टप्प्यातील मतदान

  • जागा ः ८९
  • मतदार संख्या ः २ कोटी १२ लाख
  • मतदान केंद्रे ः २४,६००

पक्षनिहाय उमेदवारांची संख्या

  • भाजप ः ८९
  • कॉँग्रेस ः ८७
  • अाप ः २१
  • जन विकल्प पक्ष ः ४९
  • बहुजन समाज पक्ष ः ६४
  • समाजवादी पक्ष ः ४
  • जेडी (यू) ः १४
  • राष्ट्रवादी कॉँग्रेस ः ३०
  • शिवसेना ः २५
  • अपक्ष ः ४४३
  • एकूण ः ९७७

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...