agriculture news in marathi, For the first time in October, the broiler market surpassed the hundreds | Agrowon

ऑक्टोबरमध्ये प्रथमच ब्रॉयलर बाजार शंभरीच्या पार
दीपक चव्हाण
सोमवार, 22 ऑक्टोबर 2018

ब्रॉयलर्सचे बाजारभाव वर्षातील उच्चांकी पातळीवर पोचले आहेत. अनपेक्षितपणे बाजारभावात मोठी तेजी आली आहे. यापुढील कालावधीतही बाजार तेजीत राहतील, असे तज्ज्ञांनी म्हटले आहे.

ब्रॉयलर्सचे बाजारभाव वर्षातील उच्चांकी पातळीवर पोचले आहेत. अनपेक्षितपणे बाजारभावात मोठी तेजी आली आहे. यापुढील कालावधीतही बाजार तेजीत राहतील, असे तज्ज्ञांनी म्हटले आहे.

नाशिक विभागात शनिवारी (ता. २०) ९६ रु. प्रतिकिलो दराने ब्रॉयलर्स पक्ष्यांचे लिफ्टिंग झाले. आठवडाभरात बाजारभाव प्रतिकिलो तब्बल २२ रु. ने वधारला आहे. ब्रॉयलर पोल्ट्री विभागात वाढत्या तापमानामुळे पक्ष्यांचे वजन वाढत नाही. खासकरून मालेगावसारख्या विभागात ३५ अंशापुढे तापमानाचा पारा पोचला आहे. याशिवाय पुणे व नाशिक अनुक्रमे ३४ अंशावर पोचले आहे. अलिबाग येथेही ३२ अंशावर पारा सरकला आहे. यामुळे उत्पादन नियंत्रित होण्यास मदत मिळाली आहे.

कोमरला समूहाचे संचालक कृष्णचरण म्हणाले, की बाजारात जोरदार मागणी आहे. सरासरी वजने सव्वादोन किलोच्या आत आहेत. दक्षिण भारतातील बाजारदेखील तेजीत असून, हैदराबाद आणि बंगळूर येथील बाजारभाव ९५ रु. प्रतिकिलोदरम्यान आहेत. यापुढील काळातही बाजारात तेजी टिकून राहील.

खडकेश्वर हॅजरिजचे संचालक संजय नळगीरकर म्हणाले, की ऑक्टोबरमध्ये प्रथमच ब्रॉयलरचे भाव शंभरावर पोचले आहेत. औरंगाबाद विभागात दीड किलोच्या आतील पक्ष्यांना १०० रु. दर मिळाला, तर सव्वादोन किलोचे पक्षी यांना ९५ रु. दर मिळाला. रविवारी (ता. २१) रोजी किरकोळ खप जोरदार होता. हॉटेल्स, केटरर्सकडील मागणीही वाढली आहे. संपूर्ण महाराष्ट्रातील चिकन शॉप्सवर चांगली विक्री झाली. १८० ते २०० रु. प्रतिकिलो दरम्यान बोर्ड रेट्स होते. सध्या मटणाचे भाव ४६० ते ५०० रु. अशा उंच पातळीवर आहेत, त्यामुळेही चिकनकडे ग्राहकांचा कल राहील, असे सांगून श्री. नळगीरकर सांगितले की, चालू आठवड्यात शेजारील राज्यांमुळे थोडा दबाव आला तरी बाजार ९० रु. च्या वर राहू शकतो. सर्वांनी टप्प्याटप्प्याने माल काढत राहणे योग्य राहील. यापुढील काळात उपवासाचे सणवार नसतील. त्यामुळे खप चांगला असेल. चिक्स व हॅचिंग एग्जचा पुरवठा नियंत्रित आहे. त्यामुळे बाजारभाव ८० रु. प्रतिकिलोच्या वर राहील.

‘मार्केटच्या दृष्टीने दरवर्षी ‘फेल’ जाणारा दसरा या वर्षी किफायती ठरला,’ असे देवळ्यातील पोल्ट्री फार्मर मनोज कापसे सांगितले. सप्टेंबरच्या शेवटच्या आठवड्यापासून सुरू झालेली ऑक्टोबर हीट, दरवर्षी नवरात्र व दसऱ्याला बाजार पडत असल्यामुळे इंटिग्रेटर्सकडून झालेली संयमित प्लेसमेंट यामुळे बाजार चांगला मिळाला. ब्रॉयलर्स मार्केटही अन्य शेतमालासारखे ट्रेंड होते. ज्या वेळी तेजी असते, तेव्हा माल वेगाने विक्री होतो, पोल्ट्रीशेडमध्ये माल साचून राहत नाही, पर्यायने वजने वाढत नाहीत, म्हणजेच इन्व्हेंटरी वाढत नाही. असे झाले की बाजार उंचावतो. खास करून जेव्हा जेव्हा वातावरण प्रतिकूल असते, तेव्हा तेजी हमखास टिकते.

गेल्या वीस वर्षांत देवळा विभागात ऑक्टोबर इतका तापला नव्हता, असे मनोज कापसे यांनी सांगतात. त्यावरून तेजीचे प्रमुख कारण स्पष्ट होते. कळवण, देवळा, सटाणा, मालेगाव, नांदगाव हे राज्यात सर्वाधिक ब्रॉयलर उत्पादन करणाऱ्या सप्टेंबर-ऑक्टोबरमध्ये पाऊसच झाला नाही. पू्र्ण हंगामात सरासरीपेक्षा निम्म्याने पाऊस कमी झालाय. अनेक गावांत भूजल साठाच वाढला नाही. आतापासूनच पिण्याच्या पाण्याचे हाल आहेत. त्यामुळे कोंबड्यांना कसे पाणी उपलब्ध करणार, असा प्रश्न शेतकऱ्यांना भेडसावत आहे. ब्रॉयलरमधील तेजीमुळे पिले व हॅचिंग्ज एग्जचा बाजारही सुधारला आहे. पिलांचे दर १ रु. ने वधारून ३६ रु.पर्यंत पोचले, तर हॅचिंग एग्जचे दर दीड रु.ने वाढून २८ रु. प्रतिनग झाले आहेत.

इतर अॅग्रोमनी
हळद वगळता सर्व शेतमालाचे भाव तेजीतया सप्ताहात साखर, सोयबीन व हळद वगळता सर्व पिकांचे...
कापूस कोंडी टाळण्यासाठी मिशन मोडवर काम...भारत हा जगातील पहिल्या क्रमांकाचा कापूस उत्पादक...
हळद, हरभऱ्याच्या फ्युचर्स भावात चढ -...या सप्ताहात कापूस, गवार बी व हरभरा वगळता सर्व...
इंटरनेटद्वारे कृषिमालाचे प्रभावी विपणनएकविसाव्या शतकातील माणूसही इंटरनेटच्या वेगाने...
पुढील काही महिने हळदीच्या दरावर ठेवा...या सप्ताहात सोयाबीन व गहू वगळता सर्व पिकांचे भाव...
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...
सोयामील निर्यात ७० टक्के वाढण्याचा अंदाजदेशाची सोयामील (सोयापेंड) निर्यात २०१८-१९ या...