राज्यात पाच कीटकनाशके विक्रीला दोन महिने बंदी

राज्यात पाच कीटकनाशके विक्रीला दोन महिने बंदी
राज्यात पाच कीटकनाशके विक्रीला दोन महिने बंदी

अकोलाः राज्यात कीटकनाशक फवारणीद्वारे विषबाधा होत असल्याच्या घटना मागील हंगामापासून सातत्याने घडत अाहेत. याची कारणे चौकशीत निष्पन्न झाली असून, कृषी खात्याने एक अधिसूचना काढत पाच कीटकनाशकांवर ६० दिवसांसाठी वितरण, विक्री किंवा वापरावर बंदी घातली अाहे. राज्याचे कृषी व जलसंधारण खात्याचे सचिव एकनाथ डवले यांनी हे अादेश काढले अाहेत.  कीटकनाशकांच्या वापरामुळे विषबाधा झाल्याच्या घटना राज्यात याही हंगामात पुन्हा उघडकीस अाल्या अाहेत. जुलैपासून अात्तापर्यंत कीटकनाशकांमुळे झालेल्या विषबाधेच्या उपचारासाठी विविध रुग्णालयांत ३३ शेतमजूर, शेतकऱ्यांना दाखल करण्यात अाले होते. कीडनाशकांचे लेबल क्लेम, तसेच एकमेकांत मिसळून त्यांची वाढू शकणारी विषारीपणाची तीव्रता हे मुद्दे त्यातून पुढे आले होते.  राज्य शासनाने मार्च २०१८ मध्ये पाच कीटकनाशकांची विक्री, वितरण किंवा वापर यावर कायमस्वरूपी बंदी घालण्याची विनंती केंद्रीय कीटकनाशक मंडळ व नोंदणी समितीकडे केली अाहे. केंद्र सरकार या प्रस्तावाबाबत अाढावा घेऊन चौकशी करीत अाहे.  कीटकनाशकांचे धोकादायक स्वरूप, तसेच विषबाधा होण्याच्या वारंवार घटना लक्षात घेता केंद्र सरकारकडून प्रस्तावावर चौकशी होईपर्यंत या कीटकनाशकांवर बंदी घालण्यात अाली अाहे.    या कीटकनाशकांवर बंदी प्रोफेनोफॉस (४० टक्के) अधिक सायपरमेथ्रीन (४ टक्के) संयुक्त कीटकनाशक, फिप्रोनील ४० टक्के अधिक इमिडाक्लोप्रिड ४० टक्के (डब्ल्यू जी), ॲसिफेट (७५ टक्के एसपी), डायफेन्थुरॉन (५० टक्के डब्ल्यूपी) व मोनोक्रोटोफॉस (३६ टक्के एसएल) या कीटकनाशकांचा समावेश अाहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com